સગીર બાળકી પર દુષ્કર્મના કેસમાં આસારામ પર ચુકાદો 25 એપ્રિલે આવશે. તમને જણાવી દઈએ કે જેલમાં ગયા પછી પણ આસારામની વિચારસરણી બદલાઈ નથી. આનો પુરાવો બે વર્ષ પહેલા જ્યારે તેઓ પોતાની સારવાર માટે દિલ્હી આવ્યા હતા ત્યારે આસારામે એમ્સની નર્સ પર અભદ્ર ટિપ્પણીઓ કરી હતી. 2016માં એક અંગ્રેજી વેબસાઈટના અહેવાલ મુજબ આસારામે નર્સના ગાલની સરખામણી કાશ્મીરી સફરજન સાથે કરી હતી.
આસારામે કહ્યું, ‘તમે પોતે માખણ છો, બ્રેડ સાથે બટર લાવવાની શું જરૂર હતી.’ મામલો એવો હતો કે મેડિકલ ટેસ્ટ પહેલા આસારામે નાસ્તો કરવો પડ્યો હતો. AIIMSની નર્સ આસારામ માટે બ્રેડ અને બટર લાવી હતી. ત્યારે આસારામે કહ્યું, ‘તમે માખણ જેવા છો. બ્રેડ સાથે માખણ લાવવાની શું જરૂર છે? આ કહ્યા બાદ આસારામે કહ્યું, ‘તમે કાશ્મીરી હોવ જ જોઈએ. તમારા ગાલ સફરજન જેવા છે.’ દિલ્હીની AIIMSમાં તેમની સારવાર દરમિયાન, આસારામ ડૉક્ટરોને કહેતા રહ્યા કે તેઓ 80 વર્ષના થઈ ગયા છે અને તેઓ વૃદ્ધ છે. ડૉક્ટર, કૃપા કરીને મારી સારવાર કરાવો, મને પહેલા જેવો યુવાન બનાવો.
આસારામ બાપુ કે જેઓ યૌન શોષણના આરોપમાં આજીવન કેદની સજા ભોગવી રહેલા છે તેમની તબિયત છેલ્લા પાંચ દિવસથી બગડી રહી છે. શનિવારે તબિયત બગડતાં તેમને જોધપુરના ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સમાં દાખલ કરવામાં આવ્યો છે. આસારામ બાપુનો તાવ ઘણા દિવસોથી ઓછો ન થતાં તેમને હોસ્પિટલમાં દાખલ કરવામાં આવ્યા છે. આસારામના હેલ્થ ચેકઅપમાં તેમના લિવરમાં એન્ઝાઇમ વધી ગયા હોવાનું જાણવા મળ્યું છે. આ સિવાય યુરિન ઈન્ફેક્શનમાં પણ વધારો જોવા મળ્યો હતો.
80 વર્ષીય આસારામ બાપુના કેટલાક મેડિકલ ટેસ્ટ કરવામાં આવ્યા અને તેમને 48 કલાક સુધી હોસ્પિટલમાં ઓબ્ઝર્વેશનમાં રાખવામાં પણ આવ્યા હતા. યૌન શોષણના દોષિત આસારામ હાલમાં જોધપુર સેન્ટ્રલ જેલમાં આજીવન કેદની સજા ભોગવી રહ્યા છે અને તેમની તબિયતને કારણે મહિનામાં એક કે બે વાર એમ્સ જોધપુર લાવવામાં આવે છે. આસારામ બાપુ પર 2013માં 16 વર્ષની છોકરીએ બળાત્કારનો આરોપ લગાવ્યો હતો અને 2014માં તેની ધરપકડ કરવામાં આવી હતી.
