સંઘર્સ – ખેડૂત અને ભગવાન ની કહાની,દુષ્કાળમાં પ્રભુએ ખેડૂતને એક તક આપી કે તું ધારે એ મોસમ આપીશ તને

0

એક વાર એક ખેડૂત પરમાત્મા થી ખુબ રિસાઈ ગયો કયારેક પુર આવી જતું , તો કયારેક દુષ્કાળ પડી જતો , કયારેક ખુબ તડકો પડતો , તો કયારેક વાદળીયું વાતાવરણ થઈ જતું દરેક વખતે કઈક ને કઈક કારણ થી તેનો પાક થોડો ખરાબ થઇ જતો . એક દિવસ તેણે ખુબ થાકી ને પરમાત્મા ને કહ્યું જોવો પ્રભુ , તમે પરમાત્મા છો ,પરંતુ લાગે છે કે તમને ખેતી વિષે કોઈ વધુ માહિતી નથી , એક પ્રાથના છે કે એક વર્ષ મને તક આપો , જેમ હું ઈચ્છું તેવો મોસમ આવે પછી તમે જોજો હું કેમ અન્ન નો ભંડાર ભરી દઈસ . પરમાત્મા મંદ હસ્યા અને કહ્યું ઠીક છે, જેમ તને ઠીક લાગે તેમજ મોસમ આપીશ , હું વચ્ચે દખલ નહિ કરું .
ખેડૂત એ ઘઉં નો પાક વાવ્યો , જયારે તડકો માંગ્યો તડકો મળ્યો , જયારે પાણી માંગ્યું પાણી મળી ગયું . ખુબ તડકો , આગ , પુર , તોફાન ને તો તેણે આવવા જ ના દીધા . સમય ની સાથે પાક મોટો થયો અને ખેડૂત ની ખુશી નો પાર ના રહ્યો કારણ કે આવો પાક આજ સુધી માં કયારેય પણ નહતો થયો . ખેડૂત મન માં વિચારવા લાગ્યો કે હવે પરમાત્મા ને ખબર પડશે કે કેમ પાક ની વાવણી કરવી જોયે , બેકાર માં આટલા વર્ષ અમને ખેડૂતો ને હેરાન કરતા રહ્યા .
પાક લણવા નો સમય આવ્યો ખેડૂત ખુબ ગર્વ સાથે પાક લણવા નો હતો , પરંતુ જેવું તે પાક ઉપાડવા ગયો , એક દમ છાતી પર હાથ રાખી બેસી ગયો ! અરે આ શું ઘઉં ની એક પણ બાલી ની અંદર ઘઉં નહતા , બધી બાલી અંદર થી ખાલી હતી , ખુબ દુ:ખી થઇ ને તેણે પરમાત્મા ને કહ્યું , પ્રભુ આ શું થયું ?
ત્યારે પરમાત્મા બોલ્યા –
એતો થવાનું જ હતું , તે છોડવા ને સંઘર્ષ કરવાનો જરા પણ મોકો ના આપ્યો . ના ખુબ તાપ માં તપવા દીધા , નતો તોફાન થી લડવા દીધા , તેને કોઈ પણ પ્રકાર ની મુશ્કેલી નો અહેસાસ ના થવા દીધો , એટલા માટે બધા છોડ ખોખલા રહી ગયા , જયારે આંધી આવે છે , ખુબ વરસાદ થાય છે , તાપ લાગે છે ત્યારે છોડ પોતાનું અસ્તિત્વ બચાવા સંઘર્ષ કરે છે અને તે સંઘર્ષ થી જે બળ જન્મે તે જ તેને શક્તિ આપે છે , ઉર્જા આપે છે , જેના લીધે તેની અંદર નવા બીજ જન્મે છે .તે જ રીતે જીવન માં જો સંઘર્ષ ના હોઈ , મુશ્કેલી ના હોઈ તો માણસ ખોખલો જ રહી જાય છે , તેની અંદર કોઈ ગુણ નથી આવતા ! એ મુશ્કેલી જ છે જે માણસ ની અંદર ઉર્જા જન્માવે છે તેને જીવવા નો , કઈક કરી બતાવા નો ધ્યેય આપે છે , દરેક દિવસ એક નવું કામ આપે છે , વિચારો જો આ બધું ના હોય તો જીંદગી કેવી હોય .એટલા માટે મુશ્કેલી થી ગભરાવ કે ભાગો નહિ પરંતુ તેનાથી કઈક નવું શીખવા ની કોશીશ કરો . જેમ સોનું આગ માં તપીને કુંદન બને છે એમજ મુશ્કેલી માં પોતાની જાત ને તપાવો , પછી જોવો તમારી સામે તે વ્યક્તિત્વ આવશે જેને આખી દુનિયા સલામ કરશે.લેખક: Vishal Singdiya

તમે આ લેખ ‘GujjuRocks‘ ના સહયોગ થી વાંચી રહ્યા છો. આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.આ લેખ તમને ગમ્યો હોય તો તમારા મિત્રો સાથે શેર કરી શકો છો.

લેખ ગમ્યો હોય તો મિત્રો સાથે શેયર કરજો. 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરી જોડાઓ. ➡
Disclaimer: The views and opinions expressed in article/website are those of the authors and do not necessarily reflect the official policy or position of GujjuRocks. Any content provided by our bloggers or authors are of their opinion, and are not intended to malign any religion, ethic group, club, organization, company, individual or anyone or anything.

LEAVE A REPLY

Please enter your comment!
Please enter your name here