21 જુલાઈ 2019નું રાશિફળ : જાણો કેવો રહેશે તમારો આજનો દિવસ અને કોને થશે ધનલાભ

0

1. મેષ – અ,લ,ઈ (Aries):
પૈસા સંબંધિત કાર્યમાં ધીરજ રાખવાની જરૂરત છે. નોકરી કરતા મિત્રોને ઓફિસમાં અગત્યનું કામ મળશે જેની પાછળ તમારો આજનો દિવસ પૂર્ણ થઇ જશે. આર્થિક સ્થિતિમાં બદલાવ આવશે. તમે પોતાની જાત સાથે લાંબી ધાર્મિક યાત્રા પર જઈ શકશો. આજે કોઈ ધાર્મિક સંસ્થા સાથે જોડાઈ શકો છો. તમારા અટકેલા કામ આજે પૂર્ણ થશે. જો લાંબા સમયથી કોઈ શારીરિક તકલીફથી પીડાઈ રહ્યા છો તો આજથી જ તેના માટે કસરત અને યોગ્ય ઉપચાર કરવાની શરૂઆત કરો દો. ઓફિસમાં કામ કરતા દરેક સહકાર્યકર તરફથી તમને પુરતો સપોર્ટ મળશે. નકારાત્મકતાને હમેશા દૂર રાખો. જીવનસાથી સાથે બને એટલો સમય ફાળવો.
શુભ અંક : ૩
શુભ રંગ : કાળો
2.વૃષભ – બ,વ,ઉ (Taurus):
આજે જીવનસાથી તરફથી તમને સારા સમાચાર મળવાના યોગ છે. ઘરમાં કોઈપણ નાની વાત મોટા ઝઘડાનું સ્વરૂપ ના બની જાય એની તકેદારી તમારે રાખવાની છે. આજે થોડો ખર્ચ પણ વધી શકે છે. કોઈપણ નવા લોકો સાથે મળતા સમયે તમારા વાણી અને વર્તન પર કાબુ રાખો. જીવનસાથીના ઇશારાને બરોબર સમજો. આજે સ્વાસ્થ્ય પ્રત્યે થોડી તકેદારી રાખો. હંમેશા ખુશમિજાજ અને પોઝીટીવ રહો એ જ તમારે યાદ રાખવાનું છે. જે મિત્રોના લગ્નને થોડો જ સમય થયો છે તેમને ક્યાંક ફરવા જવા માટે મળી શકે છે.
શુભ અંક : ૪
શુભ રંગ : લાલ
3. મિથુન – ક,છ,ઘ (Gemini):
તમારે હવે બધું નસીબ અને ભાગ્ય પર છોડવાની આદત બદલવાનો સમય આવી ગયો છે. હંમેશા બીજાને દોષ દેવો એવું ના કરશો. તમને એકવાર નિષ્ફળતા મળી એનો અર્થ એવો બિલકુલ નથી કે તમને સફળતા મળશે જ નહિ. આજથી જ નવા દિવસની નવા જોશ અને ઉત્સાહ સાથે શરૂઆત કરો ઈશ્વર તમારી સાથે જ છે. બસ થોડી હજુ વધારે મહેનત તમને સફળતાનો સ્વાદ જરૂર કરાવશે. આજે ગમે એવી મુશ્કેલી આવે તમારે ડરવાની કે ડગવાની જરૂરત બિલકુલ નથી. વિશ્વમાં એવું કશું નથી જે ના થઇ શકે એ મંત્ર હંમેશા યાદ રાખો. આજે નોકરી કે ધંધાની શરૂઆત કરતા પહેલા મહાદેવજીના મંદિરે દર્શન કરવા અચૂક જાવ.
શુભ અંક : ૬
શુભ રંગ : સફેદ
4. કર્ક – ડ,હ (Cancer):
