આપણા દેશની અંદર મહિલાઓ માટે અઢળક કાયદાઓ બનાવાવમાં આવ્યા છે, પરંતુ ઘણીવાર મહિલાઓ આવા કાયદાઓનું ઉલ્લઘન કરી પણ જોવા મળે છે અને ઘણીવાર ઘણા કિસ્સાઓમાં એવું પણ જોવા મળે છે કે પુરુષનો વાંક ના હોવા છતાં પણ મહિલાઓ તેમની સાથે એવું કરે છે જેને લઈને હોબાળો પણ મચી જતો હોય છે. સોશિયલ મીડિયામાં પણ આવી ઘણી ઘટનાઓના વીડિયો પણ વાયરલ થતા રહે છે. ત્યારે હાલ એવો જ એક વીડિયો સોશિયલ મીડિયામાં ખુબ જ વાયરલ થઇ રહ્યો છે જેમાં એક કેફેની બહાર યુવતી એક યુવકને માર મારતી જોવા મળી રહી છે.
વાયરલ વીડિયોમાં એક પુરુષ અને એક મહિલા કેફેની બહાર લડતા જોઈ શકાય છે. એક છોકરીએ કેફેની બહાર એક માણસને જોરથી માર્યો. આ મામલો લખનઉ1ના વિભૂતિ ખંડ પોલીસ સ્ટેશનના અનપ્લગ્ડ કેફેનો છે. વિભૂતિખંડ કોતવાલી વિસ્તારમાં સ્થિત યુસી અનપ્લગ્ડ રેસ્ટોરન્ટ કાફેમાં મોડી રાત્રે ભારે હોબાળો થયો હતો. આનો એક વીડિયો સોશિયલ મીડિયા પર વાયરલ થયો છે જેમાં એક છોકરી એક છોકરાને મારતી જોવા મળી રહી છે.
આ હંગામો જોવા માટે ઘણા લોકો કેફેની બહાર હાજર હતા. તેમાંથી, કાફેના સંચાલક અથવા બાઉન્સરે આવીને લડાઈમાં દરમિયાનગીરી કરી. જાણવામાં આવી રહ્યું છે કે છોકરી અને છોકરો પાર્ટી કરવા માટે કેફે પહોંચ્યા હતા. બંને નશામાં હોવાનું કહેવાય છે. આ દરમિયાન તેમની વચ્ચે કોઈ બાબતે ઝઘડો થયો હતો. આ પછી બંને વચ્ચે ઝપાઝપી શરૂ થઈ ગઈ.
કેફેની બહાર રેકોર્ડ કરાયેલા એક વીડિયોમાં જોવા મળે છે કે છોકરી કેવી રીતે છોકરાને માર મારી રહી છે. નજીકમાં ઉભેલી એક છોકરી પણ તેને રોકવાનો પ્રયાસ કરી રહી છે. પરંતુ ગુસ્સે થયેલી યુવતી અટકતી નથી અને ત્યાં સ્થિત વસ્તુઓ બહાર કાઢીને તે વ્યક્તિને માર મારી રહી છે. મારામારીના કારણે ત્યાં ભીડ એકઠી થઈ ગઈ હતી. જ્યારે બોડીગાર્ડ અને કેફેના સંચાલકને આ વાતની જાણ થઈ તો તેઓએ પણ દરમિયાનગીરી કરી, ત્યારબાદ બંનેને હટાવીને લડાઈ બંધ કરાવી દીધી.
लखनऊ अनप्लग्ड कैफे के बाहर चले लात-घूंसे, लड़की ने एक शख्स को जमकर पीटा #Video Viral #Lucknow #UnpluggedCafe @Live_Hindustan pic.twitter.com/r8Ks3cVQAI
— Hindustan UP-Bihar (@HindustanUPBH) July 22, 2022
કેફેની બહાર હાજર લોકોએ સમગ્ર ઘટનાનો વીડિયો બનાવીને સોશિયલ મીડિયા પ્લેટફોર્મ પર વાયરલ કર્યો હતો. શુક્રવારે આ વીડિયો સોશિયલ મીડિયા પ્લેટફોર્મ પર ઝડપથી ફેલાઈ ગયો. આ અંગે વિભૂતિખંડ પોલીસ સ્ટેશનના ઈન્ચાર્જે જણાવ્યું કે આ વીડિયો ગુરુવારે મોડી રાતનો છે. કાફેમાં હંગામો અને લડાઈ અંગે કોઈએ જાણ કરી ન હતી. હાલમાં જ્યારે પોલીસ કાફે પર પહોંચી ત્યારે લોકોએ આ ઘટના પર મૌન સેવી લીધું છે. જો કે આ મામલામાં હજુ સુધી કોઈ લેખિત ફરિયાદ મળી નથી, પરંતુ વિડિયોને ધ્યાનમાં લઈને ટૂંક સમયમાં જ કાર્યવાહી કરવામાં આવશે અને કલમ-144ના ઉલ્લંઘન હેઠળ આરોપીઓની ધરપકડ કરવામાં આવશે. રેસ્ટોરન્ટ સંચાલકની પણ પૂછપરછ કરવામાં આવશે.
