મનોરંજન

આશ્રમ શોના ત્રીજા ભાગની રાહ જોનારા ચાહકો માટે આવી ગઈ ખુશખબરી

બોબી દેઓલની મચઅવેટેડ વેબ સીરિઝ ‘આશ્રમ 3’નુ મોશન પોસ્ટર રિલીઝ થઈ ગયુ છે. આ વિડીયોમાં સીઝન 3નો લોગો સ્પષ્ટ રીતે દેખાઈ રહ્યો છે. પાછળની પૃષ્ઠભૂમિમાં આગની જ્વાળાઓ દેખાય છે. આ મોશન વિડીયો રીલીઝ થતા જ ચાહકો આ વેબ સીરીઝના ત્રીજા ભાગને લઈને ખુબ જ ઉત્સાહિત થઇ ગયા છે. આ મોશન વિડીયો ઇશા ગુપ્તા અને બોબી દેઓલે તેમના ઓફિશિયલ ઈન્સ્ટાગ્રામ એકાઉન્ટ પર શેર કર્યો છે. જે બાદ ફેન્સ આ મોશન વીડિયો પર સતત કોમેન્ટ કરી રહ્યા છે.

‘આશ્રમ 3’ વેબ સિરીઝ ક્યારે રિલીઝ થશે તેની તારીખ હજુ સુધી જાહેર કરવામાં આવી નથી. પરંતુ આ મોશન વિડીયો રીલીઝ થતાની સાથે જ એ નિશ્ચિત છે કે ચાહકો આશ્રમ વેબ સીરીઝનો ત્રીજો ભાગ જલ્દી જ જોઈ શકશે. થોડા દિવસો પહેલા એક ઈન્ટરવ્યુ દરમિયાન આ વેબ સિરીઝમાં મહત્વની ભૂમિકા ભજવનાર અભિનેતા સંદીપે જણાવ્યું હતું કે શૂટિંગ અને ડબિંગનું કામ પૂર્ણ થઈ ગયું છે અને ટૂંક સમયમાં જ નવી સીઝન દર્શકોને જોવા મળશે.બોબી દેઓલે આ વેબ સિરીઝમાં બાબા નિરાલાનું એવું પાત્ર ભજવ્યું કે તે લોકોના મનમાં વસી ગયો.

 

View this post on Instagram

 

A post shared by Bobby Deol (@iambobbydeol)

આ વેબ સિરીઝની વાર્તા કાશીપુરના કાલ્પનિક શહેર પર આધારિત છે. વેબ સિરીઝમાં બતાવવામાં આવ્યું છે કે બાબા કેવી રીતે લોકોને આશ્રમ સાથે જોડાવવા માટે ઉશ્કેરે છે. આ વેબ સિરીઝની વાર્તા ડ્રગ્સ, બળાત્કાર અને રાજકારણની આસપાસ ફરે છે. આ વેબ સિરીઝનું નિર્દેશન પ્રકાશ ઝા દ્વારા કરવામાં આવ્યું છે. ‘આશ્રમ’ વેબ સિરીઝની પ્રથમ સીઝનમાં દર્શકોએ જોયું કે બાબાએ પમ્પી અને તેના પરિવારનો વિશ્વાસ જીતી લીધો હતો. બીજી સીઝનમાં બાબાની હરકતો પમ્મી અને તેના પરિવારની સામે આવી.

 

View this post on Instagram

 

A post shared by Bobby Deol (@iambobbydeol)

પરંતુ બાબા પર અત્યાર સુધી કોઈ પણ પ્રકારની ગરમી જોવા મળી નથી આવી સ્થિતિમાં આશ્રમ વેબ સિરીઝનો ત્રીજો ભાગ કઈ કહાની લાવે છે તે જોવું રસપ્રદ રહેશે. આવી સ્થિતિમાં આ વેબ સિરીઝને લઈને દર્શકોની ઉત્તેજના વધુ વધી ગઈ છે.મોશન વીડિયો બાદ બોબી દેઓલે વધુ એક પોસ્ટ શેર કરી છે, જેના અનુસાર આ સિરીઝનું ટ્રેલર 13 મેના રોજ આવવાનું છે તે સ્પષ્ટ છે. બોબીને જોવા માટે ચાહકોની જે ઉત્સુકતા છે તે સ્પષ્ટપણે જોઈ શકાય છે. મોશન પોસ્ટર શેર કરતી વખતે અભિનેતાએ તેની રિલીઝ તારીખ સંબંધિત કોઈ માહિતી આપી નથી.