આજે વાંચો શ્રી કૃષ્ણના કુળદેવી માતા હરસિદ્ધિ માતાનો ઇતિહાસ !!!

0

પોરબંદર પાસે આવેલ ગાંધાવી ગામમાં માતા હરસિદ્ધિનું મંદિર આવેલું છે. તેનું મહત્વ ઘણું જ અનેરું છે. કહેવાય છે કે માતા હરસિદ્ધિ માતા એ ભગવાન શ્રીકૃષ્ણ ના કુળદેવી તરીકે પૂજાયા છે. અને કોયલા ડુંગરે બેઠેલ માતા હરસિદ્ધિ આજે પણ એના ચમત્કારો અને પરચાના કારણે પૂજાય છે. માતા હરસિદ્ધિ તેમના પરચાના કારણે માતા સિકોતર, હર્ષદ ને વહાણવટી માતાના નામે પૂજાય છે.

કોયલા ડુંગરે બેઠેલ માતા હરસિદ્ધિની પ્રાગટ્યા કથા વાંચો –

કોયલે ડુંગરે બેઠેલ માતા હર્ષદની એ ભગવાન શ્રી કૃષ્ણના કુળદેવી છે. અને તે ઇતિહાસ કઈક આવો છે. એવી લોકવાયકા પણ છે કે બેટદ્વારિકામાં શંખાસૂર નામનો એક રાક્ષસ રહેતો હતો. અને એ રાક્ષસનો ત્રાસ દિવસે ને દિવસે વધતો ગયો. જેના કારણે બેટ દ્વારિકાની પ્રજાએ ભગવાન કૃષ્ણને એ રાક્ષસના ત્રાસમાથી છોડાવવા માટે પ્રાર્થના કરી.

ત્યારે ભગવન કૃષ્ણ એ રાક્ષસ શંખાસૂર સાથે યુદ્ધ કરવાનું વિચાર્યું. પણ એ યુદ્ધ માટે એમના કુળદેવી માતા હરસિદ્ધના આશીર્વાદ લેવા નું નક્કી કર્યું ને ભગવાન કૃષ્ણ એ કોયલા ડુંગરે આવીને માતા હર્ષદ ની તપસ્યા કરે છે.
માતા હર્ષદ ભગવાન કૃષ્ણની તપસ્યા થી પ્રસન્ન થયા. ને બોલ્યા કે ‘ તમે તો સર્વશક્તિમાન છો , તમે તો આ જગતના તારણહાર છો, તમે આ જગતના નાથ છો, મને આમ તપસ્યા કરી યાદ કરવાનું કારણ ?

ત્યારે ભગવાન ક્રુષ્ણ એ જણાવ્યુ કે, મારે રાક્ષસ શંખાસૂર સાથે યુદ્ધ કરવું છે ને એમાં તમારા આશીર્વાદની જરૂર છે. ત્યારે માતા હર્ષદે કહ્યું કે, જ્યારે પણ તમે યુદ્ધ કરવા જાવ, ત્યારે કોયલા ડુંગર બાજુ ધ્યાન કરીને મારુ સ્મરણ કરજો. હું જરૂર તમારી વ્હારે આવી જઈશ.

પછી માતાજીની કૃપાથી યાદવ કુળના વંશજ ભગવાન શ્રી ક્રુષ્ણએ શંખાસૂરનો નાશ કર્યો ને બેટ દ્વારિકાના લોકોને શંખાસૂરના ત્રાસમાંથી મુક્ત કર્યા. ને યાદવ કુળના કુલદેવીનું ભગવાન શ્રી કૃષ્ણએ મંદિર બંધાવ્યું. જે આજે પણ કોયલા ડુંગર ઉપર સ્થાપિત છે.

દરિયાની વચ્ચે ઉભેલા કોયલા ડુંગરના 400 પગથિયાં છે જ્યાં આ શક્તિ બિરાજમાન છે. આજે પણ હજારોની સંખ્યામાં ભક્તો પગથિયાં ચડી માતાના દર્શન કરી ધન્યતા અનુભવે છે. એ સાથે સાથે તમને પગથિયાં ચડતી વખતે કુદરતના પણ અનેરા દર્શન થશે, દરિયાના મોજના ઘુઘવાટાનો અવાજ પવનની લહેરો સાથે કાને અથડાયાનો અહેસાસ થશે ને તમે પ્રકૃતિને મનભરીને માણી શકશો.

કોયલા ડુંગરના તટમાં તટમાં બિરાજેલ માતા હરસિદ્ધિનો ઇતિહાસ –
પહેલાના જમાનમાં વેપાએ દરિયાના માધ્યમથી જ કરવામાં આવતો હતો ને વેપારીઓ જ્યારે પણ પોતાનું વહાણ લઈને કોયલા ડુંગર પાસેથી પસાર થાય ત્યારે તેમણે માતા હરસીદ્ધ્નું સ્મરણ કરીને એક શ્રીફળ ને ચુંદડી દરિયા દેવને અર્પણ કરવામાં આવતું હતું.

