22, ફેબ્રુઆરી- ૨૦૧૯: આજના રાશિફળ સાથે વાંચો તમારું સ્વાસ્થ્ય, જોબ અને અંગત જીવન , આજે જે મિત્રોનો જન્મ દિવસ છે તેમને અચૂક ટેગ કરજો !!

0

1. મેષ – અ,લ,ઈ (Aries):
આજે લાંબા સમય માટે રોકાણ કરવા માંગો છો તો સારો દિવસ છે. વિદેશમાં વેપાર ફેલાવવાના સારા અવસર મળશે. પ્રેમીઓ માટે આજનો દિવસ સારો છે. આજે એકબીજા સાથે સારો સમય વિતાવી શકશો. જે મિત્રો લગ્ન કરવા માટે ઈચ્છુક છે તેઓને આજે સારા ઘરના માંગા આવશે. આજે વિદ્યાર્થી મિત્રો માટે પણ સારો દિવસ છે લાંબા સમયથી ચાલી રહેલ પરેશાનીનો અંત આવશે. આજે માતાની તબિયત નરમગરમ રહેશે. આજે શિક્ષકોની મુલાકાત તેમના જુના અને પ્રિય વિદ્યાર્થીઓ સાથે થશે. આજે પારિવારિક બિઝનેસ માટે સારો સમય છે. પરિવારમાં સંપને કારણે મોટી મુશ્કેલીમાંથી બહાર આવી શકશો. અચાનક ધનલાભ પણ થઇ શકે છે.
શુભ અંક : ૨
શુભ રંગ : ગુલાબી

2.વૃષભ – બ,વ,ઉ (Taurus):
આજે રેગ્યુલર ઇન્કમ કરતા વધારાની ઇન્કમ કમાવવા માટે સારા રસ્તાઓ ખુલશે. આજે તમારા ઓપોઝિટ જેન્ડરથી તમને ધનલાભ થશે. પરિવારના સુખ અને સુવિધાઓ માટે લોન લઇ શકો છો. આજે પરિવારમાં કોઈની તબિયત ખાસ કરીને માતા પિતાની તબિયત બગડી શકે છે. આજે લગ્નજીવનને સૌથી સારું બનાવી શકશો. પતિ પત્ની એકબીજાની સાથે મળીને આજે પરિવારના અમુક મહત્વના નિર્ણય લઇ શકશો. આજે નોકરી કરતા મિત્રોને તેમના નસીબનો સારો સાથ મળશે. વિદ્યાર્થી મિત્રો તેમની સાથે કોમ્પિટિશનમાં રહેલા વિદ્યાર્થી કરતા સારો દેખાવ કરી શકશે. વેપારી મિત્રો નવા વેપારની શરૂઆત કરવા માંગતા હોય તો તેમની માટે આજનો દિવસ સારો છે. આર્થિક ઉન્નતી માટે આજનો દિવસ સૌથી શ્રેષ્ટ છે.
શુભ અંક : ૮
શુભ રંગ : પીળો

3. મિથુન – ક,છ,ઘ (Gemini):
પૈસા લેવડ દેવડનું કોઈ જોખમ લેવું નહિ. આજે ઉતાવળે કોઈપણ નિર્ણય લેવાનો નથી. આજે મહત્વના લોકો સાથે મુલાકાત થશે. આજે તમારી નજીકના લોકો તમારી મદદ માંગશે તો કોઈપણ સંકોચ રાખ્યા વગર જો થઇ શકે તો મદદ કરજો. આજે જીવનસાથી સાથે કોઈ વાતે તકરાર થઇ શકે છે. આજે દિવસના અંતે તામારા સંબંધો મજબુત થઇ જશે. પ્રેમીઓ માટે આજનો દિવસ સારો છે. આજે સ્વાસ્થ્ય તમને સામાન્ય લાગશે પણ નિયમિત ડોક્ટરની મુલાકત કરવી અને ચેકઅપ કરાવવું. નોકરી કરતા મિત્રો માટે આજનો દિવસ સામાન્ય રહેશે. આજે કોઈની વાતથી તમને ખોટું લાગી શકે છે, તેમની વાતોને પોઝીટીવ લઈને તમારા કામમાં બદલાવ કરો.
શુભ અંક : ૧
શુભ રંગ : સફેદ

