આજે બહારની ખાણીપીણી અને અયોગ્ય સમયે ખોરાક લેવાના કારણે પાચન સંબધીત ઘણી સમસ્યાઓ ઉદભવતી હોય છે. મોટાભાગે યુવાનો હવે આની ચપેટમાં વધારે આવી રહ્યા છે. સામાન્ય લાગતી આ તકલીફ લાંબા સમયે ઘણી મોટી મુસીબતનું કારણ બની શકે છે. તો ચાલો આજે અમે તમને તમારી પાચન શક્તિ સુધારવાના એવા ફુડ્સ વિશે જણાવીશું જેનાથી તમને તકલીફોમાં રાહત મળશે અને તમારી પાચન શક્તિ પણ મજબૂત બનશે.
1. સફરજન:
સફરજનની અંદર પ્રોટીન, ફાયબર અને વિટામિન ભરપૂર માત્રામાં રહેલું છે. સાથે જ એક સફરજન રોજ ખાવાથી પાચન પણ સારું રહે છે. અને પેટની સમસ્યાઓ જેવી કે ગેસ બનવું, પેટ ફૂલવા જેવી સમસ્યાઓથી પણ બચાવવાનું કામ કરે છે.
2. દહીં:
દહીં સારા સ્વાસ્થ્યની સાથે પાચન માટે પણ સારું માનવામાં આવે છે. એટલા માટે પોતાના આહારમાં દહીં ઉમેરો. તે તમને પાચનતંત્ર માટે ફાયદાકારક સાબિત થશે. તે તમને ઇન્ફેક્શનથી બચાવવામાં પણ મદદ કરશે.
3. વરિયાળી:
વરિયાળીનો ઉપયોગ મોટાભાગના લોકો મુખવાસ તરીકે કરતા હોય છે. પરંતુ ઘણા ઓછા લોકોને ખબર છે કે વરિયાળી પણ તમારી પાચનક્રિયા વધારવામાં ખુબ જ ફાયદાકારક છે. આ સાથે જ વરિયાળી ખાવાથી મોઢાની દુર્ગંધથી પણ છુટકારો મળે છે.
4. પપૈયું:
પપૈયાને ફાયબર અને પ્રોટીનનો સારો સ્ત્રોત માનવામાં આવે છે. પપૈયું ખાવાથી તમારી પાચન ક્રિયા પણ ઝડપી બને છે. સાથે જ પપૈયું તમારું વજન ઓછું કરવામાં પણ ખુબ જ મદદગાર બને છે.
5. ચિયા બીજ:
ચિયા બીજ પણ તમારા પાચનને વ્યવસ્થિત કરવામાં અને વજન ઓછું કરવામાં ખુબ જ ફાયદાકારક માનવામાં આવે છે. તેની અંદર ફાયબર ભરપૂર માત્રામાં મળી આવે છે. જે પાચન માટે ખુબ જ ફાયદાકારક છે.
Author: GujjuRocks Team
આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.
