અઠવાડિયાનો છેલ્લો દિવસ સામાન્ય રીતે તમારા મિત્રો અને પરિવાર સાથે આનંદ માણવા માટે હોય છે. અક્ષય કુમાર તેના કામ દરમિયાન તમામ ફરજો નિભાવે છે, સાથે સાથે મોટાભાગના લોકોની જેમ તેમના પરિવાર અને મિત્રો સાથે સમય વિતાવે છે. અભિનેતા અક્ષય કુમાર માત્ર બોલિવૂડનો ખેલાડી નથી, તે વાસ્તવિક જીવનમાં પણ ખેલાડી છે. ઘણીવાર અક્ષય તેની દયા બતાવતો રહે છે. તેને પ્રાણીઓનો પણ ઘણો શોખ છે. અક્ષય કુમારે રવિવારે તેની આરામની પળો દરમિયાન સ્વિમિંગ પૂલમાં ઊંડો ડૂબકી લગાવી હતી. આ દરમિયાન તેનો એક ‘લિટલ ફ્રેન્ડ’ સ્વિમિંગ પુલમાં લપસી ગયો હતો.
આ જોઈને અક્ષયે તરત જ પોતાના ‘નાના મિત્ર’ને બચાવવાનો પ્રયાસ શરૂ કર્યો. અક્ષય કુમારનો આ નાનો મિત્ર બીજું કોઈ નહીં પણ એક ડ્રેગનફ્લાય હતુ. અક્ષય કુમારે એક વીડિયો શેર કર્યો છે, જેમાં તે સ્વિમિંગ પૂલમાં જોવા મળી રહ્યો છે. આ વીડિયોમાં તે ડ્રેગનફ્લાયનો જીવ બચાવતો જોવા મળે છે. આ પોસ્ટ જોયા બાદ ફેન્સ તેના વખાણ કરી રહ્યા છે,આ ઉપરાંત તેની પત્ની અને અભિનેત્રી ટ્વિંકલ ખન્ના પણ તેની ફેન બની ગઈ છે અને તેણે પણ આ પોસ્ટ પર પોતાની પ્રતિક્રિયા આપી છે.
આ વીડિયોમાં તે પાણીમાં પલળેલા ડ્રેગન ફ્લાયની પાંખો સૂકવતો જોવા મળી રહ્યો છે. આ વીડિયો શેર કરતા તેણે કેપ્શનમાં લખ્યું કે, ‘આ નાનો મિત્ર આજે સવારે સ્વિમિંગ પૂલમાં લપસી ગયો હતો અને તેને મદદની જરૂર હતી. થોડી ધીરજ, થોડો ઉત્સાહ…અને તે ઉડી ગયો. શું આપણે બધાને જીવનમાં આની જરૂર નથી – હૃદયમાં આશા, જીવવાની ઇચ્છા અને ઉડવાની પાંખો.’ અક્ષય કુમારની આ પોસ્ટ પર ચાહકો ઉગ્ર પ્રતિક્રિયા આપી રહ્યા છે, જ્યારે ટ્વિંકલ ખન્નાએ પણ એક ખાસ કમેન્ટ કરી છે. અભિનેત્રીએ તેના પતિ અક્ષયના વખાણ કરતા લખ્યું, ‘તમે પણ મારા માટે ઘણી વાર ઘણું કરો છો’.
આ સાથે તેણે હાર્ટ ઈમોજી પણ પોસ્ટ કરી છે. ટ્વિંકલ ખન્નાની કોમેન્ટના જવાબમાં એક ફેને પૂછ્યું, ‘શું તમે પણ આ જ રીતે સ્વિમિંગ પૂલમાં પડ્યા હતા’. અક્ષયની આ પોસ્ટ પર યુઝર્સ તેના જોરદાર વખાણ કરી રહ્યા છે. ચાહકો નાના ડ્રેગન ફ્લાયને મદદ કરવા અને સારો સંદેશ શેર કરવા બદલ અક્ષયની પ્રશંસા કરી રહ્યા છે. અક્ષયના વર્ક ફ્રન્ટ વિશે વાત કરીએ તો, અક્ષય તે છેલ્લે જેકલીન ફર્નાન્ડીઝ અને કૃતિ સેનન સાથે ‘બચ્ચન પાંડે’માં જોવા મળ્યો હતો. વિવેક અગ્નિહોત્રીની ‘ધ કાશ્મીર ફાઇલ્સ’ની શાનદાર સફળતાને કારણે, અક્ષયની ફિલ્મ બોક્સ ઓફિસ પર પડી ભાંગી હતી.
View this post on Instagram
જો કે, અક્ષય પાસે પાઈપલાઈનમાં ઘણી ફિલ્મો છે. તેની અપકમિંગ ફિલ્મ ‘પૃથ્વીરાજ’ છે આ ફિલ્મમાં અક્ષય માનુષી છિલ્લર અને સોનુ સૂદ સાથે સ્ક્રીન સ્પેસ શેર કરશે. આ ઉપરાંત તે ‘રક્ષાબંધન’માં ભૂમિ પેડનેકર સાથે જોવા મળશે. આ સિવાય અક્ષયની જેકલીન ફર્નાન્ડીઝ અને નુસરત ભરૂચા સાથે ‘રામ સેતુ’ છે. તેની રોમાંચક ફિલ્મોમાં ‘મિશન સિન્ડ્રેલા’, ‘સેલ્ફી’ અને ‘ઓહ માય ગોડ 2’ પણ સામેલ છે.