જે મિત્રો નોકરી શોધી રહ્યા છે તેમની માટે સારી ઓફર આવે તેવી સંભાવના છે. જે મિત્રો નોકરી બદલવાનું વિચારી રહ્યા છે તેઓએ બીજી નોકરી વિષે પહેલા સંપૂર્ણ તપાસ કરી લેવી અને પછી જ કોઈ યોગ્ય નિર્ણય લેવો. આજે કોઈપણ કામ આવે તો તેને ઉત્સાહથી કરો તમારો એ સ્વભાવ જ તમને સફળતાના શિખરો સર કરાવશે. આજે તમારા માટે ખૂબ સારો દિવસ છે તો કોઈપણ પ્રકારની મૂંઝવણ હોય તો તમારા વડીલોની સલાહ લો અને આગળ વધો. આજે નાણાકીય ભીડ ઓછી થવાના યોગ છે તમારા પર ઈશ્વરના ચાર હાથ છે પણ ખરી સફળતા તમને મહેનત કરીને જ મળશે. આજે નોકરી બદલવા માટે પણ સારા યોગ છે.
શુભ અંક : ૭
શુભ રંગ : લીલો
5. સિંહ – મ,ટ (Lio):
આજે ખૂબ ખુશીનો દિવસ છે. જુના મિત્રો અને પરિવાર સાથે મળીને કોઈ સારું કાર્ય કરો જેમ કે જરૂરિયાત વાળા લોકોને મદદરૂપ થાવ. આજે તમને તમારા સહકાર્યકરો તરફથી પણ સારો સપોર્ટ મળી રહેશે. આજે ખુશીમાં ને ખુશીમાં કોઈ અજાણ્યાની પાછળ વધારાનો ખર્ચ ના થઇ જાય તેનું ધ્યાન રાખજો. તમારો ખુશમિજાજ સ્વભાવ દરેક લોકોને તમારી તરફ આકર્ષિત કરશે. આજે બેન્કના કાર્ય કરો ત્યારે ખાસ તકેદારી રાખો. સાંજનો સમય પરિવાર માટે ફાળવો જેનાથી તમે પરિવારના સભ્યો તમારા માટે સુ વિચારે છે તે જાણી શકશો.
શુભ અંક : ૮
શુભ રંગ : ગુલાબી
6. કન્યા – પ,ઠ,ણ (Virgo):
સવારથી મન થોડું વ્યથિત જણાશે. બપોર સુધીમાં સ્વાસ્થ્યમાં સુધારો આવશે. ઓફિસમાં નાની નાની વાતે ગુસ્સે થવાનું ટાળજો નહિ તો કોઈ મહત્વના કામમાં સુધારો કરવા જતા એ કામ બગડી જશે. આજે તમને તમારા પરિવાર તરફથી પુરતો સપોર્ટ મળશે, આજે ભવિષ્યમાં ઘણો ફાયદો થાય તેવી રોકાણ કરવાની સ્કીમ તમારી સામે આવશે. ઉપરી અધિકારી અને વડીલોની સલાહથી આગળ વધો. દિવસનો અંત આજે ખુબ સુખદ હશે. તમારા જીવનસાથી સાથે આજે પ્રેમભરી વાતો કરો.
શુભ અંક : ૯
શુભ રંગ : આસમાની
7. તુલા – ર,ત (Libra):
તમને જે વિષયમાં રસ નહિ હોય તેવી જગ્યાએથી પૈસાની અઢળક કમાણી થશે. આજે મિત્રશત્રુઓથી બચીને રહેજો. નોકરી કરતા મિત્રો આજે ઓફિસમાં સારો દેખાવ કરી શકશે જેનાથી તમારી સાથે કામ કરતા લોકો તમારી ઈર્ષા કરશે. નાના બાળકો આજે તમને ખુશ કરી શકશે તો આજે બાળકો સાથે સમય વિતાવો. આજે કોઈપણ ટેસ્ટી અને તીખું તળેલું ખાતા પહેલા તમારા સ્વાસ્થ્યનો વિચાર કરજો. નાની નાની વાતોને લઈને આજે તમારે ગુસ્સે થવાનું નથી નહીતો માથાનો સખત દુખાવો થઇ શકે છે. આજે તમને કોણ તમારી સાચી કેર કરે છે એ તમને ખબર પડશે. જીવનસાથી સાથે ચાલતા અણબનાવનો આજે અંત આવશે.
શુભ અંક : ૯
શુભ રંગ : પીળો
8. વૃશ્ચિક – ન,ય(Scorpio):
