ખબર

બ્લેક ફંગસનો શિકાર થઈને હોસ્પિટલમાં સારવાર લઇ રહી છે દીકરી, પિતાએ મદદ માટે લોકોને કરી અપીલ, કહ્યું, “હવે મારી દીકરીની જિંદગી….”

દેશભરની અંદર કોરોના કેસોની અંદર ઘટાડો તો નોંધાયો છે પરંતુ સાથે સાથે કોરોનાથી સાજા થઇ રહેલા લોકોની અંદર મ્યુકોરમાઇકોસિસની બીમારીના કિસ્સાઓ પણ વધી રહ્યા છે. જે ખુબ જ ચિંતા જનક વિષય છે. બ્લેક ફંગસ અને વ્હાઇટ ફંગસ બાદ હવે પિન્ક ફંગસના કિસ્સાઓ પણ સામે આવી રહ્યા છે, ત્યારે હાલમાં એક એવો કિસ્સો સામે આવ્યો છે જેને જોઈને તમે પણ દુઃખી થઇ જશો.

આ ઘટના બની છે મધ્યપ્રદેશના દેવાસમાં. જ્યાં એક પિતાએ પોતાની 22 વર્ષીય દીકરી માટે પ્રદેશના મુખ્યમંત્રી પાસે મદદની અપીલ કરી છે. તેમની દીકરીના જીવને બ્લેક ફંગસનો ખતરો છે. અને તેને ઈન્જેક્શનની ખાસ જરૂર છે. સોશિયલ મીડિયા ઉપર એક વીડિયો શેર કરી અને મદદ માટે અપીલ કરવામાં આવી છે.

વીડિયોની અંદર દીકરી કહી રહી છે કે “ઇન્જેક્શન વગર મારી તબિયત ખરાબ થઇ રહી છે અને સરખી રીતે સારવાર પણ નથી થઇ રહી.” બી ફાર્માના છેલ્લા વર્ષમાં અભ્યાસ કરી રહેલી વિદ્યાર્થીની ઉપર પહેલાથી જ દુઃખોનો પહાડ તૂટી પડ્યો છે. તેની માતા કેન્સર પીડિત છે અને બહેન માનસિક રોગી છે.

આવામાં આખો જ પરિવાર ફક્ત આ દીકરી ઉપર જ નિર્ભર છે. પરંતુ આ બ્લેક ફંગસના જીવલેણ રોગે આખા પરિવારને ખરાબ રીતે તોડી નાખ્યો છે. દેવાસમાં રહેવાવાળી 22 વર્ષીય સ્નેહા ગુપ્તા કોરોના સંક્ર્મણ લાગ્યા બાદ સ્વસ્થ તો થઇ ગઈ પરંતુ બ્લેક ફંગસે તેની આંખોનું અજવાળું છીનવી લીધું. એક આંખથી દેખાતું બંધ થઇ ગયા બાદ તેના પિતા અજય ગુપ્તા તેને ઇંદોરની બોમ્બે હોસ્પિટલમાં ભરતી કરાવી દીધી.

પરંતુ મોંઘા અને દુર્લભ ઇન્જેક્શનની મારે પિતાને તોડીને રાખી દીધા. બોમ્બે હોસ્પિટલમાં ભરતી દીકરીને 5 ઇન્જેક્શન લગાવી દેવામાં આવ્યા છે. પરંતુ તેના પિતાનું કહેવું છે કે હજુ તેને બીજા 40 ઈન્જેક્શનની જરૂર છે. પિતા પુત્રીએ એક સંયુક્ત વીડિયો શેર કરીને “Amphotericin b 100 mg “ ઇન્જેક્શનની ઉપલબ્ધતા ઉપર ના ફક્ત સવાલ ઉભા કર્યા છે પરંતુ જીવની ભીખ પણ માંગી છે.

પિતાનું કહેવું છે કે જો મારી દીકરીને 40 ઇન્જકેશન ના મળ્યા તો તે હંમેશા માટે આંધળી બની જશે. તેમને જણાવ્યું કે દીકરીને 6 ઇન્જેક્શન રોજ લગાવવાના છે. પરંતુ સરકારે 2 દિવસ પહેલા જ એક ઇન્જકેશન ઉપલબ્ધ કરાવ્યું હતું. જેના બાદ આજે 2 દિવસ થઇ ગયા હજુ ઇન્જેક્શન નથી મળ્યું. તેમને એમ પણ જણાવ્યું કે હોસ્પિટલમાં 31 દર્દીઓ ભરતી છે. પરંતુ હોસ્પિટલ તરફથી તેમને જણાવવામાં આવ્યું છે કે તેમને ફક્ત 23 ઇન્જેક્શન મળ્યા છે. એવામાં દીકરીની સારવાર અને તેનું જીવન કેવી રીતે બચાવવું તે સરકાર જ જણાવે.