Source:ડુંગરી ગામના ભગત ભૂવાએ પીંછી નાંખવાના બહાને યુવતીને બોલાવી અને પછી..
સુરતના ડુંગરીમાં લંપટ ભૂવાની અટકાયત, પીંછી નાંખવાને બહાને યુવતી સાથે શારીરિક અડપલાં કર્યા
ફરિયાદ:પીંછી નંખાવવા ગયેલી વિદ્યાર્થીની સાથે ભૂવાના અડપલાં
હવેથી રોજ તમારું દૈનિક રાશિફળ, મજેદાર જોક્સ, સુવિચાર તથા લેટેસ્ટ ન્યુઝ સીધા જ તમારા મોબાઈલમાં મેળવવા 👉 અહીં ક્લિક કરીને જોડાઓ ગુજ્જુરોક્સ વૉટ્સએપ ચેનલમાં.
Bhuwa’s Encounter With The Student : ગુજરાતમાં છેલ્લા ઘણા સમયથી મહિલાઓ અને યુવતીઓ સાથે છેડછાડ અને દુષ્કર્મ થવાની ઘટનાઓ સામે આવતી હોય છે, ઘણીવાર આવા મામલાઓમાં ઘણા એવા એવા નામ પણ સામે આવતા હોય છે જે જાણીને ચકચારી પણ મચી જતી હોય છે. ત્યારે હાલ એવી જ એક ઘટના સુરતમાંથી સામે આવી છે, જ્યાં એક ભુવાએ તેની પાસે પીંછી નખાવવા આવેલી વિદ્યાર્થીની સાથે શારીરિક અડપલા કરતા જ મામલો ગરમાયો હતો.
21 વર્ષની વિદ્યાર્થીનીની કરી છેડતી :
આ ઘટના સામે આવી છે સુરતના મહુવા તાલિકાના ડુંગરી ગામમાંથી. જ્યાં પોતાની સાસરીમાં રહીને ઝાડફુંકનું કામ કરી રહેલા 39 વર્ષીય નરેશ ગામીતે એજ ગામની એક 21 વર્ષની વિદ્યાર્થિનીને પીંછી નાખવાના બહાને શારીરિક છેડછાડ કરી હતીમ જેને લઈને મામલો ગરમાયો અને મહુવા પોલીસ મથકે પહોંચ્યો હતો. યુવતીની ફરિયાદના આધારે મહુવા પોલીસ દ્વારા આ લંપટ ભુવાની ધરપકડ કરવામાં આવી હતી અને તેને જેલના હવાલે પણ કરવામાં આવ્યો.
છાતી અને પેટના ભાગે હાથ ફેરવ્યો :
આ બાબતે મળી રહેલી વધુ માહિતી અનુસાર 21 વર્ષીય આ વિદ્યાર્થીનીને શરીરમાં અશક્તિ જણાતા અને તણાવના કારણે ભણવામાં ધ્યાન ના હોવાના કારણે ડુંગરી ગામમાં આવેલા ઝાબ ફળિયામાં રહેતા અને ભુવા તરીકેનું કામ કરતા ભગત નરેશ ગામીતને મળી અને પોતાની સમસ્યા જણાવી. આ દરમિયાન ભુવાએ અગરબત્તી સળગાવી અને પોતાની પાસે રહેલા થેલામાંથી કોઈ વસ્તુ કાઢીને યુવતીને ખવડાવતા જ તે બેબાક બની ગઈ હતી અને આ દરમિયાન ભુવાએ તેના છાતી અને પેટના ભાગ પર હાથ ફેરવીને છેડતી કરી હતી.
પોલીસે કરી ધરપકડ :
આ ઘટનાથી વિદ્યાર્થીની હેબતાઈ ગઈ અને ત્યાંથી બહાર ભાગવા લાગી, ત્યારે ભુવાએ તેને કહ્યું કે હજુ વિધિ બાકી છે અને તારે પાછું આવવું પડશે અને સાથે કોઈને લાવતી નહિ, ત્યારે વિદ્યાર્થીનીને ભુવાની દાનતનો અંદાજો આવી જતા તેને ઘરે આવીને સમગ્ર વાત પોતાના પરિવારજનોને જણાવી હતી. જેના બાદ પરિવારમાં પણ આ લંપટ ભુવા વિરુદ્ધ રઈશ ભભૂકી ઉઠ્યો અને મહુવા પોલીસને જાણ કરવામાં આવી હતી. ત્યારે પોલીસે પણ આ મામલે કાર્યવાહી કરતા ભુવાની ધરપકડ કરી હતી.
હવેથી રોજ તમારું દૈનિક રાશિફળ, મજેદાર જોક્સ, સુવિચાર તથા લેટેસ્ટ ન્યુઝ સીધા જ તમારા મોબાઈલમાં મેળવવા 👉 અહીં ક્લિક કરીને જોડાઓ ગુજ્જુરોક્સ વૉટ્સએપ ચેનલમાં.
