ખબર

વિદેશી મુરતિયા સાથે લગ્ન કરાવનારા પરિવારો માટે ચોંકાવનારો કિસ્સો, અમેરિકામાં રહેવું હોય તો ટૂંકા કપડાં પહેરવા પડે

વિદેશના શોખીનો ચેતી જાઓ

આજકાલ મોટાભાગના માતા પિતા પોતાની દીકરી માટે એનઆરઆઈ યુવકોની શોધ કરતા હોય છે. ઘણી યુવતીઓ પણ વિદેશ જવાની ઈચ્છા રાખતી હોય છે, જેના કારણે તેમના સપનાઓ તે પુરા કરી શકે, પરંતુ વિદેશના મુરતિયા શોધતા લોકો માટે અમદાવાદમાંથી એક આંખ ઉઘાડનારો કિસ્સો સામે આવ્યો છે. (તમામ તસવીરો પ્રતીકાત્મક છે.)

Image Source

અમદાવાદના ઘાટલોડિયા વિસ્તારમાં રહેતા એક એનઆરઆઈ યુવક સાથે પરિવારજનોએ યુવતીના લગ્ન 2018માં કરાવ્યા હતા. લગ્નના 15 દિવસ બાદ જ પતિ દ્વારા લગ્નની ડિનર પાર્ટી રાખવામાં આવી હતી. ત્યારે તેની પત્નીને કહ્યું કે તારે જો મારી સાથે અમેરિકા આવવું હોય તો તારે ટૂંકા કપડાં પહેરવા પડે.

Image Source

આ પાર્ટીની અંદર પતિએ ખુબ જ દારૂ પણ પીધો હતો. જે પત્નીને પસંદ ના પડ્યું અને તે અંગેની વાત પત્નીએ પોતાના ભાઈને કરી. ભાઈ દ્વારા પોતાના બનેવીને સમજાવતી વખતે મામલો ઉગ્ર બન્યો હતો અને જો પત્નીને જુનવાણી સ્વભાવમાં જ જીવવું હોય તો છૂટાછેડા આપવાનું પણ જણાવ્યું હતું.

Image Source

યુવતીનો પતિ યુવતીને મૂકીને જ અમેરિકા ચાલ્યો ગયો હતો, ત્યાં પત્નીની જાણ બહાર તેને છૂટાછેડા પણ આપી દીધા હતા. જે અંગેની ફરિયાદ યુવતીએ પોલીસ સ્ટેશનમાં નોંધાવી હતી. સાથે પોતાના સાસરિયા દ્વારા ગુજારવામાં આવતા ત્રાસની પણ વાત જણાવી હતી.

Image Source

યુવતીએ ફરિયાદમાં પોતાના સસરા દ્વારા આપવામાં આવતા ત્રાસની વાત કરતા કહ્યું હતું કે એક દિવસ તેને ફેક્ચર થયું હતું અને તેના સસરાએ તેને મંદિર સાફ કરવાનું જણાવતા તેને ના પાડી હતી ત્યારે તેના સસરાએ તેના વાળ પકડીને લાફો પણ માર્યો હતો. યુવતીની ફરિયાદના આધારે પોલીસે વધુ તપાસ હાથ ધરી છે.