4. કર્ક – ડ,હ (Cancer):
આજે ભવિષ્યની બચત માટે પ્લાનિંગ કરી શકશો. આજે ઇન્કમ વધારવા માટેના નવા સોર્સ મળશે. આજે પરિવાર અને પોતાની સુખ સુવિધા માટે આજે ખર્ચ કરી શકશો. આજે પરિવાર સાથે કોઈ લાંબી મુસાફરી કરવા માટે જઈ શકો છો. આજે દાંપત્યજીવન માટે પણ સૌથી સારો દિવસ છે. આજે જીવનસાથી તરફથી તમને સહકાર અને પ્રેમ મળશે જેનાથી તમારી આજની સાંજ બની જશે. આજે વિદ્યાર્થી મિત્રો માટે સામાન્ય દિવસ છે. ભણવામાં વધુ મહેનત અને ધ્યાનની જરૂરત છે. આજે બહારનું ખુલ્લું ખાવાથી બચીને રહેશો. આજે પેટમાં દુખાવો અને બીજી સામાન્ય તકલીફ થશે. આર્થિક સ્થિતિ આજે મજબુત રહેશે. વેપારી મિત્રોને આજે અચાનક ધનલાભ થવાની સંભાવના છે.
શુભ અંક : ૭
શુભ રંગ : લાલ

5. સિંહ – મ,ટ (Lio):
એક્સ્ટ્રા ઇન્કામ માટેના સોર્સ મળશે પણ કોઈપણ જાણકારી કે અનુભવ વગર ઉતાવળે કોઈપણ કામ કરવું નહિ. આજે અમુક મિત્રો તમને ગેરમાર્ગે કે પછી શોર્ટકટ અપનાવવા માટે કહેશે પણ તમારે આજે તમારી સમજદારીથી કામ કરવાનું છે. આજે પરણિત મિત્રોના જીવનની સમસ્યા દૂર થઇ જશે. તમારા જીવનસાથી સાથે આજે વાત કરતા તકેદારી રાખવી. ગુસ્સો કરતા વ્યક્તિઓએ પોતાના સ્વભાવમાં થોડી નરમાશ લાવવાની જરૂરત છે. સોફ્ટવેર અને ટેકનોલોજી સાથે જોડાયેલ મિત્રોને ફાયદો થશે. આજે સ્વાસ્થ્ય સારું રહેશે. મિત્રો અને પરિવાર સાથે સારો સમય વિતાવી શકશો. જમીન અને મકાન લે વેચ માં તકેદારી રાખવી.
શુભ અંક : ૪
શુભ રંગ : આસમાની

6. કન્યા – પ,ઠ,ણ (Virgo):
આજે સ્વાસ્થ્ય થોડું નરમ ગરમ રહી શકે છે તો ખાવા પીવામાં ખાસ ધ્યાન રાખજો. તબિયતના કારણે આજે કોઈ મહત્વની મીટીંગ કે પછી મોટા પ્રોજેક્ટનું કામ અટકી શકે છે. જરૂરિયાતના સમયે આજે તમારું પ્રિયજન તમારાથી દૂર હશે. અણધાર્યું કોઈ કામ આવી ને તમને વ્યસ્ત કરી દેશે. આજે હતાશ થઈને તમારે બેસી રહેવાનું નથી આજે કોઈ નવા અને અલગ કામમાં ધ્યાન લગાવો જે તમને ફ્રેશ કરી શકે. હંમેશા પોઝીટીવ રહો નેગેટીવ વિચારોને કારણે તમે દુખી થઇ શકો છો. એક વાત જરૂર યાદ રાખો કોઈપણ દુઃખ કાયમ નથી રહેવાનું તમારી મહેનતથી તમે આગળ વધી શકશો.
શુભ અંક : ૮
શુભ રંગ : નારંગી

