હું ખુશ નથી, શાંતિ માટે….30 વર્ષીય ફેમસ સેલિબ્રિટી આકાંક્ષાએ કરી આત્મહત્યા, સ્યુસાઇડ નોટમાં કર્યો નવો ધડાકો
ગુજરાત સમેત દેશભરમાં આપઘાતના ઘણા મામલાઓ સામે આવી રહ્યા છે. કેટલીકવાર કોઈ આર્થિક તંગીના કારણે તો કોઈ પ્રેમ પ્રસંગોના કારણે પણ આપઘાત કરી લેતા હોય છે, કેટલીકવાર કોઈની હેરાનગતિ પણ આપઘાત માટે જવાબદાર બનતી હોય છે. સામાન્ય માણસ જ નહિ સેલેબ્સ પણ કેટલીકવાર આપઘાત કરી લેતા હોય છે અને આપઘાત પાછળનું જે કારણ સામે આવે છે તે પણ ખુબ જ ચોંકાવનારું હોય છે. હાલ એવો જ એક મામલો સામે આવ્યો છે, જેમાં એક મોડલે આપઘાત કરી લીધો છે.
મુંબઈમાં 30 વર્ષની સંઘર્ષશીલ મોડલ અને અભિનેત્રીની આત્મહત્યાનો મામલો સામે આવ્યો છે. આ ઘટના બુધવારની કહેવામાં આવી રહી છે, પરંતુ તે બે દિવસ પછી ચર્ચામાં આવી છે. મોડલનું નામ આકાંક્ષા મોહન જણાવવામાં આવી રહ્યું છે કે તેનો મૃતદેહ મુંબઈની એક હોટલમાંથી મળી આવ્યો છે. મોડલ પાસેથી એક સુસાઈડ નોટ પણ મળી આવી છે, જેમાં તેણે પોતાના મૃત્યુ માટે કોઈને જવાબદાર ઠેરવ્યા નથી.
મીડિયા રિપોર્ટ અનુસાર અનુસાર આકાંક્ષાએ બુધવારે સાંજે અંધેરી મુંબઈના વર્સોવા વિસ્તારમાં સ્થિત એક હોટલના રૂમમાં આત્મહત્યા કરી લીધી હતી. પોલીસે શુક્રવારે તેમનું નિવેદન જારી કર્યું અને કહ્યું કે હોટલના રૂમમાંથી એક સુસાઈડ નોટ પણ મળી આવી છે જ્યાંથી મોડલનો મૃતદેહ મળી આવ્યો હતો. પોલીસનું કહેવું છે કે તેમને શંકા છે કે આકાંક્ષા ડિપ્રેશનમાં હતી અને તેના કારણે તેણે જીવનનો અંત લાવવાનું ઘાતક પગલું ભર્યું. પોલીસના જણાવ્યા અનુસાર તે ખુશ નહોતી અને શાંતિ ઈચ્છતી હતી.
આ ઘટનાની માહિતી ત્યારે સામે આવી જ્યારે હોટેલ મેનેજરે બુધવારે સાંજે પોલીસને ફોન કર્યો અને જણાવ્યું કે મોડલના રૂમની અંદરથી અનેક કોલ કરવા છતાં કોઈ જવાબ મળ્યો નથી. આ પછી પોલીસ ઘટનાસ્થળે પહોંચી અને હોટલના રૂમનો દરવાજો તોડીને જોયું તો મોડલ પંખાથી લટકતી મળી. પોલીસે તાત્કાલિક લાશનો કબજો લઈ પંચનામુ કરી પોસ્ટમોર્ટમ માટે મોકલી આપી હતી. આ સાથે આકસ્મિક મૃત્યુના એંગલથી કેસની તપાસ શરૂ કરવામાં આવી હતી.
એક પોલીસ અધિકારીએ પોતાના નિવેદનમાં જણાવ્યું કે, મોડલના રૂમમાંથી એક સુસાઈડ નોટ મળી આવી છે, જેમાં તેણે લખ્યું છે કે, “મને માફ કરો. આના માટે કોઈ જવાબદાર નથી. હું ખુશ નથી. હું માત્ર શાંતિ ઈચ્છું છું.” પોલીસ અધિકારીએ એમ પણ કહ્યું કે, લોખંડવાલાના યમુના નગર વિસ્તારમાં ઉછરેલી મૉડેલે બુધવારે બપોરે 1 વાગ્યાની આસપાસ હોટલમાં રૂમ લીધો હતો અને તે પછી તેણે પોતાની જાતને અંદરથી બંધ કરી લીધી હતી. એક પોલીસ અધિકારીએ જણાવ્યું કે આકસ્મિક મૃત્યુનો અહેવાલ નોંધવામાં આવ્યો છે અને આ મામલે તપાસ ચાલી રહી છે.
View this post on Instagram