અમદાવાદથી ગોવા જવાનું વિચારો છો? તો કરો એડવાન્સ બુકિંગ, ને માણો ગોવાની મોજ એ પણ મફતના ભાવમાં….

0

ગુજરાતીઓમાં જો ક્યાય ફરવા જવાની વાત નીકળે તો આ ચોમાસાની સીઝનમાં એક જ સ્થળ હૈયે અને હોઠે આવે. એ છે ‘ગોવા’. હા ગોવા છે જ એવી જગ્યા..જ્યાં ભલભલાને જવાનું મન થાય જ. પણ જો બજેટ ઓછું હોય તો ગોવા કેમ જવું ? એ પ્રશ્ન તમને મુંજવતો હોય તો એનો એક્દમ સરળ ને સિમ્પલ રસ્તો એટલે ‘જે ગુજરાત, મહારાષ્ટ્ર, ગોવા, કર્ણાટક, કેરલ અને તામિલનાડુ સહિતના છ રાજ્યોને સાંકળતી અત્યાધુનિક સુવિધાઓથી સજ્જ ગાંધીધામ-તીરૂનેલવેલી હમસફર એક્સપ્રેસ”. હા, સાવ સાચું છે આ. જો તમે થોડું દિમાગ ચલાવી ટેક્નોલોજીનો ઉપયોગ કરીન ભારત રેલવેની ન્યુ બ્રાન્ડ ટ્રેન હમસફર એક્સપ્રેસમાં ફરવા જાવ ઓછા બજેટમાં ગુજરાતથી ગોવામાં આરામથી હરી ફરી શકો છો ને ગોવાની મજા બિન્દાસ માણી શકો છો.

જાણો એ ટ્રેન વિશે વિશે થોડું વધુ :

અમદાવાદ, રેલવે મંત્રાયલયે હમસફર ટ્રેન ગાંધીધામ સુધી લંબાવવામાં આવતા મુસાફરોને ઘણીય રાહત થશે. આ ટ્રેન ગાંધીધામ-તુરૂનવેલી સુધી ગઈ પાંચમી જુલાઇથી શરૂ થયેલી આ ટ્રેન તમને આરામથી ગોવાની સફર કરાવશે.

આ ટ્રેન અતિઆધુનિક સુવિધાઓથી સજજ છે. આ ટ્રેનમાં દરેક ડબ્બામાં ચા- કોફી કે પછી નાસ્તાની ફેસીલીટી છે. એ ઉપરાંત સી.સી. ટી.વી કેમેરા, ચર્જિંગ પોઈન્ટ, સ્મોક ડિટેકશન તેમજ સુપરવિઝ્ન સિસ્ટમ તો ખરી જ.
હમસફર ટ્રેનમાં બીજી બધી ટ્રેનો કરતાં વધારે ને અલગ ફેસિલીટી છે આ ફેસિલીટીના કારણે જ આ ટ્રેન બીજી ટ્રેનો કરતાં અલગ પડે છે ને એટ્લે જ લોકોના આકર્ષણનું કેન્દ્ર બની છે.

હમસફર એક્સપ્રેસ ટ્રેનમા બધા કોચ 3 ટાયર એસીના હશે. આ ટ્રેન ગાંધીધામથી અમદાવાદ, વડોદરા, સુરત, વસઇ રોડ, પનવેલ , રત્નહારી , મડગાંવ , કસવર , મેંગલોર , કોઝિકોડ, શોરાનુર, એર્નાકુલમ, અને તિરુવનંતપુરમ સ્ટેશનો પર રોકાશે..આ ટ્રેન અઠવાડિયાના દર સોમવારે સાંજે 7 :10 ના તમને અમદાવાદ રેલવે સ્ટેશનથી મળશે. અને બીજે જ દિવસે તમે પહોંચી જશો ગોવા ..

જેને નાના બાળકો સાથે ગોવાની ટૂર કરવી છે એમના માટે તો ફૂલ સગવડતા છે આ ટ્રેનમાં. ભારતની આ પહેલી એવી ટ્રેન છે જેમાં બાળકોના નેપકિન બદલવાની સગવડતા છે. છે ને આનંદની વાત ? તો રાહ શું કોની જોવાની લઈ જાવ તમારા બાળકોને સાથે ને કરાવી દો ફટાફટ બુકિંગ…!!

આ ટ્રેનમાં સાઈડ બર્થ ઢાંકવા માટેના પડતાઓ પણ આપેલા છે. જેથી કોઈ પેસેંજરને પરેશાની ના થાય તે માટે.

