“ભુજ” ફિલ્મની અંદર બતાવ્યા એવા સીન કે જોઈને માથું પકડી લેશો, લોકોએ કહ્યું ફિલ્મના નામે ઉલ્લુ બનાવે છે

બોલીવુડ વાળા ફિલ્મના નામે કરોડો કમાઈ લે છે, ભુજમાં તો આ 7 સીન જોઈને ફેન્સ બોલ્યા, મૂર્ખ બનવી દીધા

આપણે બોલીવુડમાં ઘણી એવી ફિલ્મો જોઈએ છીએ, જેના કેટલાક સિંનો લોજીક જોઈને દિમાગ પણ ચકરાવે ચઢી જાય. હાલમાં જ અજય દેવગનની ભુજ મુવી આવી તેમાં પણ કંઈક એવું જ જોવા મળ્યું. માત્ર ભુજ જ નહિ, એવી ઘણી ફિલ્મો છે જેમાં આવા આવા સીન જોવા મળે છે. આજે અમે તમને એવી કેટલીક ફિલ્મોના એવા સીન જણાવીશું જેને જોઈ તમારું દિમાગ ચોક્કસ ચકરાવે ચઢ્યું હશે.

બોલીવુડની ફિલ્મોને મોટાભાગનો વર્ગ જુએ છે, અને ઘણા યુવાનો આ ફિલ્મો જોઈને પ્રેરણા પણ લેતા હોય છે, તો ઘણા લોકો આવી ફિલ્મોના સ્ટન્ટને રિયલમાં પણ અપનાવતા હોય છે અને ઘણીવાર કોઈ દુર્ઘટનાનો શિકાર પણ બનતા હોય છે. ઘણીવાર ફિલ્મોમાં એવા અજીબો ગરીબ સીન જોવા મળે છે જે જોઈને એવું થાય કે આ સમયે ડાયરેક્ટર ટી-બ્રેક ઉપર તો નહિ ચાલ્યો ગયો હોય.

આવી જ ફિલ્મોમાં હાલમાં આવેલી અજય દેવગનની ફિલ્મ ભુજ પણ છે. જેને મોટાભાગના લોકોએ કેટલાક સીન જોઈને કહ્યું હશે કે આ શું બતાવી દીધું. પહેલા તો આ ફિલ્મના એક સીન વિશે જો વાત કરીએ તો પાકિસ્તાની સેના ભુજ એરફોર્સના રન-વેને તોડી નાખે છે જેના બાદ ગામના લોકો દ્વારા ગુપ્ત રીતે રન-વે રીપેર કરવાનું કામ હાથ ધરવામાં આવે છે ત્યારે ગામના લોકો ઢોલ નગારા સાથે આવી ચઢે છે અને ગીતો ગાવા લાગે છે ત્યારે મનમાં થાય કે આ શું બકવાસ છે.

તો બીજા એક સીનની અંદર વાયુસેનાના કાર્ગો પ્લેનનું આગળનું વ્હીલ તૂટી જાય છે અને જયારે ભુજ એરબેઝ ઉપર લેન્ડ કરવાનું હોય છે ત્યારે અજય દેવગનના કહેવા ઉપર ટ્રક ઉપર લેન્ડ કરવામાં આવે છે. આ સીન જોઈને પણ દર્શકોનું માથું ભમી જાય છે અને મનમાં સવાલ આવે કે ખરેખર આવું થઇ શકે ? ફિલ્મમાં સ્ટન્ટના નામ ઉપર તમે કંઈપણ બતાવી દેશો ?

તો આ ફિલ્મના એક સીનની અંદર જોવા મળે છે કે અજય દેવગન ખાડાની અંદર ટાઈમ બોમ ડિફ્યુઝ કરવા માટે દીવાસળી સળગાવી, દોરડાને આગ લગાવી અને માચીસનું બોક્સ ફેંકી દે છે.  પરંતુ જયારે તે દોરડાને સળગાવીને ચાલવા લાગે છે ત્યારે ફરીથી માચીસનું બોસ ફેંકે છે, યાર આ વાત કઈ સમજમાં ના આવી કે એકવાર બોક્સ ફેંકી દીધા પછી બીજીવાર શું કામ ફેંકવું પડ્યું ?

તો બીજા એક સીનમાં પાકિસ્તાનના ઘણા બધા સૈનિકોને મારેલ બતાવવામાં આવે છે અને સંજય દત્ત તેમની વચ્ચે સૂતેલો દેખાય છે. ત્યારે એટલા બધા સેનિકોને જોઈને ગણતરી પણ ના થાય, પરંતુ ધ્યાનથી જોશો તો આ એડિટિંગનો કમાલ હતોમ, એકના એક લોકોને અલગ અલગ પોઝિશનમાં ગોઠવી દેવામાં આવ્યા છે. જો તમે બીજા એક સીનમાં અજય દેવગનને ધ્યાનથી જોશો તો એક વાત સમજમાં આવશે કે તેના માથામાં વાગ્યું ડાબી બાજુ છે અને તે આખી ફિલ્મમાં બેન્ડેડ જમણી બાજુ લગાવીને ફરે છે.

