ક્યારેક તબૂના કપડાંને ઈસ્ત્રી કરતો આ ડિરેક્ટર આજે કરોડપતિ છે

1. બોલિવૂડનો સફળ ડિરેક્ટર:

‘ગોલમાલ’ સીરિઝની ફિલ્મ્સનો ડિરેક્ટર રોહિત શેટ્ટી હાલ પોતાની ફિલ્મને લઇને પહેલાથી જ ચર્ચામાં છે. તાજેતરમાં જ ફરી રોહિત શેટ્ટી ચર્ચામાં આવ્યો છે જ્યારે તેણે એક રિયાલિટી શો ‘ઇન્ડિયાસ નેક્સ્ટ સુપરસ્ટાર’માં પોતાના વિશે એક ખુલાસો કર્યો હતો. નોંધનીય છે કે રોહિત શેટ્ટીએ ડિરેક્ટ કરેલી ફિલ્મ્સમાંથી અત્યાર સુધી 7 ફિલ્મ્સ 100 કરોડની ક્લબમાં આવી છે. જે 100 કરોડી ક્લબમાં સૌથી હાઇએસ્ટ ફિલ્મ્સ છે.

2.તબૂની સાડીને કરી હતી ઈસ્ત્રી:

આ રિયાલિટી શોમાં રોહિત શેટ્ટીએ એ સમય વિશે જણાવ્યું હતું જ્યારે તે ઇન્ડસ્ટ્રીની એક એક્ટ્રેસની સાડીને ઈસ્ત્રી કરતો અને બીજી એક્ટ્રેસની હેરસ્ટાઇલ પણ સરખી કરતો. ફિલ્મ્સમાં કોમેડી દ્વારા લોકોના ચહેરા પર ખુશી લાવતાં આ ડિરેક્ટરે જણાવ્યું હતું કે ફિલ્મ ‘હકીકત’ના શૂટિંગ દરમિયાન તેણે તબુની સાડીને ઇસ્ત્રી કરી હતી. એ સમયે રોહિત શેટ્ટી એક્ટ્રેસની આગળ પાછળ ફરતો હતો.

3. એક્ટ્રેસિસના કર્યા છે કામ:

રોહિત શેટ્ટીએ તબૂની સાડીને તો ઈસ્ત્રી કરી જ છે. આ સાથે જ તેણે એક ફિલ્મના શૂટિંગ દરમિયાન કાજોલની હેરસ્ટાઇલ પણ સરખી કરી છે. તેણે જણાવ્યું હતું કે આવું કામ કરવું ખૂબ જ મુશ્કેલ છે. આ જ કારણે તે સ્પોટબોયની મદદ કરે છે.

4. શું માને છે રોહિત શેટ્ટી:

શો દરમિયાન રોહિતે એ પણ જણાવ્યું હતું કે તે પોતાની નીચે કામ કરતા દરેક વ્યક્તિનું સન્માન કરે છે. તેનું માનવું છે કે જ્યારે તમારી પાસે તાકાત હોય છે ત્યારે તમે કેવી રીતે લોકો સાથે વર્તન કરો છો તે મહત્વનું છે. જેણે તમને પરેશાનીમાં જોયાં છે અને તમને જાણે છે એ તમારો સાથ આપશે.

5. આસિસ્ટન્ટ ડિરેક્ટર તરીકે કર્યું છે કામ:

રોહિત શેટ્ટીએ ફિલ્મ ‘ફૂલ ઔર કાંટે’, ‘સુહાગ’, ‘પ્યાર તો હોના હી થા’, ‘રાજુ ચાચા’ જેવી ફિલ્મ્સમાં આસિસ્ટન્ટ ડિરેક્ટર તરીકે કામ કર્યું છે. રોહિત શેટ્ટીની પહેલી ફિલ્મ 2003માં આવી હતી. જેનું ટાઇટલ ‘જમીન’ હતું. આ ફિલ્મને તેણે ડિરેક્ટ કરી હતી.

Source: IamGujarat

17 લાખ ગુજરાતીને ગમ્યું છે આ પેઈજ..!! શું તમે ગુજરાતનું લોકલાડીલું આપણું ફેસબુક પેઈજ લાઈક કર્યું ?
દોસ્તો, આ પોસ્ટ ગમી હોય તો તમારા મિત્રો ને પણ શેર કરી મોકલજો.. જય જય ગરવી ગુજરાત!