એરબેગને લીધે 6 વર્ષના બાળકનું દર્દનાક મોત; પપ્પા દીકરાને પાણીપુરી ખાવા લઇ ગયા અને અચાનક જ SUV એ ટક્કર મારી અને…
મુસાફરોના જીવ બચાવવા માટે કારમાં એરબેગ લગાવવામાં આવે છે. પરંતુ, મહારાષ્ટ્રના નવી મુંબઈમાં આ સેફ્ટી એરબેગએ 6 વર્ષના બાળકનો જીવ લીધો. બે કારની ટક્કર બાદ અચાનક એરબેગ ખુલવાને કારણે ગડામાં ઈજા થવાને કારણે છ વર્ષના હર્ષનું ઘટનાસ્થળે જ મોત થયું હતું.
વાશી સેક્ટર 15માં રહેતા માવજી અરેઠિયા રાત્રે 11 વાગ્યે તેમના પુત્ર હર્ષ અને બે ભત્રીજાઓ સાથે ફરવા નીકળ્યા હતા. માવજી આરેઠીયાએ હર્ષને આગળની સીટ પર બેસાડ્યો હતો.કોપરખૈરણે જતી વખતે બ્લુ ડાયમંડ ચોકમાં બીજી કારે વેગનઆર કારને ટક્કર મારી હતી.
અથડામણને કારણે અરેઠિયાની કારની આગળની બંને એરબેગ્સ ખુલી ગઈ હતી. આગળની સીટ પર બેઠેલો હર્ષ એરબેગ સાથે જોરદાર અથડાયો હતો. જેના કારણે તેનું તત્કાળ મૃત્યુ થયું હતું.ત્યારથી એરબેગ્સ સંબંધિત આ ઘટના લોકોના ધ્યાન પર આવી છે. આ ઘટના બાદ આગળ બેઠેલા બાળકો સામે ગંભીર પ્રશ્ન ઉભો થયો છે.
બાળકની ઉંચાઈ ઓછી હતી, જેના કારણે એરબેગ ખુલી હતી અને તેની છાતી પર નહીં પરંતુ હર્ષની ગરદન પર વાગી હતી. આ તેના મૃત્યુનું કારણ હતું.જો કે વિદેશમાં કારની આગળ બાળકોને બેસવા પર પ્રતિબંધ છે, પરંતુ આપણા દેશમાં એવો કોઈ કાયદો નથી. બાઈક પર આગળના ભાગમાં બાળકોને બેસવા પર પ્રતિબંધ છે, પરંતુ કાર માટે કોઈ નક્કર નિયમ નથી. જો બાળક આગળ બેઠું હોય ત્યારે સીટ બેલ્ટ પહેરી શકતું નથી, તો બેબી કાર સીટ અથવા ચાઇલ્ડ રેસ્ટ્રેંટ સિસ્ટમ ઇન્સ્ટોલ કરવી જરૂરી છે. દેશમાં કાર એર બેગને લગતા કેસ દરરોજ જોવા મળે છે. પરંતુ, હજુ સુધી આ અંગે કોઈ કાયદો નથી.
