આજે જમાનો સોશિયલ મીડિયાનો છે અને મોટાભાગના લોકો આજે સમય પસાર કરવા માટે ઇન્ટરનેટ ઉપર અવનવા વીડિયો જોતા હોય છે, ત્યારે આ વીડિયોમાં જ કેટલીક વાર એવા પણ વીડિયો આવી જતા હોય છે જેને જોઈને આપણી આંખો પણ ભીની થઇ જતી હોય છે. ત્યારે હાલ એવો જ એક વીડિયો વાયરલ થઇ રહ્યો છે, જે સ્કૂલમાં ભણતા એક દિવ્યાંગ બાળકનો છે, આ બાળકની મહેનત અને લગન જોઈને તમારી આંખો પણ છલકાઈ ઉઠશે અને તમે પણ તેને સલામ કરી દેશો.
જે વીડિયો વાયરલ થઇ રહ્યો છે તેમાં હાથ અને આંગળીઓ વગરનું બાળક સામાન્ય વ્યક્તિની જેમ રોજિંદા કાર્યો કરતા જોવા મળે છે. ટ્વિટર પર શેર કરવામાં આવેલી ક્લિપમાં એક છોકરો સ્કૂલ યુનિફોર્મમાં જોઈ શકાય છે. બાળક શાળાની કેન્ટીનમાં લંચ લેતો બતાવવામાં આવ્યો છે. નજીકથી જોવામાં આવે તો ખબર પડે છે કે બાળકના બંને હાથ કોણીની નીચેથી કપાયેલા છે.
હાથ ન હોવા છતાં, શાળાનો છોકરો રોટલી તોડવા માટે તેના મોં અને અંગોનો ઉપયોગ કરે છે અને પછી તેને તેના વિકલાંગ હાથથી ખાવાનો પ્રયાસ કરે છે. આટલું જ નહીં, તે પોતાના વિકલાંગ હાથ વડે ચમચી વડે ખાવાનો પ્રયત્ન કરે છે અને પોતાનો ખોરાક ખાવામાં સફળ થાય છે. વીડિયોના અંતમાં આ દ્રશ્ય જોઈને લાખો લોકો ભાવુક થઈ ગયા હતા.
આ છોકરાને પગ પણ નથી, પરંતુ તેનાથી તેને કોઈ ફરક પડતો નથી. સામાન્ય બાળકોની જેમ તે પણ શાળાની કતારમાં ઉભા રહીને ભારત માતા કી જયના નારા લગાવી રહ્યા છે. આ દરમિયાન શાળાના અન્ય બાળકો પણ જોઈ શકાય છે. ટ્વિટર પર આ વીડિયોને 8 લાખથી વધુ વખત જોવામાં આવ્યો છે અને ઘણા લોકોએ કહ્યું કે આ વીડિયો જોઈને મારા આંસુ આવી ગયા.
जिंदगी का जिंदगी से वास्ता जिंदा रहे,
हम रहें जब तक हमारा हौसला जिंदा रहे।~ अशोक अंजुम pic.twitter.com/2mQtI2MO7E
— उम्दा_पंक्तियां (@umda_panktiyan) August 31, 2022
એક યુઝરે લખ્યું, ‘જીવનમાં કશું જ અશક્ય નથી.’ અન્ય એક યુઝરે લખ્યું, ‘આ સુંદર નાનો છોકરો આ દેશના ઘણા લોકો માટે પ્રેરણા છે. મારું હૃદય પીગળી ગયું. વીડિયોએ ઘણાને પ્રેરણા આપી હોય તેવું લાગે છે. ત્રીજા યૂઝરે લખ્યું, ‘આ બાળકને જોઈને જ અમને જીવનભર પ્રેરણા મળી રહેશે.’ જો કે, કેટલાક એવા પણ હતા જેમણે તે બાળકને સૂચવ્યું. એક યુઝરે કોમેન્ટ બોક્સમાં લખ્યું કે, ‘બાળકને ભવિષ્યમાં પ્રોસ્થેટિક્સ લેવા જોઈએ જેથી તેનો સંઘર્ષ ઓછો થાય.’