7. તુલા – ર,ત (Libra):
આજે તમારા જુના મિત્રો તરફથી તમને સપોર્ટ મળશે જેનાથી તમે આજે તમારી આવકમાં વધારો કરી શકશો. પ્રેમીઓનો ખર્ચ આજે વધી શકે છે.. જીવનસાથી તરફથી આજે તમને ભેટ મળી શકશે, આજનો દિવસ પરિણીત મિત્રો માટે મહત્વનો રહેશે. સંતાન સંબંધિત કોઈ નિણર્ય લેવાનો રહેશે. પ્રોપર્ટીના કામ સાથે જોડાયેલ મિત્રોને આજે રોજ કરતા વધુ મહેનત રહેશે પણ તેનાથી ભવિષ્યમાં તમને નાણાકીય લાભ મળશે. આજે માનસિક શાંતિ અને ખુશી પ્રાપ્ત થશે. પરિવારમાં સારા પ્રસંગ બનવાના દિવસો હવે આવશે. નોકરી કરતા મિત્રોને આજે સારી ઓફર આવશે. જે વિદ્યાર્થી મિત્રો ભણવા માટે વિદેશ જવા માંગે છે તેમની માટે સારા સમાચાર આવશે. પરીક્ષાનું રીઝલ્ટ પોઝીટીવ આવવાથી પરિવારમાં બધા ખુશ હશે.
શુભ અંક : ૧
શુભ રંગ : કાળો

8. વૃષિક – ન,ય(Scorpio):
સ્થાયી ઇન્કમમાં વધારો કરવા માટે આજે સારા અવસર આવશે. તેમાં મહેનત કરશો તો તમને સારો ફાયદો થશે નહિ તો તમને ધારો એવી સફળતા મળશે નહિ. આજે સમાજમાં તમારી નામના થશે. તમને માન અને સન્માન મળશે. નોકરી કરતા મિત્રોના ઓફીસના કામથી તેમના ઉપરી અધિકારી અને બોસ ઘણા ખુશ હશે, કેટલાક નવા પ્રોજેક્ટ્સ તમને મળી શકશે. આજે પ્રમોશનના પણ યોગ બને છે. વિદ્યાર્થી મિત્રોને આજે પોતાના મિત્રો સાથે વધારે સમય પસાર થશે. વેપારી મિત્રોને ઘણા સમય પહેલા કરેલ કામથી આજે ફાયદો થશે. તમારી આર્થિક પરીસ્થિતિ ધીરે ધીરે મજબુત થતી જણાશે. આજે સંતાન તરફથી સારા સમચાર મળશે. કોઈપણ સ્થાયી મિલકત ખરીદીમાં કોઈ નિષ્ણાત અને અનુભવી વ્યક્તિની સલાહ જરૂર લેજો.
શુભ અંક : ૯
શુભ રંગ : લીલો

9.ધન – ભ, ધ, ફ, ઢ (Sagittarius):
આજે વધારે પડતો શ્રમ કરવાનું ટાળો વધારે વજન ઉચકવા વાળા કામ કરવાનું ટાળો. નિયમિત ડોક્ટરની મુલાકાત લેવાનું રાખો. આજે ઉંમરલાયક મિત્રો સ્વાસ્થ્ય પ્રત્યે ખાસ તકેદારી રાખો. આજે બહારનું ખાવા પીવામાં ધ્યાન આપજો બને ત્યાં સુધી પ્રયત્ન કરજો કે ઘરનું અને સાદું ભોજન કરી શકો. માથાનો દુખાવો આજે બપોરથી જ રહેશે. આજે ઓફિસમાં પણ તમારું મન બેચેન રહેશે. સાંજના સમયે ફ્રેશ થવા માટે તમારો સમય પરિવાર સાથે વિતાવો, તમારા જીવનસાથી માટે આજે નાનકડી સરપ્રાઈઝ પ્લાન કરો તમે પણ ખુશ રહેશો અને પરિવારમાં દરેક તમારી હાજરીથી ખુશ રહેશે. આજે પૈસા કમાવા માટેનો સારો દિવસ છે પણ તેની સાથે આજે વધારાનો ખર્ચ પણ થઇ શકે એમ છે. તમારા મોજીલા અને રમૂજી સ્વભાવ પર થોડો કંટ્રોલ રાખો.
શુભ અંક : ૫
શુભ રંગ : જાંબલી

