રવિવારના રોજ ગુજરાતના મોરબીમાં શહેરમાં ઝૂલતો પુલ માતમના સમાચાર લઇને આવ્યો ત્યાં સોમવારના રોજ યુપીમાં છઠ પૂજા દરમિયાન નદી અને તળાવમાં ડૂબવાને કારણે 4 લોકોના મોત થઇ ગયા. આજમગઢમાં એકબીજા પર પાણી ફેંકવા દરમિયાન ચાર યુવક નાની સરયૂ નદીના તેજ વહાવમાં ડૂબી ગયા. જો કે ત્યાં હાજર લોકોએ ત્રણને બચાવી લીધા હતા. જ્યારે એક 15 વર્ષિય બાળક સત્યમ યાદવનું ડૂબવાને કારણે મોત થઇ ગયુ.
બીજી બાજુ ચંદૌલીમાં કર્મનાશા નદી પર બનેલો પુલ અચાનક તૂટી પડ્યો અને આ અકસ્માતમાં છઠ પૂજા જોવા આવેલા 12થી વધુ લોકો કેનાલમાં પડી ગયા હતા. કેનાલમાં પાણી ઓછું હતું જેથી કોઈ મોટો અકસ્માત થયો ન હતો. કુશીનગરના તુર્કપટ્ટી પોલીસ સ્ટેશન વિસ્તારના માનસરોવર તળાવમાં ડૂબી જવાથી યુવકનું મોત થયું હતું. જૌનપુરમાં અર્ઘ્ય વસ્તુઓ લઈને જઈ રહેલા યુવકનું તળાવમાં ડૂબી જવાથી મોત થયું હતું. દેવરિયામાં છઠ પર મિત્રો સાથે તળાવમાં ન્હાવા ગયેલા યુવકનું ડૂબી જવાથી મોત થયું હતું.
ચંદૌલીના ચકિયા કોતવાલી વિસ્તારના સરૈયા ગામમાં લોકો છઠ પૂજા જોવા માટે કરમનાશા નહેરના કિનારે જઈ રહ્યા હતા. તે દરમિયાન માર્ગમાં પડતા પુલ તૂટીને પડી ગયો હતો. અચાનક થયેલા અકસ્માતમાં 12થી વધુ લોકો કેનાલમાં પડી ગયા હતા. જો કે કેનાલમાં પાણી ઓછું હોવાથી કોઈને ઈજા થઈ નથી. પરંતુ સ્થળ પર નાસભાગ મચી ગઈ હતી. યુપીના આઝમગઢના અત્રૌલિયામાં નાની સરયૂ નદીના કિનારે સોમવારે વહેલી સવારે છઠ પૂજાની ખુશીમાં ગ્રહણ લાગ્યું હતું.
પૂજામાં હાજરી આપવા આવેલા ચાર કિશોરો ન્હાવા જતાં ઊંડા પાણીમાં ડૂબી ગયા હતા. ત્રણેય બાળકોને કોઈક રીતે બચાવી લેવામાં આવ્યા હતા પરંતુ લોકો એક બાળકને બચાવવામાં નિષ્ફળ રહ્યા હતા.અકસ્માતની માહિતી મળતા જ ઘટનાસ્થળે લોકોના ટોળા એકઠા થઈ ગયા હતા. પરિવારજનોના આક્રંદથી વાતાવરણ ગમગીન બની ગયું હતું. અત્રૌલિયા પોલીસ સ્ટેશન વિસ્તારના ભાટપુરવા ગામમાં રહેતા 16 વર્ષીય સત્યમ યાદવની ભાભીએ છઠ ઉપવાસ કર્યા હતા.
આખો પરિવાર વહેલી સવારે ઊગતા સૂર્યને અર્પણ કરવા ઘરની બહાર નીકળી ગયો હતો. ચમન પાણીમાં ઉતર્યો અને સૂર્યદેવના ઉદયની રાહ જોતો હતો, જ્યારે પરિવારના અન્ય સભ્યો ગીતો અને ખુશીઓ ગાવામાં મગ્ન હતા. તે સમયે સત્યમ અને તેના બે ભાઈઓ અનિકેત, અભિષેક અને તેના સંબંધી અન્ય એક કિશોરે નહાવાનું વિચાર્યું અને ચારેય ન્હાવા સરયુના ઘાટ પરથી નદીમાં કૂદી પડ્યા હતા.એસપી ગ્રામ્યએ ઘટના અંગે જણાવ્યું હતું. રેસ્ક્યુ ટીમ તાત્કાલિક સ્થળ પર પહોંચી ગઈ હતી. ત્રણ કિશોરોને બચાવી લેવાયા હતા પરંતુ એક કિશોરને જીવતો બચાવી શક્યા ન હતા.
