સુગર ફ્રીના નામ પર આ વસ્તુ તમને બનાવી શકે છે કેન્સરના દર્દી, મૂર્ખ બની જશો મૂર્ખ, આ કામની માહિતી વાંચી લેજો
છેલ્લા કેટલાક વર્ષોમાં લોકોમાં તેમના જીવનમાંથી ખાંડને દૂર કરવા માટે આર્ટિફિશિયલ સ્વીટનરનું ચલણ ઘણુ વધી ગયુ છે. હવે લોકો આર્ટિફિશિયલ સ્વીટનર એટલે કે ખાંડના વિકલ્પનો ઉપયોગ માત્ર ડાયાબિટીસમાં ખાંડના વિકલ્પ તરીકે જ નહીં, પણ વજન ઘટાડવા, તેમની ત્વચાને સ્વસ્થ રાખવા અને મીઠાઈઓને તેમના જીવનમાંથી બહાર ફેંકવા માટે પણ કરે છે. જ્યારે આ આર્ટિફિશિયલ સ્વીટનર સામાન્ય ખાંડ કરતાં વધુ સારું નથી. ઘણા અભ્યાસો કહે છે કે આર્ટિફિશિયલ સ્વીટનર્સ બિનઆરોગ્યપ્રદ અને એક પ્રકારનું મીઠું ઝહેર છે. તાજેતરમાં, સૌથી વધુ ઉપયોગમાં લેવાતા આર્ટિફિશિયલ સ્વીટરનમાંથી એક એસ્પાર્ટમ વર્ષોના સંશોધન પછી તપાસ હેઠળ છે.
કેન્સર થવાની સંભાવના
વર્લ્ડ હેલ્થ ઓર્ગેનાઈઝેશન એસ્પાર્ટમને મનુષ્યો માટે કાર્સિનોજેનિક જાહેર કરવા તૈયાર છે. કાર્સિનોજેનિક એટલે કે કેન્સર થવાની સંભાવના. એસ્પાર્ટમ એ સૌથી વધુ ઉપયોગમાં લેવાતી મીઠાઈઓમાંની એક છે. તેનો ઉપયોગ ઓછી કેલરીવાળા ખોરાક અને પીણામાં થાય છે પરંતુ તેમાં નિયમિત ખાંડ જેટલી જ કેલરી હોય છે. એસ્પાર્ટમ નિયમિત ખાંડ કરતાં 200 ગણી મીઠી હોય છે, તેથી તેનો ઉપયોગ મધ્યસ્થતામાં થાય છે. આર્ટિફિશિયલ સ્વીટનર્સ એ ખાંડનો એક પ્રકાર છે જે કેટલાક કુદરતી અને કેટલાક રસાયણોને મિશ્રિત કરીને બનાવવામાં આવે છે. ઘણા ડાયાબિટીસના દર્દીઓ પણ ખાંડને બદલે આર્ટિફિશિયલ સ્વીટનરનો ઉપયોગ કરે છે.
આર્ટિફિશિયલ સ્વીટરનો ઉપયોગ થાય છે અનેક વસ્તુમાં
તેનો સ્વાદ ખાંડ જેવો જ હોય છે પણ તે ખાંડ કરતાં વધારે મીઠું હોય છે. આર્ટિફિશિયલ સ્વીટરનો ઉપયોગ ઠંડા પીણા, પેકેજ્ડ સ્નેક્સ, પેકેજ્ડ જ્યુસ, ડેઝર્ટ, ચોકલેટ, કાર્બોનેટેડ પાણી, જામ, કેક, દહીં, ચ્યુઇંગ ગમ જેવા ઘણા ખોરાકની સાથે, તે ટૂથપેસ્ટમાં પણ હોય છે. એટલા માટે તમે કૃત્રિમ સ્વીટનરનું સીધું સેવન ન કરી રહ્યાં હોવ, પરંતુ તે એક યા બીજી રીતે તમારા શરીરમાં જઈ રહ્યું છે. કૃત્રિમ સ્વીટનર એટલે કે કોલ્ડ ડ્રિંક્સ, ડાયેટ કોક, ચ્યુઇંગ ગમ અને ઘણા પ્રકારના નાસ્તામાં વપરાતો ખાંડના વિકલ્પ એસ્પાર્ટમ કેન્સરનું કારણ બની શકે છે.
આર્ટિફિશિયલ સ્વીટનર એસ્પાર્ટમ
WHOએ આર્ટિફિશિયલ સ્વીટનર એસ્પાર્ટમના ઉપયોગ અંગે ચેતવણી જારી કરી છે. WHOની ઇન્ટરનેશનલ એજન્સી ફોર રિસર્ચ ઓન કેન્સર (IARC) એ 6 થી 13 જૂન દરમિયાન ફ્રાન્સના લિયોનમાં એસ્પાર્ટમ અને કેન્સર વચ્ચેના સંબંધ પર એક સમીક્ષા બેઠક યોજી હતી. WHOએ કહ્યું કે ઠંડા પીણામાં વપરાતા એસ્પાર્ટમને માનવીઓ માટે ખતરનાક પદાર્થ તરીકે વર્ગીકૃત કરવામાં આવ્યું છે. જો કે, WHOએ એ પણ સ્પષ્ટ કર્યું છે કે તેનો ઉપયોગ મર્યાદિત માત્રામાં થઈ શકે છે. 2019માં પ્રકાશિત થયેલા એક અભ્યાસમાં વૈજ્ઞાનિકોએ કહ્યું હતું કે ખાંડના વિકલ્પના ઉપયોગ પરના મોટાભાગના અભ્યાસોના પરિણામો ખૂબ ઉચ્ચ ગુણવત્તાના નથી.
WHOની ચેતવણી
તેમણે કહ્યું કે કૃત્રિમ ગળપણના માનવ સ્વાસ્થ્ય માટે ફાયદાના કોઈ પુરાવા મળ્યા નથી અને ન તો તેનાથી થતા સંભવિત નુકસાનને અવગણી શકાય છે. 2022ના WHOના સમીક્ષા અહેવાલમાં પણ કહેવામાં આવ્યું છે કે લાંબા ગાળે વજન ઘટાડવામાં કૃત્રિમ મીઠાઈઓ ફાયદાકારક હોઈ શકે તેવા કોઈ મજબૂત પુરાવા નથી. જો આપણે બજારમાં ઉપલબ્ધ સુગર ફ્રી ટેબલેટની વાત કરીએ તો તેમાં સુક્રલોઝ નામનું કૃત્રિમ સ્વીટનર જોવા મળે છે. પરંતુ બજારમાં કોઈપણ બ્રાન્ડની ટેબલેટ ખરીદતા પહેલા તમારે તેમાં લખેલી માહિતી અવશ્ય વાંચવી જોઈએ જેથી કરીને તમે એસ્પાર્ટમ ધરાવતી ખાંડની ગોળીઓથી બચી શકો.