ભુજ ફિલ્મનું એક ગીત તો તમે બધાએ જોયું જ હશે, આ ફિલ્મમાં પણ ધ્યાનથી જોશો તો તમને ખબર પડશે કે બધા લોકો હાથમાં ફૂલ લઈને ઉભા છે અને અજય ઉપર ફેંકે છે, પણ થોડી જ વારમાં તે દિલ કાઢે છે. આ કેવી રીતે જાદુ હતું કે શું ? તો જયારે કેમેરો તેમના ઉપર ફરે છે ત્યારે નીચે પણ ફૂલ જ ડૂલ દેખાય છે પણ જેવું કેમરાનું એન્ગલ ઉપર તરફ જાય છે, બધા જ ફૂલ ગાયબ.

તો શાહરુખ ખાન અને કરીનાની ફિલ્મ “રા-વન” પણ તમે જોઈ જ હશે. આ ફિલ્મ એક્શન ફિલ્મ છે પરંતુ એક સીન એવો પણ આવે છે જે જોઈને તમને પણ એમ થાય કે સાવ આવું ? શાહરુખ ખાનની મોત બાદ જે બતાવવામાં આવે છે તે હેરાન કરવા વાળું છે.ફિલ્મ શાહરુખ ખાન એટલે કે શેખર સાઉથ ઇન્ડિયન પરિવારનો બતાવવામાં આવ્યો છે જે હિન્દૂ છે અને તેના મોત બાદ તેની અંતિમ વિધિ ક્રિશ્ચન રીતે કરવામાં આવે છે.તેને બ્લેક સૂટમાં તાબૂતમાં રાખવામાં આવે છે.

વર્ષ 2008માં આવેલી ફિલ્મ “રબને બનાદી જોડી” પણ એવું જ કંઈક હેરાન કરવાનું છે. આ ફિલ્મની અંદર પણ પ્રેમ કહાની સૌને આકર્ષે છે અને ઘણા લોકોને આ ફિલ્મની લવ સ્ટોરી મોટાભાગના લોકોને પસંદ આવી. પરંતુ એક વાત સૌને ખૂંચી હતી, કે ફક્ત એક મૂંછના કારણે શાહરૂખનો લુક બદલાઈ જાય છે અને અનુષ્કા જે તેની પત્ની હોય છે તે પણ તેને નથી ઓળખી શકતી, કેટલું વાહિયાત લાગે નહીં ?

વર્ષ 2018માં આવેલી સલમાન ખાનની ફિલ્મ “રેસ”માં પણ એવું જ કંઈક જોવા મળ્યું. આ ફિલ્મમાં એક્શન જોવા મળ્યા, ખ્યાતનામ કલાકારોની ભરમાર જોવા મળી પરંતુ દર્શકોને એક વાતની ખોટ લાગી અને એ હતી ફિલ્મની કહાની.  ઘણા લોકોએ આ ફિલ્મ જોયા બાદ સલમાન અને રેમો ડિસુઝા સાથે ફિલ્મને પણ ઘણી ટ્રોલ કરી હતી.

1998માં આવેલી ફિલ્મ “કુછ કુછ હોતા હે” અને વર્ષ 1997માં આવેલી ફિલ્મ “દિલ તો પાગલ હે” આ બંને ફિલ્મોની અંદર શાહરુખ ખાન પેન્ટ પહેવારનું જ ભૂલી જાય છે. હવે વિચારવા જેવી બાબત એ છે કે કોઈ માણસ પેન્ટ પહેર્યા વગર મીટીંગની અંદર જવા માટે કેવી રીતે તૈયાર થઇ શકે છે ?

સલમાન ખાન અને ભાગ્યશ્રીની ફિલ્મ “મેને પ્યાર કિયા” પણ સુપર હિટ હતી. આ ફિલ્મની અંદર તમે જોયું હશે કે એક કબૂતર ચિઠ્ઠી લઈને એકબીજાને આપે છે. ત્યારે મનમાં સવાલ ઉભો થાય કે એક જ ઘરમાં રહેવા છતાં અને ટેલિફોનની સુવિધા હોવા છતાં પણ કબૂતરને સંદેશ વાહક તરીકે બતાવવાની વાત પચે એવી નથી.

માત્ર આટલી જ ફિલ્મો નહીં. ઘણી બીજી એવી ફિલ્મો છે જેના ઘણા દૃશ્યોમાં આપણે એવી એવી વસ્તુઓ બતાવવામાં આવે છે કે લોકોને એ વાત ગળે પણ ના ઉતરે અને મનોરંજનના નામ ઉપર આપણે આવી ફિલ્મો જબરદસ્તી પણ જોવી પડતી હોય છે.

Niraj Patel