અમદાવાદની યુવતી NRI સાથે લગ્ન કરીને આંદામાન-નિકોબાર તેમજ થાઈલેન્ડ હનિમૂન પર ગઈ, જેવી રાત્રે શરીર સુખ માનવા ગઈ તો ખબર પડી કે….
આજકાલ ગુજરાતીઓને વિદેશ જવાનું ઘેલુ લાગ્યુ છે. ઘણા વિદ્યાર્થીઓ ભણવા તો ઘણા કમાવવા કે ઘણા લોકો વિદેશ સેટલ થવાનું વિચારતા હોય છે.ઘણી યુવતિઓ એવું વિચારતી હોય છે કે તે કોઇ NRI યુવક સાથે લગ્ન કરી વિદેશમાં સેટલ થઈ જાય. જો કે, ઘણીવાર આવા NRI યુવકો દગો પણ આપતા હોય છે. NRI મૂરતિયાને પરણેલી યુવતીઓની હાલત એવી થઇ જાય છે કે ના કોઇને કહેવાય કે ના કંઇ સહેવાય. ત્યારે હાલમાં જ અમદાવાદના ન્યૂ રાણીપ વિસ્તારમાં રહેતી એક યુવતિ સાથે એવી ઘટના બની, (તમામ તસવીરો પ્રતિકાત્મક છે)
જેમાં તેણે અમેરિકાની સિટીઝનશીપ ધરાવતા પોતાના સમાજના એક યુવક સાથે લગ્ન કર્યા અને પતિએ તેને અમેરિકા લઈ જવાની તૈયારી પણ શરુ કરી. પણ લગ્ન બાદ આ યુવતીને એવી વાતની જાણ થઇ કે જે પતિએ છૂપાવી રાખી હતી અને આને લઇને બંને વચ્ચે જોરદાર ઝઘડો પણ થયો હતો. ત્યારે હવે આ મામલો છૂટાછેડા સુધી પહોંચી ગયો છે. આ યુવતીનો પતિ તેને છોડી ઘણા સમયથી અમેરિકામાં જ છે. પતિ અને સાસરિયાના ત્રાસનો ભોગ બનેલી યુવતીએ અમદાવાદ પશ્ચિમ મહિલા પોલીસ સ્ટેશનમાં ફરિયાદ નોંધાવી છે.
ફરિયાદી વિઝા કન્સલ્ટન્ટ તરીકે નોકરી કરે છે. તેણે ફરિયાદમાં જણાવ્યુ છે કે, તેણે સમાજની મેટ્રિમોનિયલ સાઇટ પર પોતાનું નામ રજિસ્ટર્ડ કરાવ્યુ હતુ અને સમાજના જ એક NRI યુવકના પિતાએ તેનો સંપર્ક કર્યો હતો, જે અમદાવાદના નારણપુરામાં રહે છે. યુવતીના પરિવારજનો સાથે એપ્રિલ 2021માં મુલાકાત પણ કરી અને પછી સંબંધ કરવાનું નક્કી થયું. યુવકના પિતાએ યુવતિના પરિવારને એવી વાત કરી કે દીકરો ન્યૂજર્સીમાં રહે છે અને લગ્ન માટે ઈન્ડિયા આવશે. આ ઉપરાંત યુવતિના પરિવારજનોને એવો વિશ્વાસ અપાવ્યો કે લગ્ન બાદ વહુને પણ અમેરિકા મોકલવામાં આવશે અને તેમાં જે ખર્ચો થશે તે તે લોકો જ કરશે.
ત્યારે બંને પક્ષોની સહમતી બાદ 24 જૂન 2021ના રોજ વૈષ્ણોદેવી સર્કલ નજીક સમાજના ભવનમાં બંનેના લગ્ન થયા. ફરિયાદમાં યુવતિએ તેના સાસુ-સસરા પર પણ આક્ષેપ કર્યો છે. તેણે કહ્યુ કે, લગ્નના થોડા સમયમાં જ સાસુ-સસરાએ તેને મ્હેણા-ટોણાં મારવાનું શરૂ કરી દીધું હતું. તેઓ એમ કહેતા કે તું નસીબદાર છે કે અમેરિકામાં રહેતા છોકરા સાથે લગ્ન કરવાનો મોકો મળ્યો. તેઓ યુવતિને નોકરી છોડવા પણ દબાણ કરતા અને તેના માટે યુવતિ તૈયાર નહોતી. યુવતિ અને તેનો NRI પતિ લગ્ન પછી સપ્ટેમ્બર 2021માં આંદામાન-નિકોબાર હનિમૂન કરવા માટે ગયા અને પછી જુન 2022માં થાઈલેન્ડ ફરવા પણ ગયા.
પણ યુવતીએ દાવો કર્યો કે હનિમૂન વખતે પણ તેમની વચ્ચે કોઈ જાતના ફિઝિકલ રિલેશનશીપ નહોતા. થાઈલેન્ડથી આવ્યા પછી તો જુલાઈ 2022માં યુવતીનો પતિ અમેરિકા જતો રહ્યો અને પછી યુવતીને ખબર પડી હતી કે તે તો પહેલાથી જ પરણિત છે. તેણે પતિના પહેલા લગ્નના ફોટોગ્રાફ પોતાની આંખે જોયા હતા. આ મામલે તેણે પતિ સાથે વાત કરવાની કોશીશ કરી તો તેણે યુવતિને ધમકાવી અને કહ્યુ કે, જો આ વાત તેણે ફરી કાઢી તો બંનેના ડિવોર્સ થઈ જશે, અને અમેરિકા જવા પણ નહીં મળે.
જો કે, સાસરિયાનો ત્રાસ વધતા યુવતીને પિયર ચાલી જવાની નોબત આવી અને સમાજના આગેવાનોએ મધ્યસ્થી કરતા યુવતી ફરી પોતાના સાસરે પાછી ગઇ હતી, તેમ છત્તાં સાસુ-સસરાનો ત્રાસ ઓછો નહોતો થયો. જ્યારે યુવતિ ફરી સાસરે ગઇ ત્યારે તેના સાસુ-સસરા તેને માર પણ મારતા.
આ ઉપરાંત અમેરિકા જવા બાબતે ઝઘડો થતાં સાસરિયાએ 15 ડિસેમ્બર 2022ના રોજ તેને ઘરમાંથી બહાર ધકેલી દીધી અને 19 ડિસેમ્બરે પતિએ અમેરિકાથી છૂટાછેડાની નોટિસ મોકલાવી. આ મામલે યુવતીએ પતિ સાથે વાત કરવાની કોશિશ કરી તો તેણે ફોનનો જવાબ ન આપ્યો અને યુવતિ તે પછી ડિપ્રેશનમાં જતી રહી પણ આખરે પરિવારજનોએ હિંમત આપતા તેણે સાસરિયા વિરુદ્ધ ફરિયાદ નોંધાવી.
