સુરતની ફેશન ડિઝાઇનર આ જાનવી દીકરી મૃત્યુ બાદ મિશાલ બની, ‘જીવંત’ રાખવા માતાપિતાએ 6-6 અંગોનું દાન કર્યું

0

સુરતમાં વધુ એક ઘટના સામે આવી છે જેનાથી એવું સાબિત થાય છે કે દુનિયામાંથી હજુ પણ માણસાઈ ખતમ નથી થઇ. સુરતની 21 વર્ષીય ડિઝાઈનર યુવતીના અકસ્માતમાં બ્રેઈનડેડ થઇ હતી, જેના પરિવારે તેના 6 અંગોનું દાન કરીને 6 વ્યક્તિઓને નવું જીવન આપીને માનવતા મહેકાવી હતી.

આ યુવતીના હૃદયનું ટ્રાન્સપ્લાન્ટ 26 વર્ષીય લાલજી ગેડીયામાં કરવામાં આવ્યું હતું. યુવતીનું હૃદય 107 મિનિટમાં 269 કિમીનું અંતર પર કરીને મુંબઈની ફોર્ટિસ હોસ્પિટલમાં લાવવામાં આવ્યું હતું. સુરતમાંથી આ હૃદય મળીને કુલ 21 હૃદયના દાન કરવામાં આવ્યા છે.

મળેલી માહિતી મુજબ, વેસુમાં રહેતી જાનવી પરિવાર સાથે રહેતી હતી અને ફેશન ડિઝાઈનનો અભ્યાસ કરી ફેશન ડિઝાઈનર તરીકે કાર્યરત હતી. ગયા મહિનાની 17 તારીખે તેને એક નાનો અકસ્માત નડ્યો હતો જેમાં તેને માથામાં ગંભીર ઇજા થવાથી એ બેભાન થઇ ગઈ હતી. જેથી તેને સારવાર અર્થે ખાનગી હોસ્પિટલમાં ખસેડવામાં આવી હતી. ત્યારે સારવાર દરમ્યાન ડોક્ટરોએ તેને બ્રેઇનડેડ જાહેર કરી હતી.

ડોનેટ લાઈફને આ બાબતની જાણ થતા ટિમ હોસ્પિટલ પહોંચી હતી અને જાનવીના પરિવારને અંગદાન વિશે માહિતી આપી હતી. જેથી પરિવારના લોકોએ અંગદાન માટે સંમતિ આપી હતી. જેમાં તેનું હૃદય, લીવર, ફીડની અને આંખો દાન કરી હતી.

જાનવીના માતા અમિતાબેન અને પિતા તેજસભાઈએ જણાવ્યું કે જે થવાનું હતું તે થઇ ગયું છે. અમારી દીકરી બ્રેનડેડ થઈ છે અને તેનું મૃત્યુ નિશ્વિત જ છે. ત્યારે તેનું શરીર બળીને રાખ થઇ જાય એના કરતા તેના અંગોના દાન થકી કોઈકના લાડકવાયાને નવજીવન મળતું હોય તો અંગદાન માટે આપ આગળ વધો.

જાનવીનું હૃદય મુંબઈમાં 26 વર્ષીય લાલજી ગેડિયામાં ટ્રાન્સપ્લાન્ટ કરવામાં આવ્યું જયારે તેની એક કિડની અમદાવાદના 47 વર્ષીય નરેશ રાજપરાને, બીજી કિડની રાંચીના 42 વર્ષીય રાકેશકુમાર ઝાને અને તેનું લીવર અમદાવાદના 47 વર્ષીય જીજ્ઞાબેન પટેલને આપવામાં આવી.

કદાચ આનું જ નામ માણસાઈ છે. જાનકી પોતે તો જતી રહી પરંતુ બીજા ઘણા લોકોને નવજીવન આપીને ગઈ. આવા જ કાર્યોથી પ્રેરણા લઈને સારા કામો કરતા રહીશું તો કદાચ આ ધરતી પરથી માણસાઈ કદી ખતમ નહિ થાય.

Author: GujjuRocks Team
“ગુજ્જુ રોક્સ” પરની આ રસપ્રદ પોસ્ટ પસંદ આવી હોય તો આપના બહુમૂલ્ય પ્રતિભાવ કમેન્ટમાં લખજો અને પોસ્ટને શેર કરજો. દરરોજ આવી અનેક લાગણીસભર વાર્તાઓ વાંચો ફક્ત ગુજ્જુરોક્સ પેજ પર.

લેખ ગમ્યો હોય તો મિત્રો સાથે શેયર કરજો. 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરી જોડાઓ. ➡
Disclaimer: The views and opinions expressed in article/website are those of the authors and do not necessarily reflect the official policy or position of GujjuRocks. Any content provided by our bloggers or authors are of their opinion, and are not intended to malign any religion, ethic group, club, organization, company, individual or anyone or anything.

LEAVE A REPLY

Please enter your comment!
Please enter your name here