અજબગજબ જાણવા જેવું

ચીનમાં આવેલો છે ઈજીપ્ત કરતા પણ મોટો પિરામિડ, જાણો આ રહસ્યને કેમ છુપાવે છે ડ્રેગન

8 હજાર વર્ષ જુના આ પિરામિડમાં છુપાયેલા છે અનેક રહસ્યો

ચીને ઘણી એવી વસ્તુઓ છુપાવી છે જેને તે દુનિયાની સામે આવવા દેતું નથી. ચીનમાં આવા જ રહસ્યમય પિરામિડ છે જેના વિશે દુનિયાને કોઈ જાણકારી નથી. ચીનની સેના આ રહસ્યમય પિરામિડની સુરક્ષા કરે છે. એવું માનવામાં આવે છે કે આ પિરામિડમાં ચીનના ઈતિહાસ સાથે ઘણા મોટા રહસ્યો જોડાયેલા હોઈ શકે છે, જેના કારણે ડ્રેગન તેને દુનિયાથી છુપાવી રહ્યો છે.

1000 ફૂટ ઉંચો પિરામિડ : આ પિરામિડ ચીનના શિયાન શહેરથી લગભગ 100 કિમી દૂર જંગલોની વચ્ચે સ્થિત છે. પિરામિડના આકારમાં બનેલા આ ટેકરાઓનું રહસ્ય આજ સુધી ખુલ્યું નથી. ચીને સદીઓથી પિરામિડના રહસ્યો છુપાવીને રાખ્યા છે. વર્ષ 1912માં ફ્રેડ મેયર શ્રોડર નામના અમેરિકન બિઝનેસમેન ત્યાં પહોંચ્યા. આ પછી દુનિયાને આ પિરામિડ વિશે જાણકારી મળી.

આ વાતનો ખુલાસો અમેરિકન બિઝનેસમેને પોતાની ડાયરીમાં કર્યો છે. તેમણે જણાવ્યું કે આ સ્થળોએ 1000 ફૂટ ઉંચો અને તેનાથી પણ ઉંચો પિરામિડ છે. આ પછી યુએસ એરફોર્સના પાયલોટ જેમ્સ ગોઝમેને આ પિરામિડ જોયો. તેણે કહ્યું કે તે ઇજિપ્તના મહાન પિરામિડથી ઊંચો છે અને તેની ઉપર ક્રિસ્ટલ જેવો રત્ન હતો.

ચીની સેના રક્ષણ કરે છે : જર્મન તપાસકર્તા હાર્ટવિગ હોસડોર્ફે 90ના દાયકા દરમિયાન આ પિરામિડ શોધવાનો પ્રયાસ કર્યો હતો, પરંતુ તેઓ સફળ થયા ન હતા. તેમને માહિતી મળી કે ચીની સેના તેમની સુરક્ષા કરી રહી છે. એવું કહેવાય છે કે આ 8000 વર્ષ જૂના પિરામિડ પર વૃક્ષો અને ઘાસ ઉગ્યા છે. દૂરથી તે ટેકરી જેવું લાગે છે. તેને નજીકથી જોઈ શકાય છે. એવું માનવામાં આવે છે કે આમાં શાહી લોકો દફનાવવામાં આવ્યા છે, તેથી તેની સુરક્ષા કરવામાં આવે છે.

તેને શા માટે છુપાવવામાં આવ્યો? : પશ્ચિમી દેશોના પુરાતત્વવિદોએ દાવો કર્યો છે કે કેટલાક ફોટા જોયા બાદ જાણવા મળ્યું છે કે તેના પર ઝાડીઓ લગાવવામાં આવી છે જેથી કરીને આ રહસ્ય દુનિયાથી છુપાવી શકાય. નિષ્ણાતો માને છે કે અહીં શાસકો અને કિંમતી ચીજવસ્તુઓ છુપાવવામાં આવી છે. એટલા માટે ચીની સેના અહીં ચુસ્ત બંદોબસ્ત રાખે છે.