આપણે મધ્યમવર્ગ સપનામાં ન વિચારી શકે એવા મહેલમાં આ લોકો રહે છે, જુઓ બધી તસ્વીરો
મુકેશ અંબાણીથી લઈને રતન ટાટા સુધી આ આલીશાન બંગલા મુંબઈમાં છે
દરેક માણસનું સપનું હોય છે કે તેની પાસે રહેવા માટે એક ઘર હોય. નાનકડું મકાન જેને ખુદનું કહી શકે. દુનિયામાં ઘણા એવા લોકો છે જે ઘર ખરીદવાનું સપનું આખી જિંદગી અધૂરું રહે છે. પરંતુ સપનોની નગરી મુંબઈની વાત જુદી જ છે. અહીં દુનિયાના સૌથી મોંઘા ઘર છે. આ મકાનો ફક્ત શહેરના મુખ્ય મકાનોમાં જ નથી, પરંતુ દેશની આર્થિક રાજધાની તરીકે ઓળખાતા આ શહેરના મહત્વપૂર્ણ લેન્ડમાર્ક પણ છે.
આજે અમે તમને મુંબઈના 7 સૌથી મોંઘા ઘરો વિશે જણાવીશું.
1.એન્ટિલિયા
ફોર્બ્સ દ્વારા તેની કિંમત 1 અબજ ડોલર આંકવામાં આવી છે. તે માત્ર મુંબઇ અને ભારતનું સૌથી મોંઘુ મકાન જ નથી, પરંતુ આખી દુનિયાના સૌથી મોંઘા ઘર પૈકીનું એક છે. આ વૈભવી ઘરના માલિક મુકેશ અંબાણી છે. જે વિશ્વના છઠ્ઠા ધનિક વ્યક્તિ તરીકે ફોર્બ્સના રીયલ-ટાઇમ અબજોપતિની યાદીમાં શામેલ છે. મીડિયા રિપોર્ટ અનુસાર, દક્ષિણ મુંબઈ સ્થિત એન્ટિલિયામાં 27 માળ અને 9 હાઈસ્પીડ એલિવેટર્સ છે. અહીં ગેરેજ પણ છે. જેમાં 168 કારનો સમાવેશ થાય છે. આ સાથે જ જેમાં 3 હેલિપેડ, એક ભવ્ય બોલરૂમ, એક થીએટર, એક સ્પા, એક મંદિર અને બગીચા પણ છે.
2.જલસા
અમિતાભ બચ્ચન શહેરમાં જલસા સહિત 4 બંગલો ધરાવે છે, હાલમાં તે પરિવાર સાથે જલસામાં રહે છે. આ બે માળનું ઘર1982માં આવેલી હિન્દી ફિલ્મ સત્તે પે સત્તામાં દિગ્દર્શક રમેશ સિપ્પીએ અમિતાભના શાનદાર અભિનયથી ખુશ થઈને ગિફ્ટમાં આપ્યું હતું. મિડ-ડે મુજબ જલસાની કિંમત 112 કરોડ છે.
3.જટિયા હાઉસ
મુંબઈમાં માલબાર હિલ્સ ઉપર સ્થિત આ આદિત્ય બિરલા ગ્રુપના ચેરમેન કુમાર મંગલમ બિરલાનું ઘર છે. તે આદિત્ય બિરલા ગ્રુપના ચોથા પેઢીના વડા છે. મિડ-ડેના અહેવાલ મુજબ, આ ઘર 2926 ચોરસ મીટરમાં ફેલાયેલું છે અને ઓછામાં ઓછું 28,000 ચોરસ ફૂટ ક્ષેત્રનું બિલ્ટ-અપ ક્ષેત્ર છે. આ મકાનની કિંમત 425 કરોડ છે.
4.ગુલીતા
સાઉથ મુંબઈના વરલીમાં સ્થિત આ ઘર ઇશા અંબાણી અને પીરામલ છે. ધ ઇકોનોમિક ટાઇમ્સના અહેવાલમાં જણાવવામાં આવ્યું છે કે, આ મકાન 2012 માં પિરામલ દ્વારા ખરીદ્યું હતું. જેની કુલ કિંમત 452 કરોડ રૂપિયા હતી. તે પાંચ માળનું શાનદાર ઘર છે, જેમાં ત્રણ બેઝમેન્ટ છે. જેમાં બે પાર્કિંગ માટે અનામત છે અને એક પાસે મોટી લોન પણ છે. ગ્રાઉન્ડ ફ્લોરમાં એક ભવ્ય પ્રવેશ લોબી છે અને ઉપરના માળે રહેઠાણ અને ડાઇનિંગ હોલ છે. ટ્રીપલ-હાઇ-મલ્ટી પર્પઝ રૂમ ઉપરાંત બેડરૂમ અને સર્કુલ સ્ટડી પણ શામેલ છે.
5.લિંકન હાઉસ
લિંકન હાઉસ જે અગાઉ વાંકાનેર હાઉસ તરીકે ઓળખવામાં આવતું હતું, તે શહેરની સૌથી મોંઘી હેરિટેજ પ્રોપટી પૈકી એક છે. દક્ષિણ મુંબઈના બ્રીચ કેન્ડી વિસ્તારમાં 50,000 ચોરસ ફૂટમાં સ્થિત આ ઘરના માલિક સાયરસ પૂનાવાલા છે. મિડ-ડે મુજબ, તેણે તેને 2015 માં 750 કરોડ રૂપિયામાં ખરીદ્યો હતો.આ હવેલીની શરૂઆત 1993 માં વાંકાનેરના મહારાજા એચએચ સર અમીરસિંહજી માટે 1993માં વાસ્તુકાર ક્લાઉડ બટ્ટલે બનાવ્યું હતું.
6.મન્નત
હિન્દુસ્તાન ટાઇમ્સના અહેવાલ મુજબ શાહરૂખ ખાને બાંદ્રામાં સંપત્તિ ખરીદી તેના બે દાયકા બાદ આ મકાનની કિંમત 200 કરોડની છે. મન્નતમ એનેક્સી, અનેક બેડરૂમ, એક ટેરેસ, એક બગીચો, એક એલિવેટર સિસ્ટમ, એક ખાનગી થિયેટર, વ્યક્તિગત ક્વાર્ટર્સ અને વિશાળ મનોરંજનનો સમાવેશ થાય છે.
7.કોલાબામાં સમુદ્ર કિનારે આલીશાન ઘર
મુંબઈના કોલાબામાં દરિયામાં વસેલા આ લક્ઝુરિયસ બંગલાના માલિક રતન ટાટા છે. મિડ-ડે અનુસાર, તેની કિંમત લગભગ 150 કરોડ છે. તેને રીટાયરમેન્ટ હોમના નામથી પણ ઓળખવામાં આવે છે.