સોશિયલ મીડિયામાં સ્ટન્ટ મેન ઘણીવાર એવા એવા વીડિયો શેર કરતા હોય છે જેને જોઈને કોઈપણ દંગ રહી જાય. તેમના દ્વારા શેર કરવામાં આવેલા વીડિયો સોશિયલ મીડિયામાં પણ ખુબ જ વાયરલ થઇ જતા હોય છે. પરંતુ ઘણીવાર આવા સ્ટન્ટ જોખમ કારક પણ બને છે અને કેટલાક લોકોના જીવ પણ આવા સ્ટન્ટના કારણે જ ચાલ્યા જતા હોય છે.
હાલ સોશિયલ મીડિયામાં એક એવો જ વીડિયો વાયરલ થઇ રહ્યો છે, જેમાં એક યુવક પુરપાટ ઝડપે દોડતી ટ્રેનમાંથી એવા એવા સ્ટન્ટ કરી રહ્યો છે જેને જોઈને કોઈનો પણ જીવ તાળવે ચોંટી જાય. સોશિયલ મીડિયામાં આ વીડિયો વાયરલ થવાની સાથે જ લોકોનો પણ ગુસ્સો ફૂટી રહ્યો છે અને આવા ખતરનાક અને જીવલેણ સ્ટન્ટ લોકોને ના કરવા માટે પણ કહેવામાં આવ્યું છે.
સોશિયલ મીડિયા ઉપર વાયરલ થઇ રહેલા આ વીડિયોની અંદર જોઈ શકાય છે કે એક યુવક ટ્રેનના દરવાજા ઉપર લાગેલા હેન્ડલને પકડીને લટકી જાય છે. આ દરમિયાન તે ઘણા કરતબ પણ દેખાડે છે. તેને જોઈને એવું લાગે કે આ ભાઈ પાસે એક કરતા વધારે લાઈફ હશે અને એટલે જ તેને મરવાનો કોઈ ડર નથી. તે પોતાના સ્ટન્ટ દરમિયાન ઘણી દિલ ધડક છલાંગ પણ લગાવે છે. જેને જોઈને એમ જ લાગે કે તેનો ગમે ત્યારે જીવ જઈ શકે છે.
Wow #OMG #Madness #trains #Travel @ladbible @HldMyBeer @CrazyFunnyVidzz @Viralmemeguy #Lol #funny @LockerRoomLOL @YoufeckingIdiot @LovePower_page @DailyViralPro @DailyViralPro pic.twitter.com/Tl8nEY9xfn
— Cazz inculo (@InculoCazz) September 14, 2021
આ યુવકનો સ્ટન્ટ કરવાનો વીડિયો સોશિયલ મીડિયામાં વાયરલ થઇ રહ્યો છે. આ યુવક ટ્રેનના દરવાજા ઉપર ઉભો રહીને ચાલુ ટ્રેનમાં રસ્તામાં આવતા થાંભલાને પણ કૂદી કૂદીને ટચ કરે છે અને પાછો દરવાજા આગળ આવીને ઉભો રહી જાય છે. એટલું જ નહિ, તે ચાલુ ટ્રેન પકડીને છલાંગ પણ લગાવે છે અને દીવાલ ઉપર ચાલીને પાછો આવીને ઉભો રહી જાય છે. જેવું સ્ટેશન આવે છે તે ચાલુ ટ્રેન દરમિયાન જ પોતાના પગ જમીન ઉપર રાખી દે છે. તેની સાથે બીજા છોકરાઓ પણ આમ કરતા જોવા મળે છે.
