GujjuRocks

કરવા ચોથમાં એક સાથે જોવા મળ્યો બચ્ચન પરિવાર, 10 વર્ષ જૂનો વિડીયો આવ્યો સામે

કરવા ચોથનો તહેવાર દરેક મહિલા માટે બેહદ ખાસ હોય છે. મહિલાઓ તેના પતિની લાંબી ઉંમર માટે આ વ્રત રાખે છે. બોલીવુડ એક્ટ્રેસ પણ આ તહેવારને મનાવે છે. જેમાં દીપિકા, પ્રિયંકા, શિલ્પા, ઐશ્વર્યાનું નામ શામેલ છે. ત્યારે આ વચ્ચે બચ્ચન પરિવારનો એક જૂનો વિડીયો સામે આવ્યો છે.


ઐશ્વર્યા રાય બચ્ચનનો એક જૂનો વિડીયો વાયરલ થયો છે. આ વિડીયો તેના લગ્ન બાદનો છે, જેમાં ઐશ્વર્યા કરવા ચોથ મનાવતી નજરે ચડે છે. આ ઐશ્વર્યા અને અભિષેકના લગ્ન બાદની પહેલી કરવા ચોથનો વિડીયો છે. આ વિડીયો બંગલાની છતનો છે, જેમાં ઐશ્વર્યા રાય બચ્ચન,અભિષેક બચ્ચન, અમિતાભ બચ્ચન અને જ્યા બચ્ચન નજરે ચડે છે.


પરંપરા મુજબ પહેલા પત્ની ચારણીથી ચાંદને જુએ છે ત્યારબાદ પતિને જોઈને તેના હાથથી જ કંઈક ખાય છે. આ વીડિયોમાં બચ્ચન પરિવાર પણ એવું કરતો નજરે ચડે છે. આ વીડિયોમાં ઐશ્વર્યા ગોલ્ડન કલરના બ્લાઉઝ સાથે પીળી કલરની સાડીમાં નજરે ચડે છે. જયારે ચાંદ નીકળે છે ત્યારે ઐશ્વર્યા પૂજા કરી ચારણીથી અભિષેકને જુએ છે. અભિષેક અને ઐશ્વર્યાએ 2007માં લગ્ન કર્યા હતા.


બચ્ચન પરિવારના આ કરવા ચોથનો વિડીયો સોશિયલ મીડિયામાં વાયરલ થઇ રહ્યો છે. અભિષેક પણ તેની પત્ની ઐશ્વર્યા સાથે કરવા ચોથનું વ્રત રાખે છે. કરવા ચોથને લઈને અભિષેકે એક ટ્વીટ પણ કર્યું હતું, જેમાં લખ્યું હતું કે, ‘પતિએ પણ તેનું કર્તવ્ય સમજી વ્રત રાખીને પત્નીને સપોર્ટ કરવો જોઈએ.’

ઐશ્વર્યાની ફિલ્મોની વાત કરવામાં આવે તો તે ‘મલેફિસેન્ટ’ના બીજા ભાગ ‘ધ મિસ્ટ્રેસ ઓફ ઇર્વિલ’ માં તેના અવાજ સાંભળવા મળશે. આ ફિલ્મ 18 ઓક્ટોબરે અંગ્રજી અને હિન્દી ભાષામાં ભારતમાં રિલીઝ થશે. ઐશ્વર્યા દસ વર્ષ બાદ હોલીવુડ ફિલ્મનો હિસ્સો બની છે. આ પહેલા તે ‘પિન્ક પેન્થર’માં નજરે આવી ચુકી છે.

Author: GujjuRocks Team તમે આ લેખ GujjuRocks ના માધ્યમથી વાંચી રહ્યા છો,આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ GujjuRocks લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરી લેજો GujjuRocks Mobile App.

Exit mobile version