મુંબઈના પ્રખ્યાત લાલબાગચા રાજાના વિસર્જન સમારોહમાં અનંત અંબાણીએ મુલાકાત લીધી હતી. આ મુલાકાત ગણેશ ચતુર્થીની ભવ્ય ઉજવણીનો એક મહત્વપૂર્ણ ભાગ હતી, જે ઉત્સવના છેલ્લા દિવસને ચિહ્નિત કરે છે. કડક સુરક્ષા વ્યવસ્થા સાથે, અનંત અંબાણી ભગવાન ગણેશના આશીર્વાદ લીધા બાદ તેમની કારમાં પરત ફરતા જોવા મળ્યા હતા.
આ પહેલાં, શનિવારે રાત્રે મુકેશ અંબાણી તેમના નાના પુત્ર અનંત અને પુત્રવધૂ રાધિકા મર્ચન્ટ, તેમજ મોટી પુત્રવધૂ શ્લોકા મહેતા સાથે લાલબાગચા રાજા મંદિરની મુલાકાત લીધી હતી. આ મુલાકાત ગણેશ ચતુર્થીની ઉજવણીનો એક અભિન્ન અને પરંપરાગત ભાગ હતી. તેમની ભવ્ય ઉજવણીઓ માટે જાણીતા અંબાણી પરિવારે, આ મહત્વપૂર્ણ વાર્ષિક પ્રસંગ દરમિયાન તેમની ઊંડી શ્રદ્ધાને પ્રતિબિંબિત કરતા, ભગવાન ગણેશના આશીર્વાદ માગ્યા હતા.
મુંબઈમાં ગણેશ ચતુર્થીના અવસરે ભક્તોની અભૂતપૂર્વ ભીડ જોવા મળી રહી છે. શહેરની દરેક ગલી, મોહલ્લા અને રસ્તાઓ પર ભક્તોનો માનવ મહેરામણ ઉમટ્યો છે, જે બાપ્પાની ભક્તિમાં સંપૂર્ણપણે લીન થયેલો જોવા મળે છે. બેન્ડ-વાજાં અને ઢોલ-નગારાંની થાપ પર નાચતા-ગાતા ભક્તો લાલબાગના રાજાને ભવ્ય અને ઉત્સાહભેર વિદાય આપી રહ્યા છે.
લાલબાગના રાજાનો રથ હજુ સમુદ્રકિનારે પહોંચ્યો નથી, કારણ કે લાલબાગના રાજા સાથે ભક્તોનો અફાટ જનસમુદાય ઉમટી પડ્યો છે. ભક્તોની આ વિશાળ ભીડમાં મહિલાઓ, બાળકો અને વૃદ્ધો સહિત દરેક વયના લોકો સામેલ છે, જેઓ તેમના આરાધ્ય દેવતાને વિદાય આપવા માટે એકત્રિત થયા છે. આ સમગ્ર દૃશ્ય મુંબઈની સાંસ્કૃતિક વિવિધતા અને ધાર્મિક ઉત્સાહને પ્રતિબિંબિત કરે છે.
શાસ્ત્રોમાં ભગવાન ગણેશને સૌથી પહેલા પૂજનીય ગણવામાં આવ્યા છે, એટલે જ દરેક પ્રસંગે તમે જોતા હશો કે તેમની પૂજા સૌપ્રથમ કરવામાં આવે છે. આ પવિત્ર તહેવાર મહારાષ્ટ્રમાં ખૂબ જ ધામધૂમથી ઉજવવામાં આવે છે, એટલું જ નહીં અહીં અનેક ગણેશ પંડાલ સ્થાપિત કરવામાં આવે છે, જ્યાં લોકો મોટી સંખ્યામાં પૂજા કરવા માટે આવે છે. તેમાંથી એક છે લાલબાગચા રાજા જે મુંબઈની સૌથી પ્રતિષ્ઠિત ગણપતિ મૂર્તિ છે અને મુંબઈવાસીઓ દર વર્ષે લાલબાગમાં ગણપતિ બાપ્પાના દર્શન કરવા માટે આવે છે. લાલબાગચા રાજાની કથા અનેક દાયકા જૂની છે, ચાલો આજે આપણે તમને લાલબાગચા રાજા વિશે કેટલીક રસપ્રદ હકીકતો જણાવીએ.
ગણેશ ઉત્સવ દરમિયાન લાલબાગચા રાજાની મૂર્તિની સ્થાપના કરવાની પરંપરા વર્ષ 1934થી નિભાવવામાં આવી રહી છે. લાલબાગચા રાજાને નવસાચા ગણપતિના નામથી ઓળખવામાં આવે છે. માન્યતા છે કે ભગવાન ગણેશનું આ સ્વરૂપ સાધકની તમામ મનોકામના પૂર્ણ કરનારું હોય છે. આ જ કારણે લાલબાગચા રાજાને મન્નતનો રાજા કહેવામાં આવે છે.
કાંબલી જુનિયર લાલબાગચા રાજા ગણેશની મૂર્તિ પાછળના કલાકાર અને મૂર્તિકાર છે. આ પ્રક્રિયામાં તેમના પુત્રો પણ તેમને મદદ કરે છે. તમને જણાવી દઈએ કે કાંબલી આર્ટ વર્કશોપ દર વર્ષે 18-20 ફૂટની મૂર્તિ બનાવવાનું શ્રેષ્ઠ સ્થળ છે. સપનાઓના શહેરમાં ગણપતિને પૂર્ણ ભવ્યતા સાથે મનાવવામાં આવે છે. કાંબલી પરિવાર 89 વર્ષથી મૂર્તિ બનાવી રહ્યો છે.
View this post on Instagram
