તમારા ઘરે મહુડી જેવી સુખડી નથી બનતી ? તો આ સુખડીની રેસીપી ખાસ તમારા માટે જ છે.. જુઓ ને બનાવજો જરૂર…….

0

ગુજરાતીઘરોમાં બનતી સુખડી એ ગુજરાતની પારંપારિક મીઠાઈમાં આવે છે. ખાવામાં ટેસ્ટી ને પૌષ્ટિક એવી આ સુખડી પ્રસિદ્ધ યાત્રાધામ મહુડીમાં પણ પ્રસાદ તરીકે ચડાવવામાં આવે છે. અને એકવાર બનાવ્યા પછી લગભગ મહિના સુધી એ સારી રહે છે. આ સુખડી હવે શિયાળો આવશે એટ્લે તો ઘરે ગહરે બનવા લાગશે.

શું તમને પણ સુખડી ભાવે છે ? પણ મહુડી જેવી સુખડી નથી બનતી ? સુખડી બનાવો છો તો કળક થઈ જાય છે ? તો આજે અમે તમને સુખડી કેમ બનાવવી , કેવી રીતે બનાવવી અને તેમાં શું ધ્યાન રાખવું તેની સંપૂર્ણ માહિતી અને પરફેક્ટ રીત જણાવી રહ્યા છીએ. તો નોંધી લે જો…હવે શિયાળો આવી જ રહ્યો છે. કામ લાગશે.

  • સામગ્રી :
  • 2/4 કપ ઘઉં નો લોટ
  • 2/4 કપ ઘી
  • 2/4 કપ ગોળ એકદમ છીણીને લેવો.
    રીત :
    સૌ પ્રથમ એક કઢાઈમાં ઘી લેવાનું છે. અને ગેસ ચાલુ કરી ઘી ને ગરમ કરવા મૂકો. હવે ઘી ગરમ થઈ જાય એટ્લે એમાં લોટ એડ કરો. લોટને ધીમે ધીમે હલાવીને શેકવાનો છે.
    ગેસની ફ્લેમ નહી બહુ ધીમી કે નહી બહુ વધારે એમ રાખવાની છે. અને લોટ અને ઘી બંને એકદમ ગરમ થવાથી લોટ શેકાવા લાગશે.લોટમાંથી ઘી છૂટું પડશે ને લોટનો કલર પણ બદલાઈ જશે અને સુગંધ આવે એટ્લે સમજવું કે લોટ બરાબર શેકાઈ ગયો છે.
    હવે લોટ એકદમ શેકાઈ ગયો છે. એટ્લે એમાં તમારે છીણેલો ગોળ નાખીને હલાવવવાનું છે. ગેસની ફ્લેમ મીડિયમ જ રાખવાની છે. અને સતત હલાવતા રહેવું જેથી ગોળ લોટમાં એકદમ મિક્સ થઈ જાય. તમારે ગોળને સુખડી બનાવતા પહેલા જ ખમણી ને રેડી રાખવાનો છે.
    હવે ગોળ એકદમ ઓગળી ગયો છે. એટ્લે ઘી લગાવેલ થાળીમાં સાચવીને સુખડી માટે શેકેલો લોટ પાથરી દેવાનો છે. અને લોટ પાથરીને પછી તાવેથીની મદદથી લોટને પ્રેસ કરે સરસ ડાબી દેવાનો. જેનાથી સુખડીના ચોસલા પાડવામાં સહેલું પડે.

હવે એક ચપ્પુ લઈને સરસ તમને ગમતા આકારના ચોસલા પાડો. ધ્યાન રહે સુખડી ગરમ હોય ત્યારે જ ચોસલા પાડો. જો ઠંડી થઈ જશે તો તમને ચોસલા પાડવામાં મજા નહી આવે ને બરાબર પડશે પણ નહી.
જો તામરી સુખડી ચવ્વડ બની જતી જોય તો ગોળ ઓગળે એટ્લે તરત જ ગેસ બંધ કરી દેવો .આમ કરવાથી સુખડી એકદમ સોફ્ટ બનશે.
તમે ચાહો તો તમે સુખડીમાં ઉપરથી બદામની કતરણ ને કોપરાનું છીણ પણ ભભરાવી શકો છો. તો તૈયાર છે તમારી ગરમા ગરમ સુખડી. ખાવ અને ખવડાવો ઘરના સૌને.

Author: GujjuRocks Team
મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે અમને ઉત્સાહ રહે…
દરરોજ અવનવી વાનગી માટે લાઇક કરો અમારું પેજ – GujjuRocks – ગુજ્જુરોક્સ

આ લેખ ગમ્યો હોય તો તમારા મિત્રો સાથે જરૂર શેયર કરજો.! 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરો.

LEAVE A REPLY

Please enter your comment!
Please enter your name here