કેટલીક વાર એવું થાય છે કે, આપણુ મન તો મક્કમ હોય છે પરંતુ આપણે જિંદગીથી હારી જઇએ છીએ. ઘણા લોકોને નાનપણથી જ કંઇક બનવાની ઇચ્છા હોય છે અને તેઓ તેમનું સપનુ પૂર્ણ કરવા માટે કંઇ પણ કરતા હોય છે. ત્યારે તમને યાદ હોય તો થોડા સમય પહેલા એક બ્રેઇન ટ્યુમરની દર્દીને અમદાવાદ જિલ્લાની એક દિવસીય કલેક્ટર બનાવવામાં આવી હતી. આ 11 વર્ષિય ફ્લોરા હવે જિંદગી સામે જંગ હારી ગઇ છે. છેલ્લા કેટલાક સમયથી તેની બ્રેઇન ટ્યુમરની સારવાર ચાલી રહી હતી અને હવે આખરે ફ્લોરાનું નિધન થયુ છે.
અમદાવાદ જિલ્લાની એક દિવસની કલેક્ટર બનેલી 11 વર્ષિય ફ્લોરાને 7 મહીના પહેલા બ્રેઇન ટ્યુમરની બીમારી થઇ હતી અને તે બાદથી તેની સારવાર ચાલી રહી હતી. તેની ઇચ્છા આગળ જઇને IAS બનવાની હતી, પરંતુ તે તેની બીમારીને કારણે હારી ગઇ. જો કે, તેની ઇચ્છાને અમદાવાદ કલેક્ટરે પૂરી કરી હતી અને તેને 18 સપ્ટેમ્બરના રોજ અમદાવાદ જિલ્લાની એક દિવસની કલેક્ટર બનાવવામાં આવી હતી.
ફ્લોરાના નિધન પર અમદાવાદ કલેક્ટર સંદીપ સાંગલેએ ટ્વીટર પર શ્રદ્ધાંજલિ પાઠવી છે. ફ્લોરા આસોડિયાના નિધન પર તેમણે દુખ વ્યક્ત કર્યુ છે અને સાથે સાથે પરિવારજનોને સાંત્વના પાઠવી છે. જણાવી દઇએ કે, ફ્લોરાના માતા-પિતા ઇચ્છતા હતા કે તેનું સપનુ પૂરુ થાય અને તેના જ માટે તેઓ એનજીઓ સુધી પહોંચ્યા અને એનજીઓ દ્વારા ફ્લોરાની ઇચ્છા પૂરી કરવા માટે અમદાવાદના કલેક્ટરને મળ્યા અને ત્યાર બાદ કલેક્ટર સંદીપ સાગલેએ ફ્લોરાની આ ઇચ્છા પૂરી કરી.
Deeply saddened by the loss of brave little girl Flora Asodia. Heavy hearted tribute to an exceptionally brilliant child and a soul full of faith, courage and strength.
Condolences to the family. Our Fondest memories will be cherished forever.Rest in Peace and in Power 🙏 pic.twitter.com/X07OQwDr99
— Ahmedabad Collector (@CollectorAhd) October 6, 2021
ફ્લોરાની ઇચ્છાની જાણ એક એનજીઓ દ્વારા અમદાવાદ કલેક્ટર સંદીપ સાગલે સુધી પહોંચી તેમણે ફ્લોરા વિશે બધી માહિતી લીધી અને તેની ઇચ્છા પૂર્ણ કરવા માટે નિર્ણય લીધો. 18 સપ્ટેમ્બરના રોજ ફ્લોરાને એક દિવસની અમદાવાદ જિલ્લા કલેક્ટર બનાવવામાં આવી.
અમદાવાદ કલેક્ટર કચેરીએ ફ્લોરાનું રેડ કાર્પેટ પર સ્વાગત કરવામાં આવ્યુ હતુ તેમજ કલેક્ટર સંદીપ સાગલેએ તેને તેમની ખુરશી પર બેસાડી એક દિવસની કલેક્ટર બનાવી. ગંગા સ્વરૂપા આર્થિક સહાયના પ્રમાણપત્રો ફ્લોરાએ કલેક્ટરનો ચાર્જ લીધા બાદ આપવામાં આવ્યા. કલેક્ટર દ્વારા ગિફ્ટ આપી તેના સ્વાસ્થ્ય માટે પ્રાર્થના પણ કરવામાં આવી હતી. આ દરમિયાન કલેક્ટર સંદીપ ભાવુક થઇ ગયા હતા.
દીકરીના કલેક્ટર બનવા પર પરિવારે કહ્યુ કે, આજે દીકરીને કલેક્ટર તરીકે જોઇ અમારો પરિવાર ઘણો ખુશ છે, દીકરીની ઇચ્છા હતી કે ભણી ગણી કલેક્ટર બને પરંતુ બીમારીને કારણે તેની સ્થિતિ ઘણી કથળી રહી છે. એવામાં અમદાવાદ જિલ્લા કલેક્ટરને જાણ થતા જ તેઓએ સંવેદનશીલતા દાખવી, તેને એક દિવસની કલેક્ટર બનાવી હતી.
Rest in peace Flora 🌹
11-year-old Flora Asodia who was battling hard against a brain tumor was made the collector of Ahmedabad for a day, as her last wish.
She is no more between us now. @ourahmedabad pic.twitter.com/j3D6CwJkn8
— Our Vadodara (@ourvadodara) October 7, 2021
સરગાસણમાં રહેતી ફ્લોરા અને તેના પરિવારને જિલ્લા કલેક્ટરની ગાડીમાં બેસાડી અમદાવાદ કલેક્ટર કચેરી લાવવામાં આવ્યા હતા. ત્યાં તેને ગાર્ડ ઓફ ઓનર આપવામા આવ્યુ હતુ અને ત્યાંથી તેને કલેક્ટરની ચેમ્બરમાં લઇ જવાઇ હતી. જિલ્લા વહીવટી તંત્ર દ્વારા તેની ઇચ્છા જાણી તેને એક ટેબ્લેટ, બાર્બી ગર્લ સેટ તંત્ર દ્વારા આપવામાં આવ્યો હતો અને આ ઉપરાંત તેના જન્મદિવસ નિમિતે કેક પણ કાપવામાં આવી હતી.