તમારામાં રહેલી નકારાત્મકતા તમને આગળ વધતા રોકે છે. તમે ઘણા સમયથી કરેલી મહેનતનું યોગ્ય ફળ મળતું નથી તો તમારે આજથી જ હકારાત્મક વલણ અપનાવવાનું છે. તમારા પરિવાર સાથે વાત કરો તેઓ આજે તમારી ખુબ મદદ કરી શકશે. કોઈપણ પરિવારજનો સાથે કે મિત્રો સાથે વાત કરો તો વાણી અને વર્તનમાં થોડી સાવધાની રાખજો. નાની નાની રમૂજમાં માટે કોઈને ઉતારી પડવાની જો આદત છે તો એ આજથી બદલી દો. આજે જો ઘરમાં કોઈપણ વાતને લઈને વિવાદ થાય તો તેને વડીલોની સલાહ લઈને સુલજાવી દો. આજે તમારા જીવનસાથીની તબિયત નરમ ગરમ રહેશે. મન હળવું કરવા માંગો છો તો જુના મિત્રોને ફોન કરીને કે મળીને વાતો કરો.
શુભ અંક : ૯
શુભ રંગ : આસમાની
9.ધન – ભ, ધ, ફ, ઢ (Sagittarius):
વેપારી મિત્રોને અટકેલા પૈસા પરત મળશે. લોટરીથી તમને સારા પૈસા મળશે. સ્ટોક માર્કેટમાં પૈસા રોકવા માટે સારો દિવસ છે. સંતાન તરફથી તમને મુશ્કેલીઓ આવશે. તમારા પ્રિયજન કે પછી જીવનસાથી તરફથી તમને સપોર્ટ મળશે. કફ અને ઉધરસની તકલીફ થઇ શકે છે. વિદ્યાર્થીઓ માટે પણ દિવસ અનુકુળ છે, વાંચવામાં મન લાગશે. નોકરી કરતા મિત્રોને પોતાના સાથે કામ કરતા કર્મચારી સાથે તાલમેલ બેસશે. આજે નાહકના કોઈના વાદ વિવાદમાં ફસાતા નહિ. એકંદરે આજનો દિવસ સામાન્ય રહેશે.
શુભ અંક : ૯
શુભ રંગ : પીળો
10. મકર – જ, ખ (Capricorn):
જે મિત્રો સંતાનપ્રાપ્તિની ઈચ્છા રાખી રહ્યા છે તેમણે પત્નીના સ્વાસ્થ્યનું ધ્યાન રાખવું. આજે રસ્તો ઓળંગતા તકેદારી રાખજો. જે મિત્રો નોકરી કરે છે તેમને ઓફિસમાં કોઈપણ જાતની સિક્રેટ વાતો કરવી નહિ તમે મુશ્કેલીમાં મુકાઈ શકો તેવા યોગ બની રહ્યા છે. આજે સોના અને ચાંદીમાં રોકાણ માટે સારો દિવસ છે. આજે બાળકોની તબિયત બગડી શકે છે તેમનું પુરતું ધ્યાન રાખો. સફળ થવા માટે કોઈ વ્યક્તિનો સીડીની જેમ ઉપયોગ કરશો નહિ એ તમારા ભવિષ્ય માટે યોગ્ય નથી.
શુભ અંક : ૮
શુભ રંગ : પીળો
11. કુંભ – ગ,શ,સ(Aquarius):
આજે સ્વાસ્થ્ય થોડું નરમ ગરમ રહી શકે છે તો ખાવા પીવામાં ખાસ ધ્યાન રાખજો. તબિયતના કારણે આજે કોઈ મહત્વની મીટીંગ કે પછી મોટા પ્રોજેક્ટનું કામ અટકી શકે છે. જરૂરિયાતના સમયે આજે તમારું પ્રિયજન તમારાથી દૂર હશે. અણધાર્યું કોઈ કામ આવી ને તમને વ્યસ્ત કરી દેશે. આજે હતાશ થઈને તમારે બેસી રહેવાનું નથી આજે કોઈ નવા અને અલગ કામમાં ધ્યાન લગાવો જે તમને ફ્રેશ કરી શકે. હંમેશા પોઝીટીવ રહો નેગેટીવ વિચારોને કારણે તમે દુખી થઇ શકો છો. એક વાત જરૂર યાદ રાખો કોઈપણ દુઃખ કાયમ નથી રહેવાનું તમારી મહેનતથી તમે આગળ વધી શકશો.
શુભ અંક : ૫
શુભ રંગ : આસમાની
12. મીન – દ,ચ,જ,થ(Pisces):