10. મકર – જ, ખ (Capricorn): .
આજે પરિવારજનોની ફરમાઇશ પૂરી કરવા જતા અમુક વધારાના ખર્ચ થવાના યોગ છે. સાંજના સમયે પેટ અને પીઠમાં દુખાવો થઇ શકે છે. તમને આજે તમારા ઉપરી અધિકારી તરફથી પુરતો સપોર્ટ મળશે જેના લીધે આજે ઘણા સમયથી અટકી પડેલા કામને તમે આગળ વધારી શકશો. આજે તમારે કોઈપણ વ્યક્તિ સાથે વાત કરો ત્યારે તમારી વાણી પર સંયમ રાખજો નહિ તો તમારું બનેલું કામ બગડી શકે છે. કોઈપણ નવા કાર્યની શરૂઆત કરતા પહેલા ઈશ્વરને યાદ કરવાનું ચુકતા નહિ. આજે બપોરનો સમય તમારી માટે લાભદાયી છે. આજે પરિવાર તરફથી પણ તમારા વખાણ થશે જેનાથી તમને ખૂબ આનંદ મળશે.
શુભ અંક : ૩
શુભ રંગ : લીલો

11. કુંભ – ગ,શ,સ(Aquarius):
ઘણા સમય પહેલા શેર માર્કેટમાં રોકેલ પૈસાથી આજે ધનલાભ થશે. આજે ધાર્મિક પ્રસંગ તરફ જુકાવ વધારે હશે, મનની શાંતિ માટે આજે પરિવાર સાથે મંદિરની મુલાકાત જરૂર લેજો. આજે તમારા જીવનસાથી તરફથી તમને સપોર્ટ મળશે જેનાથી તમે તમારી દરેક મુશ્કેલીઓ સુલઝાવી શકશો. આજે સ્વાસ્થ્ય પ્રત્યે વિશેષ કાળજી રાખજો. આજે ઘરે રહીને કામ કરતા લોકો માટે ફાયદાકારક દિવસ છે. વેપારી મિત્રોને આજે ભાગીદારીમાં સારો ફાયદો મળશે. જો તમે એકલા વેપાર કરવા માટે વિચારી રહ્યા છો તો આજે સારો દિવસ છે. વિદ્યાર્થી મિત્રો માટે આજે થોડી મુસીબત આવશે, મિત્રોની મદદથી તમને સરળ રસ્તો મળશે. માતા પિતાને આજે તમારા સાથની જરૂરત છે. તમારી સમજદારીથી ઘરમાં શાંતિ બની રહેશે.
શુભ અંક : ૯
શુભ રંગ : પીળો

