Budh Gochar: જ્યોતિષ શાસ્ત્રમાં જણાવવામાં આવ્યું છે કે, દરેક ગ્રહ જીવનના કોઈને કોઈ ભાગ સાથે સંબંધિત છે અને તેની અસર પણ જોવા મળે છે.ગ્રહ જ્યારે પણ રાશિ પરિવર્તન કરે છે, વાકી કે સીધી ચાલ ચાલે છે, અસ્ત કે ઉદય થાય છે તો તેની સીધી અસર બધી રાશિઓ પર પડે છે. બુધ પણ એક મુખ્ય ગ્રહ છે અને તેની રાશિમાં થતું પરિવર્તન વેપાર,શેર માર્કેટ, અર્થવ્યવસ્થા પર પડે બતાવે છે. આ સમયે બુધ વૃષભ રાશિમાં છે અને 2 જુલાઈ સુધી આ જ રાશિમાં રહેશે. આ દરમિયાન તે ત્રણ રાશિના લોકો માટે શુભ સાબિત થશે.
મેષ રાશિ: મેષ રાશિના લોકો માટે બુધનું ગોચર સારા સંકેતો લઈને આવી રહ્યું છે.આ રાશિના લોકોની આર્થિક તંગી દૂર થશે. અજાણા લોકો પાસેથી ધન લાભ થશે. આ ઉપરાંત લાંબા સમયથી ઉછીના આપેલા કે રોકાણ કરેલા પૈસા પરત મળશે. વેપારી વર્ગ માટે પણ આ સમયગાળો શુભ સાબિત થશે. તમને મોટા મોટા પ્રોજેક્ટ મળી શકે છે. આ ઉપરાંત નોકરિયાત વર્ગને ઈન્ક્રીમેન્ટ મળશે અને કંપનીના કામ માટે વિદેશ જવાનું પણ થશે. આ ઉપરાંત તમને દરેક કાર્યમાં સફળતા મળશે.
કર્ક રાશિ: કર્ક રાશિના લોકો આ સમયગાળા દરમિયાન શત્રુઓ પર વિજય મેળવશે. વેપાર ધંધામાં મોટી પ્રગતિ કરશે અને નવા સાહસમાં પણ સફળતા મળશે. નવી ગાડી કે મકાન લેવાનો યોગ બનશે. પરિવાર સાથે લોંગ ટૂરનું આયોજન થશે. ઘરમાં ધાર્મિક અનુષ્ઠાન થઈ શકે છે જેથી પરિવારમાં સુખ શાંતિ બની રહેશે. નોકરીમાં પ્રમોશન મળશે. આર્થિક સંકટ દૂર થશે. વર્ષોથી અટકી પડેલી ધાર્મિક યાત્રા થશે. પત્નીનો સાથે મળશે. શરીર સ્વાસ્થ્ય પણ સારુ રહેશે અને તમે સફળતાના તમામ શિખરો સર કરી શકશો.
સિંહ રાશિ: બુધનું ગોચર સિંહ રાશિના લોકો માટે ખુશીઓ લઈને આવ્યું છે. તમે કેરિયરમાં ઉંચા શિખરો પર પહોંચશો. તમારા કામની કદર કરવામાં આવશે અને સમાજમાં તમારી કિર્તી વધશે. રાજકારણમાં રહેલા લોકો માટે પણ આ સમયગાળો યશ લઈને આવી રહ્યો છે. તમને મોટી જવાબદારી મળી શકે છે. બેરોજગારોને નવી નોકરી મળી શકે છે અને જે લોકો નોકરીમાં છે તેમને પ્રમોશનની સાથે સાથે ઈન્ક્રિમેન્ટ પણ મળશે.