આજે નોકરી કરતા મિત્રોને ઓફિસમાં વધારે કામ કરવાનો વારો આવશે. તમારે તમારું બાકીનું કામ આજે ઘરે પણ પહોચીને કરવું પડશે. પરિવાર અને બાળકો તરફથી પુરતો સપોર્ટ મળશે. જો આજે કોઈ જગ્યાએ ખરીદી કરવા જવાનો પ્લાન છે તો તમારા બજેટ બહાર ખરીદી કરતા નહિ. આજે તમને સારા સમાચાર મળવાના યોગ છે. આજે તમારા ઘરેથી કોઈ ગરીબ ભૂખ્યું ના જાય તેની તાકેદારો રાખજો. મહિલા મિત્રો માટે પણ સારો સમય છે.
શુભ અંક : ૧
શુભ રંગ : નારંગી

આજે જે મિત્રોનો જન્મ દિવસ છે તેમની માટે ખાસ.
જે મિત્રોનો આજે જન્મદિવસ છે તેમને પહેલા તો ઘણીબધી શુભેચ્છાઓ, ઈશ્વર તમારી દરેક ઈચ્છા પૂર્ણ કરવાની તમને શક્તિ આપે એવા આશીર્વાદ. હવે વાંચો આજથી તમારે આ વર્ષે શું કરવાનું છે અને શું નથી કરવાનું કઈ વાતોનું ધ્યાન રાખશો કે જેથી આ આખું વર્ષ તમારું સુખદ બની શકે.

સ્વાસ્થ્ય – વર્ષની શરૂઆતમાં વાતાવરણમાં કારણે સ્વાસ્થ્ય ઉપર નીચે રહેશે. નિયમિત ડોકટરની મુલાકાત લેવાનું અને દવા લેવાનું ભૂલતા નહિ. વર્ષના વચ્ચેના સમયમાં તમારું સ્વાસ્થ્ય સારું રહેશે. વર્ષના અંતે કોઈ અકસ્માત થવાના યોગ છે.

નોકરી-ધંધો – નોકરી કરતા મિત્રોને આ વર્ષે દિવાળીની આસપાસ પ્રમોશન મળશે. વેપારી મિત્રો આ વર્ષ દરમિયાન પોતાનો વેપાર વિદેશમાં શરુ કરવાના ચાન્સ મળશે. યોગ્ય માર્ગદર્શન હેઠળ કામ શરુ કરો. કોઈપણ નવો પ્રોજેક્ટ લેતા પહેલા તેના વિષે પુરતું વિચારી લેજો.

કૌટુંબિક-પારિવારિક – આ વર્ષ દરમિયાન જો કોઈ જુનો કેસ ચાલી રહ્યો છે તો તે તમારી તરફેણમાં રહેશે. માતા પિતાનું સ્વાસ્થ્ય સારું રહેશે પણ વર્ષના અંતિમ સમયમાં તેમની વિશેષ કાળજી રાખજો. આ વર્ષે પરિવાર સાથે કોઈ લાંબી ધાર્મિક યાત્રા પર જવાના યોગ છે.

Author: GujjuRocks Team
તમે આ લેખ GujjuRocks ના માધ્યમથી વાંચી રહ્યા છો, અમારો આ લેખ વાચવા બદલ આપનો આભાર. જો તમને આ લેખ ગમ્યો હોય તો શેર કરી વધુમાં વધુ લોકો સુધી પહોંચાડો અને તમારા પ્રતિભાવો કોમેન્ટમાં જણાવો.

આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ “GujjuRocks” લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરો >> GujjuRocks

લેખ ગમ્યો હોય તો લાઈક કરી મિત્રો સાથે શેયર કરજો.
Disclaimer: The views and opinions expressed in article/website are those of the authors and do not necessarily reflect the official policy or position of GujjuRocks. Any content provided by our bloggers or authors are of their opinion, and are not intended to malign any religion, ethic group, club, organization, company, individual or anyone or anything.

LEAVE A REPLY

Please enter your comment!
Please enter your name here