એકથી એક ચાડિયાથી સુંદરીઓ સાથે સુખ માણવા 7 લાખ રૂપિયા આપ્યા પછી જે થયું એ જોતા જ દંગ રહી જશો
દેશભરમાંથી સ્પાના નામે ચાલતા ગોરખ ધંધાઓ સામે આવતા હોય છે, ત્યારે ગુજરાતમાં પણ આવી ઘટનાઓ સતત સામે આવતી રહે છે. ઘણા કિસ્સાઓ તો એવા પણ સામે આવતા હોય છે જેમાં યુવતીઓ યુવકોને ફસાવીને હની ટ્રેપનો શિકાર પણ બનાવતી હોય છે અને લાખો રૂપિયા પણ સેરવી લેતી હોય છે. ત્યારે હાલ અમદાવામાંથી એવી જ એક ગેંગનો પર્દાફાશ થયો છે. અમદાવાદ સાઇબર ક્રાઇમ દ્વારા બંટી બબલીની જોડીને ઝડપી પાડવામાં આવી છે.
આ બંટી-બબલીની જોડી યુવકોને હાઈ પ્રોફાઈલ મહિલાઓ સાથે સંબંધો બાંધવાની લાલચ આપતી હતી. વડોદરાના આ બંટી બબલીએ રાણીપમાં રહેવા વાળા ભાવેશભાઈને પોતાનો શિકાર બનાવ્યા હતા. ભાવેશને હાઈ પ્રોફાઈલ મહિલાઓ સાથે મિત્રતા કરવાની અને તેમની સાથે ચેટિંગ તેમજ સંબંધો બાંધવાની લાલચ આપી અને રજીસ્ટ્રેશન પેટે 500 રૂપિયા પહેલા ભરાવ્યા હતા.
જેના બાદ અલગ અલગ યુવતીઓ સાથે મુલાકાત કરવાનું કહીને હોટલ રૂમનું ભાડું ભરાવીને હીના પટેલ તેમજ શ્વેતા શાહ નામની યુવતી સાથે મિટિંગ કરાવવા માટેનું કહીને યુવક પાસેથી પૈસા પડાવવાનું શરૂ કર્યું હતું.ભાવેશ પણ તેમની વાતો અને હાઈ પ્રોફાઈલ મહિલાઓ સાથે સંબંધો બાંધવાની લાલચમાં આવીને તેમને પૈસા અપાતો રહ્યો.
આ બંટી બબલીની જોડીએ ભાવેશને વાતોમાં ફોસલાવી ફોન પે અને બેંક એકાઉન્ટના માધ્યમથી 7 લાખ 10 હજાર રૂપિયા કુલ પડાવી લીધા હતા. અને છતાં પણ ભાવેશને કોઈ યુવતી સાથે મુલાકાત ના કરાવતા તેને છેતરાયા હોવાનો આભાસ થયો અને અંતે તે પોલીસ પાસે ગયો હતો.
અમદાવાદ સાઇબર ક્રાઇમને ગણતરીના સમયમાં જ વડોદરાના બંટી બબલી એવા આકાશ લાલવાણી અને જમૈકા પટેલની ધરપકડ પણ કરી લીધી હતી.આ બંને ઘણા સમયથી સોશિયલ મીડિયા પર અલગ-અલગ આઈડીઓ બનાવી અનેક લોકોને લૂંટી ચુક્યા છે. સાઈબર ક્રાઇમે આરોપી પાસેથી ૩ મોબાઈલ, પાનકાર્ડ, બે ડેબિટ કાર્ડ, ૯ પાસબુક અને ૩ ચેકબુક કબ્જે કરી છે.
અટક કરાયેલા વડોદરાના બંટી બબલીએ આ પ્રકારે અનેક લોકોને પોતાની જાળમાં ફસાવીને છેતરપિંડી કરી હોવાની શક્યતા પણ વ્યક્ત કરવામાં આવી રહી છે.પોલીસે સેજલ પટેલ, સ્નેહા પ્રજાપતી, વડોદરા કિંગ, સેજલ રામચંદાની, આકાશ લાલવાણી, હીના પટેલ, ગૌરી શાહ અને જૈન વડોદરા નામની ફ્રોડ ફેસબુક પ્રોફાઈલ આઈ.ડી.ઓ સાથે આરોપીઓની અટક કરી હોવાથી કોઈ સાથે નાણાકીય છેતરપિંડી થઇ હોય તો તેમણે સાયબર ક્રાઈમ, ડફનાળા, શાહીબાગનો સંપર્ક સાધવા જણાવ્યું છે.
ગુજરાતમાં છેલ્લા ઘણા સમયથી આવી ઘટનાઓ સામે આવી રહી છે. ઘણા સ્પા અને મસાજ પાર્લરની આડમાં ચાલતા ગોરખધંધા પણ બહાર આવે છે. ઘણીવાર યુવાનોને આવા સ્પા અને મસાજ પાર્લરમાં સ્પાના નામે બોલાવી યુવતીઓ સાથે મજા કરાવવામાં આવતી હોય છે, તો ઘણીવાર મજા કરાવવાના બહાને તેમના વીડિયો અને ફોટો લઈને તેમને બ્લેકમેઇલ પણ કરવામાં આવે છે અને લાખો કરોડો રૂપિયા પણ પડાવી લેવામાં આવે છે.
ઘણીવાર આવા કામની અંદર આખી ટીમ સામેલ હોય છે અને યુવક યુવતીને મળવા જતા જ તેમની ટીમ પણ પોલીસ બનીને ત્યાં પહોંચી જાય છે. પછી તોડ કરાવવાના નામ ઉપર પણ લાખો રૂપિયા પડાવે છે. સમાજમાં બદનામીના ડરથી પીડિત વ્યક્તિ રૂપિયા પણ આપી દેતા હોય છે.
