લગ્ન એ ખુબ જ ખાસ પ્રસંગ હોય છે અને આજે દરેક વ્યક્તિ પોતાના લગ્નને ખાસ બનાવવા માટે અલગ અલગ આયોજનો કરતા હોય છે. લગ્નમાં ખાસ ફોટોગ્રાફી હોય છે. જેના માટે વર અને કન્યા બંને ખાસ આયોજનો કરતા હોય છે. ઘણા લોકો લગ્ન પહેલા પ્રિ વેડિંગ ફોટોશૂટ પણ કરાવે છે અને ઘણીવાર ફોટોગ્રાફી માટે એવી એવી જગ્યાઓ પસંદ કરે છે કે તેની તસવીરો અને વીડિયો પણ વાયરલ થઇ જતા હોય છે. હાલ એક એવું જ ફોટોશૂટ વાયરલ થઇ રહ્યું છે.
આ ફોટોશૂટ વાયરલ થયું હતું કેરળમાંથી. જેનો એક ચોંકાવનારો વીડિયો સામે આવ્યો છે. અહીં એક દુલ્હને પોતાના બ્રાઈડલ ફોટોશૂટ દરમિયાન રસ્તાઓ પરના ખાડાઓ વચ્ચે ફોટોશૂટ કરાવ્યું અને તેને સોશિયલ મીડિયા પર અપલોડ કર્યું, જે પછી તે ખૂબ જ વાયરલ થઈ રહ્યું છે. તેના પર યુઝર્સ અલગ-અલગ પ્રકારના રિએક્શન આપી રહ્યા છે. દુલ્હનએ આ અનોખી શૈલીમાં પોતાના લગ્નના શૂટને યાદગાર બનાવવાનું નક્કી કર્યું છે.
આ વાયરલ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર પોસ્ટ કરવામાં આવ્યો છે, જેમાં એક દુલ્હન વરસાદના પાણીથી ભરેલા ખાડાઓને ટાળીને રસ્તા પર ચાલતી જોઈ શકાય છે. આગળ એક ફોટોગ્રાફર તેનું ફોટોશૂટ કરી રહ્યો છે. તે જ સમયે, કોઈ અન્ય વ્યક્તિ પણ આ બધાનો વીડિયો બનાવી રહ્યો છે. વીડિયોમાં લાલ સાડી પહેરેલી દુલ્હન ખાડાવાળા રસ્તા પર ચાલી રહી છે.
વીડિયોમાં જોઈ શકાય છે કે દુલ્હન પાણીથી ભરેલા ખાડાઓ વચ્ચે સુંદર રીતે ચાલી રહી છે. આ ક્લિપમાં કેટલાક રાઇડર્સ પણ રસ્તામાં પડેલા ખાડાથી બચવાનો પ્રયત્ન કરતા જોવા મળે છે. ફોટોગ્રાફર દૂરથી દુલ્હનનો ફોટો લઈ રહ્યો છે. તેના ફોટા અને વીડિયો ઈન્સ્ટાગ્રામ પર પોસ્ટ કરવામાં આવ્યા છે. વીડિયોની સાથેના કેપ્શનમાં લખ્યું છે, રસ્તાની વચ્ચે દુલ્હનનું ફોટોશૂટ. આ વીડિયો 11 સપ્ટેમ્બરે શૂટ કરવામાં આવ્યો હતો.
View this post on Instagram
વીડિયોને લગભગ 4.8 મિલિયન વખત જોવામાં આવ્યો છે, જ્યારે લગભગ ચાર લાખ કરતા વધુ યુઝર્સે તેને લાઈક કર્યો છે. તે જ સમયે, હજારો યુઝર્સે આના પર રસપ્રદ ટિપ્પણીઓ કરી છે. દુલ્હનના બ્રાઈડલ ફોટોશૂટની આ અનોખી સ્ટાઈલના ઘણા યુઝર્સ વખાણ કરી રહ્યા છે. તે જ સમયે, કેટલાક યુઝર્સે કેરળના રસ્તાઓની આવી ખરાબ હાલતની મજાક પણ ઉડાવી છે. એક યુઝરે લખ્યું કે, “બ્રાઈડલ ફોટોશૂટ રસ્તા પર નહીં પરંતુ પુલમાં થાય છે.” અન્ય એક યુઝરે લખ્યું, ખૂબ જ સારો રસ્તો, વાહ શું રસ્તો છે. જો તમે નાની માછલીઓ ખરીદી શકો છો, તો તમે અહીં મત્સ્યપાલન કરી શકો છો.