આ ટ્રેન દિવ્યાંગ લોકો માટે આશીર્વાદરૂપ છે. કેમકે આ ટ્રેનમાં બર્થ નંબર અને કોચ નંબર બ્રેઇન લીપીમાં પણ લખ્યા છે. જેથી કોઈ દિવ્યાંગને કોઇની મદદ લીધા વગર આરામથી પોતાનો કોચ નંબર અને બર્થ નંબર શોધી શકે. ઘણી બધી સગવડો ને ઘણું બધુ વિચારીને બનાવેલી આ ટ્રેન ભારતની એવી પ્રથમ ટ્રેન છે. જેમાં આટલી અધતન સગવડતાઓ રાખવામા આવી છે.તમે ગોવા જશો આ ટ્રેનમાં તો રસ્તામાં તમે ગોવા સિવાય પણ ઘણા એવા સ્થળો જોઈ શકશો જે તમે તમારી લાઈફમાં ક્યારેય ફોટાઓ સિવાય લાઈવ તો જોયા જ નહી હોય. આ ટ્રેનનો રૂટ જ એવો ચૂઝ કર્યો છે કે પ્રવાસીઓ એમએન મૂકીને આ રૂટની મજા માણી શકે !!

અમદાવાદથી આ ટ્રેન વડોદરા, સુરત થઈને પનવેલથી આગળ જશો તો છેક મડગાંવ સ્ટેશન સુધી તમનેવાઇલ્સ ફ્લાવર્સ, ગાઢ વૃક્ષો ને રંગબેરંગી પતંગિયાઓ જોવા મળશે. ટ્રેનની સગવડતાની સાથે સાથે મન મૂકીને કુદરતને પણ માણી શકશો. મુસાફરી દરમ્યાન તમને નીરવ શાંતિનો આહલાદક અનુભવ થયા વગર તો નહી જ રહે ..
આવી રીતે તમે પ્રકૃતિને માણતા માણતા આ હમસફર ટ્રેનમાં પહોંચી જશો મડગાંવ. ને આવી ગયું તમારું ગોવા. એ પણ ઓછા બજેટમાં.. તો વધારે વિચારો નહી, આ ચોમાસાના સોનેરી દિવસોમાં માણો ગોવાના બીચ પરનો રોમાંચક ને આહલાદક અનુભવ.

જો તમારો પ્લાન ગોવા વધારે રોકાવાનો નથી તો આ જ ટ્રેન તમને શુક્રવારે સવારે 11 : 30કલાકે મડગાંવથી મળી રહેશે. ને પાછો એ જ પ્રકૃતિનો આનંદ માણતા માણતા તમે પહોંચી જશો પાછા અમદાવાદ!
તો મિત્રો, છે ને સરસ સગવડતા ભરી ગોવાની સફર !!

તો હવે બનાવો જલ્દી પ્લાન ને ફરી આવો ગોવા એ પણ આબુ જવાના બજેટમાં ..હા હા હા ..!!
બાય, ફરી મળીશું આવી જ એક નવી સફર સાથે !!!જો તમારો ગોવા ત્રણ-ચાર દિવસ રોકાવાનો પ્લાન હોય તો ગોવાથી પાછા ફરવા માટે પણ આ ટ્રેન તમારા માટે બેસ્ટ ઓપ્શન છે. આ ટ્રેન દર શુક્રવારે સવારે 11.30 કલાકે મડગાંવ આવી પહોંચશે, અને દસ મિનિટ રોકાઈને 11.20 કલાકે ગાંધીધામ જવા માટે રવાના થશે, અને બીજા દિવસે સવારે સવા સાત વાગ્યે તમને અમદાવાદ ઉતારી દેશે.

7/7અમદાવાદથી ગોવા વચ્ચેનું અંતર:

અમદાવાદથી ગોવાના મડગાંવ સ્ટેશન વચ્ચેનું અંતર 1207 કિલોમીટર થાય છે. જેને આ ટ્રેન વીસેક કલાકમાં કવર કરી લે છે. આ ટ્રેનની સૌથી મજેદાર વાત એ છે કે, અમદાવાદથી મુંબઈ વચ્ચેના રુટમાં તે રાતના સમયે દોડે છે, મતલબ કે જેને તમે ઘણીવાર જોઈ ચૂક્યા છો તે રુટ પર દિવસે પસાર થવાની જરુર નથી, પરંતુ જેને જોવાની ખરી મજા છે તેવા પનવેલથી મડગાંવ સુધીના રુટ પર આ ટ્રેન જતા અને આવતા એમ બંને સમયે દિવસે પસાર થાય છે.

Author: GujjuRocks Team
સંકલન: વિનંતી પંડ્યા

દરરોજ અનેક ઉપયોગી માહિતી અને અવનવી અલગ અલગ માહિતી વાંચો ફક્ત આપણા GujjuRocks પેજ પર.

લેખ ગમ્યો હોય તો મિત્રો સાથે શેયર કરજો. 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરી જોડાઓ. ➡
Disclaimer: The views and opinions expressed in article/website are those of the authors and do not necessarily reflect the official policy or position of GujjuRocks. Any content provided by our bloggers or authors are of their opinion, and are not intended to malign any religion, ethic group, club, organization, company, individual or anyone or anything.

LEAVE A REPLY

Please enter your comment!
Please enter your name here