લગ્નની સિઝન ચાલી રહી છે, ઠેર ઠેર લગ્નોની ધૂમ પણ જોવા મળી રહી છે. લગ્નની અંદર ડાન્સ કરવાનું લોકોને ખુબ જ ગમતું હોય છે, જેના ઘણા વીડિયો પણ સોશિયલ મીડિયામાં વાયરલ થઇ જતા હોય છે. ઘણા લોકો એવા પણ ડાન્સ કરે છે જેને જોઈને જ નવાઈ લાગે, ત્યારે હાલ એવા જ એક ડાન્સનો વીડિયો સોશિયલ મીડિયામાં વાયરલ થઇ રહ્યો છે.
વાયરલ થઇ રહેલા વીડિયોની અંદર જોવા મળી રહ્યું છે કે એક વ્યક્તિના આખા શરીર ઉપર પાટા બાંધેલા છે. આ વ્યક્તિનો હાથ પણ તૂટેલો છે અને માથામાં પણ વાગેલું જોવા મળી રહ્યું છે. આ ઉપરાંત આ વ્યક્તિના ગળા ઉપર પણ દવાની બોટલ લટકતી જોવા મળી રહી છે. પરંતુ આ વ્યક્તિને ડાન્સનું એવું ભૂત ચઢ્યું છે કે તે હાથાં ડંડો લઈને નાચી રહ્યો છે.
30 સેકેંડના આ વીડિયોની અંદર તમે જોઈ શકશો કે ઘાયલ વ્યક્તિ જાનની વચ્ચે ખુબ જ મજાથી ડાન્સ કરી રહ્યો છે. તમને એમ પણ લાગશે કે આ વ્યક્તિની હાલત બેડ ઉપર રહેલા કોઈ ગંભીર દર્દી કરતા જરા પણ કમ નથી. પરંતુ તેના હાવ-ભાવ જોઈને જરા પણ નથી લાગી રહ્યું કે તેને આટલી ગંભીર ઈજાઓ પહોંચી હશે.
View this post on Instagram
આ વ્યક્તિની આસપાસ પણ લોકો ડાન્સ કરી રહ્યા છે. આ વીડિયોને જોઈને ઘણા લોકોનું હસવું બહાર આવી જશે. સોશિયલ મીડિયામાં પણ આ વીડિયો પોસ્ટ થવાની સાથે જ વાયરલ થઇ ગયો હતો, અને ઘણા લોકો કોમેન્ટમાં પોતાના પ્રતિભાવ પણ આપવા લાગી ગયા હતા. ઘણા લોકોનું કહેવું છે કે આ ભાઈની પત્ની પિયર ગઈ છે એટલે આ ડાન્સ કરી રહ્યો છે, તો કોઈ એમ પણ કહી રહ્યું છે કે ડાન્સ પ્રત્યે આવું જુનૂન આજ પહેલા ક્યારેય નથી જોયું.
