દ્વારકામાં જલસા કરવા ગયેલા કપલની આવી બની, ચુપકેથી અશ્લીલ વીડિયો રેકોર્ડ કરી લેતા હતા હોટેલ વાળા ને પછી લાખો રૂપિયા….
OYO હોટેલમાં અશ્લીલ વીડિયો બનાવીને કપલ્સને બ્લેકમેલ કરવા બદલ દિલ્હી પોલીસે ચાર લોકોની ધરપકડ કરી છે. આ પૈકી ત્રણ આરોપીઓ દ્વારકામાં આવેલી ઓયો હોટેલ ધ ગ્રેટ ઇનમાં કામ કરતા હતા. પોલીસના જણાવ્યા અનુસાર આરોપી હોટલમાં આવતા લોકોના અશ્લીલ વીડિયો રેકોર્ડ કરી તેમને બ્લેકમેલ કરતા હતા. મીડિયા અહેવાલ મુજબ પોલીસને આ અંગે ફરિયાદ મળી હતી. ફરિયાદીના જણાવ્યા મુજબ તે તેના એક સાથી સાથે આ હોટલમાં ગયો હતો. જે બાદ 19 જાન્યુઆરીએ તેને અને તેના પાર્ટનરને ઈન્સ્ટાગ્રામ પર પોર્નોગ્રાફિક વીડિયો મળ્યો.
આ વીડિયો ડિલીટ કરવાના બદલામાં ફરિયાદી અને તેના પાર્ટનર પાસેથી 5-5 લાખ રૂપિયાની માંગણી કરવામાં આવી અને આમ નહીં કરવા પર વીડિયો વાયરલ કરવાની ધમકી આપવામાં આવી.જો કે, તેમણે પોલિસ ફરિયાદ કરી અને DCP દ્વારકાના નેતૃત્વમાં મામલાની તપાસ કરવામાં આવી. પોલીસના જણાવ્યા અનુસાર, વિજય કુમાર, અંકુર, દિનેશ અને દીપક કુમાર નામના આરોપીઓ યુપીના હાપુડ જિલ્લાના રહેવાસી છે. સર્વેલન્સ ટીમની મદદથી આરોપીઓના ફોન ટ્રેસ કર્યા બાદ તેમના લોકેશનનો ખુલાસો થયો હતો.
આ પછી પોલીસ માસ્ટરમાઇન્ડ વિજય કુમારના ઘરે પહોંચી. જોકે અગાઉ વિજય કુમારે આ ઘટનામાં પોતાની સંડોવણીનો ઈન્કાર કર્યો હતો. પરંતુ પોલીસ તરફથી નોટિસ મળતાં તે તેના સાથીદારો અંકુર અને દિનેશ સાથે પોલીસ સ્ટેશને પહોંચ્યો હતો અને હકીકત જણાવી હતી. આરોપી વિજય મૂળભૂત રીતે ફાર્માસિસ્ટ છે અને તેણે પિલખુવાની એક ફાર્મસીમાં દોઢ વર્ષ સુધી નોકરી કરી હતી. તે પછી તે બજાજ ફાયનાન્સમાં જોડાયો અને ત્યાં છ મહિના કામ કર્યું પરંતુ તેને જે પગાર મળતો હતો તેનાથી તે સંતુષ્ટ નહોતો.
તેથી તેણે “ધ હોટેલ ગ્રેટ ઇન” OYO માં રિસેપ્શનિસ્ટ અને હાઉસકીપિંગ ઇન્ચાર્જ તરીકે નોકરી શરૂ કરી. થોડા દિવસો પછી તે તેના મિત્રો અંકુર અને દિનેશને પણ તે જ હોટલમાં નોકરી માટે લાવ્યો. ઓગસ્ટ 2022માં વિજયે ત્યાંની નોકરી છોડી દીધી અને તેના મિત્રોને અશ્લીલ વીડિયો શૂટ કરવાનું કહ્યું. પિલખુવામાં તેણે નકલી સિમ કાર્ડ લીધું, જેમાં દીપક કુમાર નામના આરોપીએ તેની મદદ કરી. તે જ નંબર દ્વારા નકલી ઈન્સ્ટાગ્રામ આઈડી બનાવ્યું અને પછી આનો ઉપયોગ ફરિયાદીને બ્લેકમેલ કરવા માટે કરવામાં આવ્યો. પોલીસના જણાવ્યા અનુસાર, આરોપીઓ પાસેથી 5 મોબાઈલ ફોન, 54 નકલી સિમ કાર્ડ અને એક નકલી બાયોમેટ્રિક મશીન મળી આવ્યું છે. ત્યાં હોટલમાંથી એક DVR હાર્ડ ડિસ્ક પણ મળી આવી છે. આરોપીઓ ઉપરાંત હોટલ સામે પણ કાયદેસરની કાર્યવાહી કરવામાં આવી રહી છે.
