બોલિવુડની ક્વિન કંગના રનૌતના વેબ શો લોકઅપમાં કંટેસ્ટંટ પોતાને રમતમાં રાખવા માટે સનસનાટીભર્યા ખુલાસા કરતા રહે છે.શોના સ્પર્ધક મુનાવર ફારૂકી હોય કે અંજલી અરોરા, બંને વચ્ચેની કેમેસ્ટ્રી આજકાલ ચર્ચાનું કેન્દ્ર બનેલી છે. તાજેતરમાં ‘કાચા બદામ ગર્લ’ અંજલી અરોરાએ કંગના રનૌતની સામે તેના જીવનનું સૌથી મોટું રહસ્ય ખોલ્યું. અંજલિએ કહ્યું કે તેણે આત્મહત્યા કરવાનો પ્રયાસ કર્યો હતો, પરંતુ તે બચી ગઈ હતી. અંજિલની આ વાત સાંભળીને કંગના પણ આશ્ચર્યચકિત થઈ ગઈ હતી અને ચાહકો વચ્ચે પણ ગભરાટ ફેલાયો હતો.
તાજેતરમાં પ્રસારિત થયેલા એપિસોડમાં સાયશા શિંદે, પૂનમ પાંડે અને અંજલિ અરોરા ડેન્જર ઝોનમાં હતા. આ ત્રણેયનું ભાગ્ય જેલર કંગનાના હાથમાં હતું. શો દરમિયાન કંગનાએ અંજલિને કહ્યું કે તે બાકીના સ્પર્ધકો કરતા વધુ સારું પ્રદર્શન કરી રહી છે. આ પછી કંગનાએ તેને સુરક્ષિત જાહેર કરી. શોમાં સુરક્ષિત હોવા છતાં અંજલિએ કંગનાને તેનું રહસ્ય જાહેર કર્યું. અંજલિએ જણાવ્યું કે 11માં ધોરણમાં અભ્યાસ કરતી વખતે તેણે આત્મહત્યાનો પ્રયાસ કર્યો હતો. તેણે કહ્યું, ‘મને શરૂઆતથી જ મારા ભાઈ સાથે શીખવવામાં આવ્યું છે.
મારો ભાઈ પણ બીજા ભાઈઓની જેમ ખૂબ જ રક્ષણાત્મક હતો. પરંતુ એક દિવસ જ્યારે તે મારી સાથે ન હતો, ત્યારે હું પ્રથમ વખત મિત્રો સાથે હુક્કો પીવા ટ્યુશન બંક કરી ગઇ હતી. કેટલાક મિત્રોએ મને કેફેમાં જોઇ અને ભાઇને આ વાત કહી. આ પછી તે કેફેમાં આવ્યો અને મને થપ્પડ મારી અને તેની સાથે ઘરે લઈ ગયો, સાથે તેણે પિતાને પણ કહ્યું. આ પછી પિતાએ પણ મને માર માર્યો હતો.’ તેણે વધુમાં જણાવ્યું કે, તેનો અભ્યાસ રોકવાની વાતો ઘરમાં ચાલી રહી હતી. તેનાથી તે એટલી ડરી ગઈ હતી કે પછી હું મારા રૂમમાં ગઈ દરવાજો બંધ કરીને ફિનાઈલ પીધું.
એક કલાક પછી મારા ભાઈએ દરવાજો ખોલ્યો અને મને હોસ્પિટલ લઈ ગયો. પછી મારા પરિવારને તેમની ભૂલનો અહેસાસ થયો. તમને જણાવી દઈએ કે આ શો હવે તેના ફાઇનલ ચરણમાં પહોંચી ગયો છે. શોનો ફિનાલે ટૂંક સમયમાં થવા જઈ રહ્યો છે. ફિનાલે પહેલા કેદીઓ એકબીજાને જબરદસ્ત સ્પર્ધા આપી રહ્યા છે. આ શોને Alt બાલાજી અને MX પ્લેયર પર સ્ટ્રીમ કરવામાં આવે છે.
