ખબર

અમદાવાદની હોસ્પિટલમાં એક જ પરિવારના 7 સભ્યોએ એક જ દિવસે કરાવી આ સર્જરી, જાણો શુ છે મામલો

એક જ હોસ્પિટલમાં, એક જ પરિવારના 7 સભ્યોએ બેરિયાટ્રીક સર્જરી કરાવી હોય તેવો કિસ્સો વિશ્વમાં કદાચ સૌ પ્રથમ છે. ભાવનગરના એક પરિવારના 7 સભ્યોએ 19 માર્ચે ન્યુરો 1 મલ્ટિસ્પેશિયાલિટી હોસ્પિટલ, અમદાવાદ ખાતે બેરિયાટ્રીક સર્જરી કરાવી છે.

અમદાવાદમાં ન્યૂરો વન મલ્ટી સ્પેશિયાલિટી હોસ્પિટલમાં એક જ દિવસમાં એક જ પરિવારના 7 સભ્યોએ બેરિયાટ્રીક સર્જરી કરાવી છે. આ દર્દીઓમાંથી 5 દર્દી ડાયાબિટીસથી પિડાતા હતા. આમાંના બે દર્દી ફેટી લીવર સાથે સંકળાયેલા સિરોસીસ ઓફ લીવરથી પીડાતા હતા. ભારતમાં આ સર્જરી પહેલીવાર થઈ હોવાનું ડોક્ટરો દ્વારા જાણવા મળ્યું છે.

ભાવનગરના એક પરિવારના 7 સભ્યોએ 19 માર્ચે અમદાવાદની એક મલ્ટિસ્પેશિયાલિટી હોસ્પિટલ, ખાતે બેરિયાટ્રીક સર્જરી કરાવી છે. આ પરિવાર જીનેટીક પરિબળોના કારણે તથા જીવનશૈલી લગતા મુદ્દાઓના કારણે મેદસ્વીતાનો ભોગ બન્યું હતું.

આ સિધ્ધિ બેરિયાટ્રીક સર્જન ડો. મહેન્દ્ર નરવરિયાએ વિકસાવેલી નવી ટેકનિક અને પ્રોટોકોલના કારણે શક્ય બની છે. આ પધ્ધતિથી સર્જરીમાં દર્દીને કોવિડ-19નો ચેપ લાગવાની શક્યતા ઘટે છે અને 24 કલાકમાં જ ડિસ્ચાર્જ કરી શકાય છે.

આ ટેકનિકથી સર્જરી 30થી 45 મિનિટમાં જ પૂર્ણ કરી શકાય છે. અગાઉ આ પ્રકારની સર્જરીમાં દોઢથી બે કલાકનો સમય લાગતો હતો. અગાઉ દર્દી બે દિવસ પછી ખોરાક લઈ શકતો હતો તેની તુલનામાં હવે સર્જરી પછી દર્દી 4 કલાકમાં ખોરાક લઈ શકે છે. 24 કલાકમાં દર્દીને રજા આપી દેવાય છે.

સર્જરી કરાવ્યા પછી ફોલોઅપ ચેક-અપ માટે હોસ્પિટલની મુલાકાતે આવેલા આ પરિવારના 7 સભ્યોએ જણાવ્યું હતું કે સર્જરી પછી તે પોતાની જાતને વધુ બહેતર અને તંદુરસ્ત અનુભવી રહ્યા છે. તાજેતરમાં સર્જરી કરાવ્યા પછી તેમને કોઈ આડઅસર જણાઈ નથી.