ખબર

CM રૂપાણીની સૌથી મોટી જાહેરાત : કર્ફ્યૂ હટશે કે રહેશે? જાણો એક ક્લિકે

ગુજરાતના CM વિજય રૂપાણીએ આજે રવિવારે સાંજે સોશિયલ મીડિયાના માધ્યમથી સંબોધન કર્યું હતું. જેમાં તેમણે જણાવ્યું કે, લોકોએ વિકેન્ડ કરફ્યૂમાં લોકોએ સરકારનો સાથ આપ્યો છે. દિવાળી પછી સંક્રમણ વધ્યું હોવાથી સરકારે અમદાવાદમાં કરફ્યૂનો નિર્ણય કર્યો. હવે પછી ગુજરાતમા આવતીકાલથી ચારેય મહાનગરોમાં રાત્રિ કરફ્યૂ અમલી થશે.

કાલથી નાઈટ કર્ફ્યૂ. અમદાવાદ, વડોદરા, રાજકોટ અને સુરતમાં લાગુ રહેશે, દિવસના કર્ફ્યૂમાંથી જનતાને મુક્તિ આપવામાં આવી છે. CM એ વધુ કહ્યું કે ગુજરાતમાં કોવિડ સંક્રમણને ધ્યાને રાખતા હવે માસ્ક અને સોશિયલ ડિસ્ટન્સિંગના રૂલ્સનું ખાસ પાલન કરવું પડશે.

આજે એટલે કે રવિવારે 1500ની આસપાસ કોવિડ કેસો નોંધાયા છે. જેમાં છેલ્લા 24 કલાકમાં સમગ્ર આપણા રાજ્યમાં કુલ 1495 કેસ નોંધાયા છે. તો 1167 દર્દીઓ રિકવર થયા છે. તો છેલ્લા 24 કલાકમાં કોરોનાના કારણે કુલ 13 લોકોના મૃત્યુ પણ થયા છે. જેમાં અમદાવાદમાં 8, સુરતમાં 2, બનાસકાંઠા, ભાવનગર અને ગાંધીનગરમાં 1-1 દર્દીના મોત થયા છે. તમને જણાવી દઈએ કે અત્યારસુધીમાં કુલ 3859 કોવિડ પેશન્ટના મૃત્યુ થયા છે.

વધુમાં CM એ જણાવ્યુ છે કે, ગુજરાતની પ્રજાને કોરોનાકાળમાં ડરવાની જરૂર નથી. સરકારે તમામ પ્રકારની વ્યવસ્થા કરી રાખી છે. ટીનેજરે ટોળે વળવુ નહીં, તથાં કારણવગરની મેળાવડા કરવા નહીં. જેથી કરીને સંક્રમણ વધારે ફેલાય નહીં.

રાજ્યના નાગરિકોને મુખ્યમંત્રીશ્રી વિજયભાઇ રૂપાણીની અપીલ

• મુખ્યમંત્રીશ્રી વિજયભાઇ રૂપાણીએ અમદાવાદ શહેરના સૌ નાગરિકોને બે દિવસના વીકએન્ડ કર્ફ્યુમાં આપેલા પૂરતા સહકાર માટે અભિનંદન આપ્યા છે અને આભાર વ્યક્ત કર્યો છે. • મુખ્યમંત્રીશ્રીએ જણાવ્યું છે કે, તહેવારો બાદ અલગ અલગ રાજ્યો અને શહેરોમાં પણ કોરોના કેસનું સંક્રમણ વધ્યુ છે તેવા સમયે આપણે કોરોના સંક્રમણ વધે નહી તે માટે તાત્કાલિક નિર્ણય કરીને અમદાવાદમાં કર્ફ્યુનો અમલ કરાવવો પડ્યો છે.

• આવતીકાલથી અમદાવાદ શહેરમાં રાત્રી કર્ફ્યુનો અમલ શરૂ થાય છે સાથો સાથ વડોદરા, રાજકોટ અને સુરતમાં પણ ગઈકાલથી જે રાત્રી કર્ફ્યુનો અમલ થયો છે તે ચાલુ રહેવાનો છે.

• મુખ્યમંત્રીશ્રીએ સૌ નાગરિકો ખાસ કરીને યુવાઓને અપીલ કરી છે કે સાંજથી રાત દરમિયાન રેસ્ટોરન્ટ, પાનના ગલ્લા, ચાની લારી વગેરે પર ટોળે વળીને ભીડ એકત્રીત ન કરે. બિનજરૂરી બહાર જવા-આવવાનું ટાળે. • તેમણે યુવાનોને અનુરોધ કર્યો કે, તેઓ તો યુવા અવસ્થામાં સ્વસ્થ છે પરંતુ જો સંક્રમણ લઈને ઘરે જશે તો ઘરમાં વડીલોને અસર થશે એટલે યુવાનો ખાસ ધ્યાન રાખે. • આ ચાર શહેરો સિવાય રાજ્યના બાકીના નગરો અને ગામોમાં સંક્રમણ ન વધે તે માટે લોકો રાત્રે ઘરમાં જ રહે તેવી અપીલ મુખ્યમંત્રીશ્રીએ કરી છે.

• રાજ્યભરમાં સવારે ૬ થી રાત્રે ૯ વાગ્યા સુધી લોકો ફરજિયાત માસ્ક પહેરે જ તેવી ખાસ અપીલ કરતાં મુખ્યમંત્રીશ્રીએ કહ્યું કે, માસ્ક ન પહેરનાર લોકો સામે રૂ. ૧૦૦૦/-નો દંડની કડક કાર્યવાહી પોલીસ કરશે તેવી સૂચનાઓ પણ આપી છે.• ખ્યમંત્રીશ્રી એમ પણ કહ્યુ કે, ભુતકાળમાં આપણે સૌ સાથે મળીને દરેક સંક્રમણમાંથી સારી રીતે પાર ઉતર્યા છીએ. • મુખ્યમંત્રીશ્રીએ સ્પષ્ટ પણે જણાવ્યું છે કે, નાગરિકોએ ગભરાવવાની કોઇ જરૂર નથી, રાજ્ય સરકારે હોસ્પિટલોમાં પૂરતા બેડ, ડૉક્ટરો તથા ત્વરિત સારવાર મળે તે માટેની બધી જ વ્યવસ્થાઓ સુનિશ્વિત કરેલી છે.

• તેમણે સૌ નાગરિકોને કહ્યું કે, કોરોનાનું સંક્રમણ રોકવું એ અતિ આવશ્યક છે એટલે સૌ કોઇ ફરજિયાત માસ્ક, દો ગજ કી દૂરી અને વારંવાર હાથ ધોવા- સેનેટાઇઝ કરવા જેવી આદતો કેળવે અને તેનું અવશ્ય પાલન કરે.