શ્રીદેવીને લીધે ‘અનુપમા’એ કેટલાય દિવસો સુધી નહોતા ધોયા વાળ, કારણ જાણીને હોંશ ઉડશે
ઘણા સમયથી લાખો લોકોના ગિલ પર રાજ કરાનારી અભિનેત્રી શ્રીદેવીનું નિધન વર્ષ 2018માં થયું હતું. શ્રીદેવી ભલે આપણા વચ્ચે નથી પરંતુ તેઓની યાદ, તેમનો અભિનય તેમની ખૂબસુરતી હંમેશા જીવિત રહેશે.
પોપ્યુલર શો અનુપમા ફેમ રૂપાલી ગાંગુલીએ તેમને યાદ કરીને એક કિસ્સો જણાવ્યો છે. રૂપાલી ગાંગુલી જાણીતા ફિલ્મમેકર અનિલ ગાંગુલીની દીકરી છે અને એ જ કારણે બાળપણથી ફિલ્મ ઇન્ડસ્ટ્રી અને ફિલ્મ સ્ટાર્સ સાથે કનેક્શન રહ્યુ છે. પરંતુ શ્રીદેવીની વાત જ કંઇ અલગ હતી. રૂપાલીને તેમનાથી ખાસ લગાવ હતો. એક રીપોર્ટ અનુસાર શ્રીદેવી વિશે વાત કરતી વખતે રૂપાલી ગાંગુલીએ તે કિસ્સો કહ્યો જયારે શ્રીદેવીએ તેમના માથાને ચુમ્યું અને આ જ કારણથી તેઓએ ઘણા દિવસો સુધી માથું ધોયુ નહતું.
ટીવી શો અનુપમામાં લીડ રોલ કરી રહેલી અભિનેત્રી રૂપાલી ગાંગુલીએ જણાવ્યુ હતુ કે, થોડા વર્ષો પહેલા એક એવોર્ડ ફંકશનમાં તે શ્રીદેવીને ફરી મળ્યા હતા. હું તેમને મળતાની સાથે જ સ્તબ્ધ થઇ ગઇ. એક શબ્દ પણ ન બોલી શકી. ધીરેથી તેમની પાસે ગઇ અને એક સેલ્ફી લેવા કહ્યુ. તેમજ એવી વિનંતિ પણ કરી કે હું તેમને ગળે લાગી શકું ?
રૂપાલી ગાંગુલીએ શ્રીદેવીને પોતાના એક્ટિંગ કરિયર વિશે જણાવ્યુ તો તેમણે કહ્યુ કે, તેઓએ મને આતિશની ધારાવાહિક સારાભાઇ વર્સિસ સારાભાઇમાં જોયા હતા. આ સાંભળી રૂપાલી ખૂબ જ ખુશ થઇ ગઇ હતી.
રૂપાલીએ આગળ જણાવ્યુ કે, જયારે અચાનક શ્રીદેવીના મૃત્યુના સમાચાર મારા માટે આઘાતજનક હતા હું રોતી રહી હતી. અનુપમા શોમાં રૂપાલીએ શ્રીદેવીના ગીત હવા હવાઇ પર ડાન્સ કર્યો હતો અને આ માટે તે પોતાને ધન્ય મહેસુસ કરતી હતી.
શ્રીદેવીની મૃત્યુ 24 ફેબ્રુઆરી 2018માં થઇ હતી. પોસ્ટમોર્ટમ રીપોર્ટમાં ડૂબવાથી મૃત્યુ થયુ છે તેવું સામે આવ્યુ હતું.