એક વારા આ દરિયામાર્ગે કચ્છનો જગદુશા નામે એક વાણિયો વેપારી તેના સાતેય વહાણો લઈને પસાર થાય છે, જગદુશા ના સાતેય વહાણો હીરા જવેરાતથી ભર્યા હતા. ને જગદુશા પોતે વાણિયો હોવાથી માતાજીમાં માણતો નહી. એટલે તેણે હાંસી ઉડાવી ને માતાજીને ચુંદડી કે શ્રીફળ અર્પણ ન કર્યું, ને તરત જ જગદુશના સાતેય વહાણો ડૂબવા લાગે છે ને જગદુશાએ ત્યારે દેવીનો આ કોપ સમજી ગયો ને કોયલા ડુંગર સામે બે હાથ જોડી ક્ષમા માંગતા બોલ્યો કે, ” હે દેવી ! તમે જે હોય તે, મારા સાતેય વહાણોને ડૂબતાં બચાવી લો. હું તરત જ તમારા દર્શન કરવા કોયલા ડુંગર આવીશ ને તમને ચુંદડી ચડાવીશ. “

હજી જગદુશા આ બોલે છે ત્યાં જ એક ચમત્કાર થાય છે સાતેય વહાણ દરિયામાંથી આપોઆપ ઉપર આવી દરિયામાં તરવા લાગે છે ને પછી જગદુશા કોયલા ડુંગર પાસે આવે છે ને માતાને પોતાના કુળદેવી માને છે ને પછી માતાને વિનંતી કરે છે કે . , માતા ડુંગર ઉપર દર્શન કરવા કાંઠા પડે છે. તમે કોયલા ડુંગરાની ટોચથી નીચે ઉતરી તળેટીએ બિરાજમાન થાઓ..મંદિર તમારું હું બંધાવીશ.

જગદુશાએ તળેટીમાં મંદિર બંધાવ્યું… પરંતુ માતાજી નીચે આવ્યા નહી. હર્ષદ માતાને જગદુશાની ભક્તિની પરીક્ષા કરવાનું મન થયું ને કહ્યું કે, મને એક એક પગથિયે પ્રાણીની બલી ચઢાવો… તો હું નીચે વાસ કરું.

જગડુશાએ એક એક પગથિયે, બકરા ને ઘેટાં ને બીજા પશુઓ આજુ બાજુમાંથી ગોતીને મંગાવ્યા ને પછી એક એક પગાથીયે માડી નીચે ઉતરતા ગયા ને એક એક પગથિયે બલી અપાતી ગઈ.
હવે બલી બધી જ પૂરી થઈ જાય છે. છેલ્લે બાકી છે માત્ર ચાર જ પગથિયાં..પરંતુ જગદુશાને ઘણી તપાસ કરતાં એકેય બલી ચડાવવા કોઈ પશુ મળ્યું નહી, ત્યારે માતા હરસિદ્ધિ બોલે છે કે, હે જગડુશા મારી બલી બાકી રહી, હવે હું પાછી મારા સ્થાનકે ઉપર વાસ કરવા જાવ છુ.”

ત્યારે જગડુશાએ કહ્યું કે, ના ના માડી, હું આવડો મોટો બેઠો હોય ને તમે આમ અડધેથી પાછા જાવ એ કેવી રીતે શક્ય છે, બલી હું મારી આપીશ”

આ સાંભળી તેમનો દીકરો ને તેમની બે પત્ની પણ બલી આપવા માટે તૈયાર થયા ને ચાર પગથિયે જગદુશાના પરિવારની બલી અપાઈ. માતાજી નીચે ઉતરે છે ને કોયલા ડુંગરની તળેટીમાં વાસ કરે છે.

જગદુશાની ભક્તિથી પ્રસન્ન થયા ને જેટલી પણ બલી લેવાઈ હતી તે બધી જ બળીને સજીવન કરે છે ને પછી જગડૂશાના કુળના કુળદેવી તરીકે પૂજાવાનું અને તેના કુળની રક્ષા કરવાનું જગડુશાને વચન આપે છે.

આમ માતા હર્ષદ કોયલા ડુંગરના તટમાં બિરાજેલ.
આજે પણ હરસિદ્ધિ દાલભ્ય ગોત્રના ત્રિવેદી કુળની કુળદેવી તરીકે પૂજાય છે, ને આ મંદિર જ એક એવું છે જ્યાં આરતી સવારે કરવામાં આવે છે ને સાંજની આરતી ઉજજેન કરવામાં આવે છે.

આ લેખ ગમ્યો હોય તો તમારા મિત્રો સાથે જરૂર શેયર કરજો.! 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરો.

LEAVE A REPLY

Please enter your comment!
Please enter your name here