મીડિયા રીપોર્ટ અનુસાર, દર્દી આસારામને હાલ 48 કલાક માટે ડોક્ટરોની દેખરેખમાં રાખવામાં આવ્યા હતા. દર્દીને છેલ્લા ઘણા દિવસોથી તાવ આવતો હતો. હોસ્પિટલની હોસ્પિટલમાં પ્રાથમિક સારવાર કરવામાં આવી હતી. પરંતુ જ્યારે તેનાથી કોઈ ફાયદો ન થયો ત્યારે જેલ મેન્યુઅલ મુજબ આસારામની બીમારી અને ઉંમરને જોતા તેમને એમ્સમાં દાખલ કરવા જરૂરી હતા. તેથી, આસારામને 6 નવેમ્બર, 2021 શનિવારના રોજ સવારે એઈમ્સમાં દાખલ કરવામાં આવ્યા હતા.
કહેવામાં આવી રહ્યું છે કે આસારામને તાવની સાથે સાથે વૃદ્ધાવસ્થામાં થતી અન્ય બીમારીઓ પણ છે. જેમાં યુરોલોજીને લગતી સમસ્યા મુખ્ય છે. આસારામના ભક્તોને જાણકારી મળતા જ તેઓ શનિવારે સવારે 11 વાગે જેલની બહાર લઈ જતા પહેલા મોટી સંખ્યામાં AIIMS પરિસરની આજુબાજુ એકઠા થઈ ગયા હતા. જેમને નિયંત્રિત કરવામાં પોલીસ કર્મચારીઓને ભારે મુશ્કેલીનો સામનો કરવો પડ્યો હતો.
ઉલ્લેખનીય છે કે, બળાત્કારના કેસમાં છેલ્લા 8 વર્ષથી જેલની અંદર બંધ આસારામ હવે જેલમાં રહીને કંટાળી ગયા છે, જેના કારણે તેમના દીકરા નારાયણ સાંઈ દ્વારા ગુજરાત હાઇકોર્ટમાં જામીન અરજી કરવામાં આવી હતી, જેની અંદર આસારામના લેટેસ્ટ મેડિકલ રિપોર્ટ અને સ્વાસ્થ્ય અંગેની વિગતો પણ રજૂ કરવામાં આવી છે. બળાત્કાર કેસની અંદર આસારામની વર્ષ 2013માં ધરપકડ કરવામાં આવી હતી. હાલ આસારામની ઉંમર 82 વર્ષની છે. કોર્ટની અંદર તેમના જૂન મહિનાના રિપોર્ટ રજૂ કરવામાં આવ્યા છે, પરંતુ કોર્ટ દ્વારા તેમના લેટેસ્ટ રિપોર્ટ મંગાવામાં આવ્યા છે. તેમના દીકરાએ તેમના આરોગ્યને ધ્યાનમાં લઈને અરજી કરી છે.
રાજસ્થાનમાં નોંધાયેલા બળાત્કારના અન્ય એક કેસમાં આસારામ જોધપુર જેલમાં બંધ હોવાથી હાઇકોર્ટે જોધપુર જેલના સુપ્રિન્ટેન્ટન્ટને નોટિસ પાઠવી છે. જામીન અરજીના વિરોધમાં રાજ્ય સરકાર દ્વારા રજૂઆત કરવામાં આવી છે. કોર્ટ સમક્ષ આસારામના વકીલ તરફથી દલીલ કરવામાં આવી હતી કે, કોવિડ પછી ઉપરાંત અન્ય કેટલીક બીમારીઓ છે. જેલના સમય દરમિયાનમાં કેટલીક વાર હોસ્પિટલમાં દાખલ કરવામાં આવ્યા હતા.
આ ઉપરાંત આસારામના વકીલ મારફતે એ પણ દલીલ રજુ કરવામાં આવી છે કે સુપ્રીમ કોર્ટનો નિર્દેશ છે કે જો કોઇ આરોપી આઠ વર્ષ સુધી જેલમાં રહ્યો હોય, તેના આધારે પણ તેને જામીન આપી શકાય. આ મામલે હવે આગામી 26 નવેમ્બરે સુનાવણી હાથ ધરવામાં આવશે. અત્યારે તેની ઉંમર 82 વર્ષ છે અને તબિયત દિવસે ને દિવસે લથડી રહી છે. એક તબક્કે તેનું હિમોગ્લોબિન 3.6 થઇ ગયું હતું.