12. મીન – દ,ચ,જ,થ(Pisces):
આજે ખાવા પીવાની બાબતમાં તમારે ઘણી કેર કરવાની જરૂરત છે. વધારે પડતું તીખું અને તળેલું ખાવાનું ઇગ્નોર કરો. સંબંધોના વહેણમાં એટલા પણ ના વહી જશો કે ત્યાંથી પાછું આવવું મુશ્કેલ થઇ જાય. તમારો મિલનસાર સ્વભાવ આજે તમને વધુ તકલીફ આપશે. બધા વ્યક્તિઓ એકસરખા નથી હોતા કોઈપણ વ્યક્તિને તમારી અંગત વાતો જણાવતા પહેલા એ વ્યક્તિ કેવી છે એની તપાસ કરો. કામની ચિંતામાં આજે તમે તમારા જીવનસાથીને યોગ્ય સમય નહિ આપી શકો જેનાથી તમારે તેમની નારાજગીનો સામનો કરવો પડશે. દિવસનો અંત પરિવાર સાથે વિતાવો. મગજ પર વધુ દબાણને કારણે તમને માથાનો દુખાવો થઇ શકે છે.
શુભ અંક : ૬
શુભ રંગ : લાલ

આજે જે મિત્રોનો જન્મ દિવસ છે તેમની માટે ખાસ.

જે મિત્રોનો આજે જન્મદિવસ છે તેમને પહેલા તો ઘણીબધી શુભેચ્છાઓ, ઈશ્વર તમારી દરેક ઈચ્છા પૂર્ણ કરવાની તમને શક્તિ આપે એવા આશીર્વાદ. હવે વાંચો આજથી તમારે આ વર્ષે શું કરવાનું છે અને શું નથી કરવાનું કઈ વાતોનું ધ્યાન રાખશો કે જેથી આ આખું વર્ષ તમારું સુખદ બની શકે.
સ્વાસ્થ્ય – આ વર્ષના શરૂઆતના દિવસમાં તમારા સ્વાસ્થ્યની વિશેષ કાળજી રાખવાની જરૂરત છે. સંતાનની તબિયત વર્ષ દરમિયાન સારી રહેશે. વડીલોને નિયમિત ડોક્ટરની મુલાકાત કરાવજો. આ વર્ષે યોગા અને કસરત આજથી જ શરુ કરી શકો છો.

નોકરી-ધંધો – ઓફિસમાં આ વર્ષે તમારા સાથી કર્મચારી તમારું સ્થાન લેવા માટે પ્રયત્ન કરશે. તમારું પ્રમોશન જોઇને તમારાથી લોકો ઈર્ષા અનુભવ કરશે. તેવા લોકો સાથે પણ પ્રેમથી વાત કરો પણ હંમેશા સાવધાન રહેજો ક્યાંક એ તમને નુકશાન ના કરે.

કૌટુંબિક-પારિવારિક:ઘરમાં તમારી સાથે રહેતા વડીલોની તબિયત આ વર્ષે ખુબ સાચવજો. તમારી કરેલી સેવાથી તેઓ હંમેશા ખુશ રહેશે. વડીલોના આશીર્વાદ આ વર્ષે તમને સારા ફળશે. તમે ઈચ્છો એવી નોકરી અને ઈચ્છો એ ટાર્ગેટ પુરા કરી શકશો.
Author: GujjuRocks Team
તમે આ લેખ GujjuRocks ના માધ્યમથી વાંચી રહ્યા છો,અમારો આ લેખ વાચવા બદલ આપનો આભાર.જો તમને આ લેખ ગમ્યો હોય તો શેર કરી વધુમાં વધુ લોકો સુધી પહોંચાડો અને તમારા પ્રતિભાવો કોમેન્ટમાં જણાવો.

આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ “GujjuRocks” લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરો >> GujjuRocks

લેખ ગમ્યો હોય તો મિત્રો સાથે શેયર કરજો. 21 લાખ ગુજરાતીઓને ગમ્યું ગુજ્જુરોક્સનું ફેસબુક પેઈજ,તમે પણ લાઈક કરી જોડાઓ. ➡
Disclaimer: The views and opinions expressed in article/website are those of the authors and do not necessarily reflect the official policy or position of GujjuRocks. Any content provided by our bloggers or authors are of their opinion, and are not intended to malign any religion, ethic group, club, organization, company, individual or anyone or anything.

LEAVE A REPLY

Please enter your comment!
Please enter your name here