આજના છોકરાઓને શું થઇ રહ્યું છે ? જુઓ ગર્લફ્રેન્ડ સામે કલર કરવો કેવો ભારે પડ્યો, વીડિયો જોઈને તમે પણ કહેશો, બરાબર થયું, જુઓ
Biker Stunt Goes Wrong : સોશિયલ મીડિયામાં રોજ અલગ અલગ વિષયને લઈને ઘણા બધા વીડિયો વાયરલ થતા હોય છે, ઘણા વીડિયોની અંદર કેટલીક હેરાન કરનારી ઘટનાઓ પણ જોવા મળે છે. તો ઘણા લોકો એવા હોય છે જે વાયરલ થવાના ચક્કરમાં એવા કાંડ કરી બેસે છે કે તેમને પોતે જ નુકશાનીનો સામનો કરવો પડતો હોય છે, ત્યારે હાલ એક એવો જ વીડિયો સોશિયલ મીડિયામાં સામે આવ્યો છે, જેમાં એક યુવકને તેની પ્રેમિકા આગળ કલર કરવો ભારે પડી ગયો.
ઘણી વખત યુવકો પોતાની ગર્લફ્રેન્ડને ઈમ્પ્રેસ કરવા અથવા ઈન્સ્ટાગ્રામ રીલ્સ બનાવવા માટે નેક્સ્ટ લેવલ પર જાય છે. એક વ્યક્તિ કથિત રીતે તેની ‘ગર્લફ્રેન્ડ’ને પ્રભાવિત કરવા માટે જોખમી બાઇક સ્ટંટ કરી રહ્યો હતો. પરંતુ પછી નસીબ તેની સાથે રમ્યું. ખબર નહીં છોકરી પ્રભાવિત થઈ કે નહીં. પરંતુ તેને જમીન પર પડતો જોઈને લોકોને જાણવા મળ્યું કે આવા સ્ટંટ કરવા માત્ર સ્વાસ્થ્ય માટે જ નહીં, સન્માન માટે પણ હાનિકારક છે!
આ વીડિયો સોશિયલ મીડિયાના અલગ-અલગ પ્લેટફોર્મ પર વાયરલ થઈ રહ્યો છે, જેને ટ્વિટર સહિત ઈન્સ્ટાગ્રામ પર મોટા પ્રમાણમાં શેર કરવામાં આવી રહ્યો છે. આ રીલ રિએક્શનબોય_ગુરી_ દ્વારા ઇન્સ્ટા પર શેર કરવામાં આવી હતી, જેને અત્યાર સુધીમાં હજારો વ્યુઝ મળી ચૂક્યા છે. આ વાયરલ વીડિયોમાં જોઈ શકાય છે કે એક છોકરી રોડની વચ્ચે ઉભી છે. અચાનક એક બાઇકર મોટરસાઇકલ ચલાવતો તેની નજીક આવે છે અને પ્રભાવિત કરવા માટે તેના પગની આગળની બ્રેક એટલી જોરથી મારે છે કે બાઇકનું પાછળનું વ્હીલ હવામાં ઊંચું થઇ જાય છે.
View this post on Instagram
આ શખ્સ બાઇક સંભાળી શકતો હોવાનું જણાય છે. પણ ભાઈ, બાઇક તેનું સંતુલન ગુમાવી બેસે છે અને છોકરો બાઇક સાથે જમીન પર પડી જાય છે. આ રીતે, તે છોકરીને પ્રભાવિત કરવાનો પ્રયાસ કરતી વખતે પોતાનું નુકસાન કરે છે. આ ક્લિપ ક્યારે અને ક્યાં શૂટ કરવામાં આવી છે તેની હજુ સુધી પુષ્ટિ થઈ નથી. પરંતુ આ વીડિયો ચોક્કસપણે લોકોને ઈન્ટરનેટ પર હસાવી રહ્યો છે.
